Fréttatíminn - 11.04.2014, Síða 50

50 ferðalög Helgin 11.-13. apríl 2014
 Kanada Borg sem hvað Best er að Búa í
I nnan um háhýsin í miðborg Vancouver hafa verið lagðir hjólastígar í allar áttir enda
er það yfirlýst markmið borgar­
stjórans að draga úr umferð bíla á
svæðinu. Í bílastæðunum standa
svo matarvagnar sem „servera“
fjölbreyttan skyndibita til gang­
andi vegfarenda. Erilinn sem ein­
kennir háhýsahverfi stórborganna
er því víðsfjarri í Vancouver. Það er
kannski helsta ástæðan fyrir því að
þessi sex hundruð þúsund manna
borg er ávallt í einu af efstu sæt­
unum á lista Economist yfir þær
borgir sem best er að búa í.
Hér eru hverfin í miðborg Van­
couver sem nauðsynlegt er að gefa
gaum á ferðalagi um borgina. Eins
og eins og sjá má þá setur matur­
inn sterkan svip á bæinn.
Gastown
Elsta hverfið er kannski það
skemmtilegasta. Alla vega ef þú
vilt kíkja í búðir og fá þér í svang­
inn. Miðpunkturinn er hringurinn
sem strætin Cordova W, Walter og
Carroll mynda við lestarteinana.
Þar er úrvalið af matsölustöðum
fjölbreytt og í öllum verðflokkum.
Á mörgum þeirra er lögð áherslu
á að skapa sinn eigin stíl og notast
við hráefni úr nágrenninu. Hér
gefst því tækifæri til að prófa eitt­
hvað nýtt.
Nálægðin við lestarstöðina og
Kínahverfið, þar sem útigangs­
fólk er áberandi, setur svip sinn á
Gastown og gefur svæðinu brodd.
Húðflúraðir þjónar, sem tárast
þegar þeim tekst að búa til fallegt
lauf úr kaffimjólkinni, standa vakt­
ina á matsölustöðum og börum
hverfisins og eru kannski lýsandi
fyrir blönduna á því fína og grófa
sem einkennir Gastown.
Granville Island
Því er víða haldið fram að matar­
markaðurinn á Granville eyju sé
sá allra besti í Kanada. Kokkar
og metnaðarfullir sælkerar sækja
þangað hráefni og túristar geta
valið á milli kræsinga á óteljandi
matarbásum. Það er því ekki að
undra að Granville Island er sá
staður í borginni sem laðar til
sín flesta ferðamenn. Ferðalagið
þangað er líka pinkulítið ævin­
týri því litlar trillur flytja fólk frá
bakkanum við Yaletown og yfir á
bryggjuna við matarmarkaðinn.
Skemmtilegra gæti það varla
verið.
Stanley Park
Þetta risastóra og sígræna svæði í
miðborginni er vel nýtt af íbúunum
allan ársins hring en auðvitað
mest á sumrin þegar hægt er að
leggjast á ströndina og svamla í
sjónum. Sjávardýrasafnið Van­
couver Aquarium laðar einnig að
fjölmarga og er opið alla daga.
Stanley Park býður því upp á smá
tilbreytingu frá röltinu um stræti
Vancouver borgar.
Yaletown
Veitingamenn hafa tekið yfir
gömlu vöruhúsin í suðurhluta
borgarinnar og sá sem gengur
niður Hamilton stræti fer ekki
þaðan nema fá sér í svanginn.
Það er einfaldlega engin leið að
standast freistinguna. Vegna legu
borgarinnar eru sjávarréttir góðir
á þessum slóðum og heimsókn á
Rodney´s Oyester House svíkur
ekki. Þar opnar hver þjónn um tvö
þúsund ostrur á kvöldi milli þess
sem þeir hella hvítvíni í mjólkur­
glös.
Áætlunarflug Icelandair til Van­
couver hefst 13. maí og á Túristi.
is má lesa meira um það helsta í
borginni.
Hverfin í
Vancouver
Nafn Vancouver er reglulega að finna á listum yfir byggilegustu
þéttbýli í heimi og það kemur þeim sem heimsækja borgina
ekki á óvart. Í sumar gefst í fyrsta skipti tækifæri á að fljúga
héðan beint til vesturstrandar Kanada. Granville Island matarmarkaðurinn er hér vinstra megin við háhýsabyggðina og í
fjarska sést hinn risastóri Stanley Park, helsta útivistarsvæði íbúa Vancouver.
Kokteilbar á hinni líflegu matargötu Hamilton Street í
Yaletown.
Það er freistandi að fá sér í svanginn á hinum rómaða
matarmarkaði á Granville eyju.