Dagblaðið Vísir - DV - 20.07.2007, Page 32

FÖSTUDAGUR 20. JÚLÍ 200732 Sport DV
A
rnar Grétars-
son hefur spil-
að hreint frá-
bærlega með
Breiðabliki í
Landsbanka-
deildinni í sum-
ar. Blikar þykja
spila einn skemmtilegasta fót-
bolta deildarinnar og er Arnar þar
í lykilhlutverki. Hann er með hæstu
meðaleinkunn hjá DV af öllum
leikmönnum deildarinnar en þessi
reynslumikli leikmaður kom heim
úr atvinnumennskunni fyrir rétt
rúmlega ári.
Arnar spilaði bæði í Grikklandi
og Belgíu en hann fór út árið 1997
og á 71 landsleik að baki. Hann
varð 35 ára á þessu ári en aldurinn
er ekki farinn að segja til sín sé tek-
ið mið af spilamennsku hans í sum-
ar. „Það hefur verið nóg að gera hjá
mér síðan ég kom heim. Ég er að
vinna í Landsbankanum auk þess
að vera á fullu í fótboltanum og þá
stend ég í því að byggja á Vatns-
enda. Þetta hafa verið ákveðin við-
brigði fyrir mig þar sem fótboltinn
hefur verið mín vinna síðustu ár.
Þetta síðasta ár hefur samt verið
virkilega skemmtilegt og viðburða-
ríkt. Maður hefur verið að takast
á við ný og skemmtileg verkefni,“
segir Arnar. Það var þó ekki stefna
hans að koma heim í fyrra.
„Markmiðið var upphaflega
að vera lengur úti en svo urðu að-
stæður þannig að ég ákvað að fara
heim. Meiðsli og annað spilaði þar
inn í en ég sé alls ekki eftir þessari
ákvörðun. Ég er með tvo krakka og
þeir eru mjög ánægðir, hafa náð að
kynnast mörgum nýjum vinum og
það er bara mjög jákvætt.
Maður kvartar allavega ekki yfir
því að ekki sé nóg að gera. Maður
þarf að sinna fjölskyldunni og svo
er ég líka með þessa golf-bakteríu
í mér sem maður reynir að finna
tíma fyrir. Þegar maður er búinn í
boltanum fer maður líklega á fullu
í golfið,“ segir Arnar.
Skemmtileg blanda
Það fer ekki á milli mála að Arn-
ari líður vel hjá Breiðabliki enda
ólst hann upp hjá félaginu. Hann
er mjög ánægður með það lið sem
Breiðablik hefur á að skipa í dag.
„Breiðabliksliðið er mjög
skemmtilegur hópur með fullt af
stórskemmtilegum einstaklingum.
Stemningin er mjög góð og það
er virkilega gaman að vera hluti af
þessu liði. Það er ansi langt síðan
Breiðablik hefur haft svona gott lið.
Það eru mjög efnilegir strákar að
koma upp og svo erum við líka með
leikmenn sem hafa verið þarna
í nokkur ár. Auk þess höfum við
fimm erlenda leikmenn en það er
ekki hægt að segja annað en að við
höfum verið mjög heppnir með út-
lendinga, þetta eru ekki bara góð-
ir fótboltamenn heldur líka flottir
einstaklingar,“ segir Arnar.
Ólafur Kristjánsson, þjálfari
Breiðabliks, hefur sagt í viðtali að
hann standi og falli með því að lið
hans spili fótbolta. Breiðablik hef-
ur svo sannarlega spilað fótbolta
það sem af er móti þó augljóst sé á
Arnari að hann vildi að stigin væru
fleiri.
„Við höfum mjög vel spilandi
lið. Flestir ef ekki allir leikmenn
geta spilað boltanum vel
og haldið hon-
um
vel. Við höfum sýnt mjög góðan
fótbolta í sumar en það hefur oft
vantað endahnútinn hjá okkur. Það
hafa komið leikir þar sem þetta fell-
ur fyrir okkur og við vinnum mjög
sannfærandi. Við höfum þrisvar
náð að vinna 3-0 og í öllum þeim
leikjum hefði ekki verið ósann-
gjarnt ef við hefðum skorað enn
fleiri mörk,“ segir Arnar.
„Ef menn eru ekki að nýta færin
og gefa ódýr mörk, þá vinnur liðið
ekki. Svona er bara fótboltinn. Það
er samt mjög sterkt hjá okkur að
hafa bara fengið átta mörk á okk-
ur, sérstaklega í ljósi þess hvað við
erum að spila mikinn sóknarbolta
og erum mikið með boltann. Þá vill
það verða þannig að þetta opnist
meira. Það eru allir í liðinu að verj-
ast mjög vel og spilamennskan hef-
ur verið mjög góð þó stigin mættu
vera fleiri. Það er í raun grátlegt að
við séum ekki með fleiri stig mið-
að við hvernig við höfum verið að
spila.“
Rúnar passar betur í Blikaliðið
Breiðablik er sem stendur í
fimmta sæti en liðið endaði í því
sæti í fyrra. „Getan er alveg til stað-
ar og við förum í alla leiki til að
vinna, sama hver mótherjinn er.
Ef við náum að vinna KR í næsta
leik komum við okkur út úr þessu
miðju-ströggli. Skagamenn eru
fyrir ofan okkur, hafa tveimur stig-
um meira en við, og næsta mark-
mið okkar er að ná þeim. Svo er
bara tekið næsta skref og skoðaður
möguleikinn á því að fara eitthvað
hærra. Þetta er samt svo fljótt að
breytast og því mikilvægt að ná eins
og tveimur til þremur sigurleikjum
í röð,“ segir Arnar.
Markmið Breiðabliks fyrir tíma-
bilið var að gera betur en í fyrra.
„Markið var sett á fjórða sætið og í
raun og veru er enn möguleiki á því.
Miðað við stöðuna í deildinni tel ég
það vel raunhæft. Við höfum verið
að þéttast og ná að nýta færin bet-
ur í síðustu leikjum. Svo hafa ungu
strákarnir, bæði Kristinn Steindórs-
son og svo Gunnar Örn, verið að
standa sig mjög vel í síð-
ustu leikjum. Svo
höfum við aðra
leikmenn sem hafa staðið sig mjög
vel eins og Kristján Óla, Steinþór,
Magga Palla og Olgeir. Þetta sýn-
ir bara breiddina í liðinu. Baráttan
um sæti í liðinu er mikil og er ansi
langt síðan hún hefur verið svona
hörð hjá Breiðabliki. Það er bara já-
kvætt vandamál fyrir þjálfarann.“
Hjá Lokeren lék Arnar með Rún-
ari Kristinssyni sem nú er einnig
kominn heim úr atvinnumennsk-
unni. Rúnar gekk til liðs við KR fyrr
í sumar en hefur ekki náð að standa
undir þeim væntingum sem til
hans voru gerðar.
„Rúnar er fyrst og fremst fót-
boltamaður og þegar lið er fyrst
og fremst að kýla boltanum fram,
þá gerir hann voðalega lítið. Hann
þarf að fá boltann í lappirnar og
spila. Nú er þetta komið á það stig
að menn hafa kannski lítið sjálfs-
traust og þá er voðalega lítið verið
að spila. Þá er ekki hægt að ætlast
til að hann fari að gera eitthvað,“
segir Arnar en hann trúir því að það
hefði hentað Rúnari betur að koma
í Kópavoginn.
„Ég hugsa það að það hefði hent-
að hans leikstíl miklu betur að fara
í Breiðablik. Við erum að spila einn
besta boltann eins og staðan er
núna og ég held að í okkar liði gæti
hann sýnt þessa fótboltalegu getu
sem hann býr yfir. Það eru kannski
ósanngjarnar kröfur sem voru sett-
ar á Rúnar og lið sem notast mik-
ið við langar sendingar breytir því
ekkert með komu eins manns.“
Gaman á æfingum
Arnar var gerður að fyrir-
liða Breiðabliks fyrir tímabil-
ið og hefur spilað frábærlega
í sumar eins og áður hefur
komið fram en hann spilar á
miðjunni. „Mér hefur geng-
ið alveg ágætlega og það
hjálpar til að vera að spila
í góðu liði og vera með
góða menn við hlið sér. Ef
þú ert með góða menn í
kringum þig gera þeir þig
að betri leikmanni. Þetta
er bara samvinnan í liðinu,
það hafa margir verið að
standa sig vel þarna og ég
er einn af mörgum sem hafa spilað
vel. Þjálfararnir hafa verið að gera
fína hluti og svo er stemningin í lið-
inu mjög góð,“ segir Arnar sem ekki
hefur enn ákveðið hvenær skórnir
fara á hilluna.
„Svo framarlega sem ég lendi
ekki í neinu tek ég allavega næsta
ár. Ég er samningsbundinn út 2008
og eftir það skoðar maður sín mál.
Ef ég verð í fínu standi og hef enn
svona gaman af þessu, þá hætti ég
ekkert. Fótboltinn gefur mér mik-
ið og stærsta ástæðan fyrir því er
skemmtilegur hópur, mér finnst
mjög gaman að mæta á æfingar og
hitta þessa stráka og fíflast aðeins
með þeim,“ segir Arnar sem er viss
um að það verði erfitt að slíta sig frá
boltanum.
„Maður verður líklega eitthvað
í kringum þetta en það er bara
spurning hvernig. Ég er alinn upp
með boltann við tærnar og það
væri skrýtið að kúpla sig alveg út úr
þessu. Fótboltinn er stór partur af
lífi mínu og það væri erfitt að segja
skilið við hann. Ég fór fyrir nokkr-
um mánuðum á þjálfaranámskeið
hjá KSÍ og maður skoðar kannski
þjálfun. Það er þó ekkert sem ég
er farinn að hugsa alvarlega út í
en væri kannski gaman að prófa.
Þetta er öðruvísi nálgun á fótbolt-
ann og það væri gaman að miðla af
reynslu sinni.“
FÓTBOLTINN ER STÓR HLUTI AF LÍFI MÍNU
Með bandið Arnar var gerður að
fyrirliða Breiðabliks fyrir tímabilið.