Dagblaðið Vísir - DV - 07.09.2007, Qupperneq 41

Sigfús Halldórsson var svo ást-
sælt tónskáld meðal þjóðarinnar á
síðustu öld að þar er engum saman
við að jafna nema kannski Jóni Múla
Árnasyni og Oddgeir Kristjánssyni.
Hann samdi mikinn fjölda sönglaga
sem þjóðin tók opnum örmum og
sem eru fyrir löngu orðnar sígildar
og ómissandi perlur á mannamót-
um og ferðalögum.
Sigfús fæddist í Reykjavík, son-
ur Halldórs Sigurðssonar úrsmiðs
og Guðrúnar Eymundsdóttur hús-
móður. Halldór var sonur Sigurð-
ar, hreppstjóra í Skarðshlíð undir
Eyjafjöllum, bróður Ingunnar, lang-
ömmu Þorsteins Thorarensen, rit-
höfundar og útgefanda.
Sigfús stundaði nám við Málaraskóla
Marteins Guðmundssonar og
Björns Björnssonar, lauk prófum í
leiktjaldahönnun og málaralist við
Slade Fine Art School University
of London 1945, stundaði nám
við Stokkhólmsóperuna 1947–
1948, stundaði nám við Myndlista-
og handíðaskóla Íslands og lauk
þaðan m.a. prófum í uppeldis- og
kennslufræði og stndaði nám við
Tónlistarskóla Reykjavíkur.
Sigfús kom víða við á sinni starfsævi,
vann við Útvgsbanka Íslands 1933–
1944, vann í málarasal Þjóðleikhússins
1950–1952, hjá J. Þorláksson &
Norðmann 1954–1955, var starfsmaður
á bókasafni Bandaríkjahers 1955–
1956, vann á Skattstofu Reykjavíkur
1957–1968, var teiknikennari við
Langholtsskóla 1968–981 og hélt
auk þess fjölda teikninámskeiða og
ferðaðist um landið með leikflokkum
á árunum 1939–1955.
Sigfús var afkastamikill málari.
Hann málaði fjölda portretmynda
en auk þess náttúrumyndir og
götumyndir, einkum frá Reykjavík og
Kópavogi, og hélt fjölda einkasýninga,
hér á landi og erlendis. Hann hélt því
reyndar fram að lögin sem hann semdi
sæi hann fyrir sér í litum.
Sigfús samdi þó nokkur
stór tónverk s.s. Stjána bláa við
ljóð Arnar Arnarssonar, og Til
sjómannsekkjunnar, við ljóð Sigurðar
Einarssonar, sem hvoru tveggja eru
kórverk með hljómsveitarundirleik.
Eins má nefna Þakkargjörð, við
ljóð Sigurðar H. Guðmundssonar,
kórverk með hljómsveitarundirleik,
og Austurstræti sem er lagaflokkur við
ljóð Tómasar Guðmundssonar.
Sigfús er þó þekktastur fyrir
sönglög sín sem upphaflega urðu
dægurlög en eru mörg hver löngu
orðin sígild sönglög. Sem listamaður
skynjaði hann gjarnan og túlkaði
rómantíkina og angurværðina í
hinu hversdagslega umhverfi og því
engin tilviljun að hann gerði fjölda
laga við ljóð og kvæði Tómasar
Guðmundssonar, s.s. Dagný, Við
eigum samleið, Við Vatnsmýrina,
Tondeleió, og Játningu. Önnur af
þekktustu lögum hans eru t.d. Lítill
fugl við ljóð Arnar Arnarssonar og
Vegir liggja til allra átta, við texta
Indriða G. Þorsteinssonar, föður
Arnalds rithöfundar, en það lag er
fyrsta íslenska kvikmyndalagið.
Þekktasta lag Sigfúsar er þó án efa
Litla flugan en textinn er eftir Sigurð
Elíasson.
Eiginkona Sigfúsar var Steinunn
Jónsdóttir og eignuðust þau tvö börn,
Gunnlaug Yngva og Hrefnu. Þau
hjónin fluttu í Kópavoginn 1963 en
Sigfús var heiðurslistamaður Kópa-
vogsbæjar og kjörinn heiðursborgari
Kópavogs 1994. Honum var sýndur
margvíslegur annar heiður sem lista-
manni og áhugamanni um íþrótt-
ir og ýmis félagsstörf, var sæmdur
Riddarakrossi íslensku fálkaorðunn-
ar, gullmerkjum Knattspyrnufélags-
ins Vals og FH, gullmerki Sjómanna-
dagsráðs og heiðursmerki Leikfélags
Reykjavíkur.
Starfsferill
Halldór fæddist á Vopnafirði.
Hann lauk Samvinnuskólaprófi
1965, varð löggiltur endurskoðandi
1970 og stundaði framhaldsnám
við verslunarháskólana í Björgvin
og Kaupmannahöfn 1971–73.
Halldór var lektor við við-
skiptadeild HÍ 1973–1975.Hann
var alþingismaður Austurlands-
kjördæmis 1974–1978 og frá 1979–
2003 og var alþingismaður Reykja-
víkurkjördæmis norður 2003–2006.
Halldór var sjávarútvegsráðherra
1983–1991 og samstarfsráðherra um
norræn málefni 1985–1987, dóms-
og kirkjumálaráðherra 1988–1989,
samstarfsráðherra Norðurlanda
1995–1999, utanríkisráðherra 1995–
2004 og forsætisráðherra 2004–2006.
Hann hefur verið framkvæmdastjóri
norrænu ráðherranefndarinnar frá
2006.
Halldór var varaformaður
Framsóknarflokksins 1980–1994 og
formaður flokksins 1994–2006. Hann
sat í bankaráði Seðlabanka Íslands
1976–1983 og var formaður þess
1980–1983, sat í Norðurlandaráði
1977–1978, 1980–1983, og 1991–
1995, var formaður Íslandsdeildar
þess 1982–1983 og 1993–1995. Þá
sat hann í Íslandsdeild Alþjóðaþin
gmannasambandsins 1976 og var
hann formaður hóps miðjuflokka í
Norðurlandaráði 1993–1995.
Halldór sat í sjávarútvegsnefnd
1991–1994, efnahags- og við-
skiptanefnd 1991–1994 og var for-
maður hennar 1993–1994, sat í
utanríkismálanefnd 1994–1995,
í sérnefnd um stjórnarskrármál
1994–1995.
Fjölskylda
Halldór kvæntist 16.9. 1967 Sig-
urjónu Sigurðardóttur, f. 14.12. 1947,
læknaritara. Hún er dóttir Sigurð-
ar Brynjólfssonar, fyrrv. afgreiðslu-
stjóra Tímans, og k.h., Helgu Karls-
dóttur Schiöth húsmóður.
Börn Halldórs og Sigurjónu eru
Helga, f. 19.12. 1969, bankastarfs-
maður Seðlabanka Íslands, búsett
í Kópavogi, gift Karli Ottó Schiöth
og eru börn þeirra Linda Hrönn og
Karl Friðrik; Guðrún Lind, f. 15.7.
1974, sálfræðingur en maður henn-
ar er Ómar Halldórsson; Íris Huld, f.
2.10. 1979 en maður hennar er Guð-
mundur Halldór Björnsson og er
dóttir þeirra Tara Sól.
Systkini Halldórs eru Ingólfur, f.
7.1. 1945, skipstjóri á Höfn í Horna-
firði, kvæntur Siggerði Aðalsteins-
dóttur; Anna Guðný, f. 2.7. 1951,
skrifstofumaður hjá Samskipum,
búsett í Reykjavík, gift Þráni Ársæls-
syni matreiðslumanni; Elín, f. 5.1.
1955, leikskólastjóri í Reykjavík, gift
Björgvini Valdimarssyni dúklagn-
ingamanni; Katrín, f. 10.5. 1962,
rekur gróðrarstöð á Egilsstöðum en
maður hennar er Gísli Guðmunds-
son garðyrkjumaður.
Foreldrar Halldórs: Ásgrímur
Halldórsson, f. 7.2. 1925, d. 28.3.
1996, kaupfélagsstjóri og fram-
kvæmdastjóri á Höfn í Hornafirði,
og k.h., Guðrún Ingólfsdóttir, f. 15.6.
1920, d. 14.7. 2004, húsmóðir.
Ætt
Ásgrímur var sonur Halldórs,
kaupfélagsstjóra og alþm. í Bakka-
firði í Borgarfirði eystra Ásgríms-
sonar, b. á Grund í Borgarfirði
eystra Guðmundssonar, b. á Nesi
í Borgarfirði Ásgrímssonar. Móð-
ir Guðmundar á Nesi var Helga
Þorsteinsdóttir, b. á Litlu-Laugum
Andréssonar og Ólafar Jónsdótt-
ur b. í Reykjahlíð Einarssonar, föð-
ur Helgu, langömmu Jóhannes-
ar, langafa Valgerðar Sverrisdóttur,
fyrrv. ráðherra. Bróðir Ólafar var
Friðrik, langafi Ólafs Hjartar, afa
Ólafs Ragnars Grímssonar forseta.
Móðir Ásgríms á Grund var Ingi-
björg Sveinsdóttir, b. á Snotrunesi
Snjólfssonar og Gunnhildar Jóns-
dóttur, b. í Höfn Árnasonar, annars
hinna kunnu Hafnarbræðra, bróð-
ur Hjörleifs, langafa Jörundar, föður
Gauks, fyrrv. umboðsmanns Alþing-
is. Móðir Halldórs alþm. var Katrín
Björnsdóttir, b. í Húsey Hallasonar
og Jóhönnu Björnsdóttur.
Móðir Ásgríms kaupfélagsstjóra
var Anna Guðmundsdóttir, b. á Hóli
í Borgarfirði eystra Jónssonar og
Þórhöllu Steinsdóttur, b. á Borg í
Njarðvík Sigurðssonar, b. í Njarðvík
Jónssonar, ættföður Njarðvíkurætt-
arinnar yngri.
Móðurbróðir Halldórs er Arnþór
Ingólfsson yfirlögregluþjónn. Guðrún
er dóttir Ingólfs, b. á Skjaldþingsstöðum
í Vopnafirði, bróður Jóhannesar, b. í
Fagradal á Fjöllum, föður Gunnars,
pr. á Skarði, föður Jóhannesar, fyrrv.
framkvæmdastjóra Ríkispítalanna.
Ingólfur var sonur Eyjólfs, b. í Fagradal
Guðmundssonar, b. á Fagranesi
í Aðaldal Björnssonar, í Lundi
Guðmundssonar, bróður Páls, langafa
Stefáns, afa Guðmundar Bjarnasonar,
forstjóra Íbúðalánasjóðs og fyrrv.
varaformanns Framsóknarflokksins.
Móðir Guðrúnar var Elín Salína
Sigfúsdóttir, b. á Einarsstöðum
í Vopnafirði Jónssonar. Móðir
Sigfúsar var Sigríður Sigurðardóttir,
b. á Lýtingsstöðum Jónssonar,
b. á Ljósalandi Jónssonar b. á
Vakursstöðum Sigurðssonar ættföður
Vakursstaðaættarinnar, föður Jóns
yngra, langafa Katrínar, móður
Gunnars Gunnarssonar rithöfundar.
Merkir Íslendingar:
afMælisbarn VikUnnar 60 ára á laUgardag
Halldór Ásgrímsson
framkvæmdastjóri norrænu rÁðHerranefndarinnar
Sigfús Halldórsson
f. 7. september 1920, d. 21. desember 1996
DV Ættfræði föstudagur 7. september 2007 41