Fréttatíminn - 21.02.2014, Síða 21

í hvert skipti sem við hittumst.
Mér finnst það gera sambandið svo
mikið betra,“ segir hún. Kalli bætir
við: „Fyrstu fimm mínúturnar
skipta öllu, hvort sem það er þegar
fólk kemur heim eða hittist í bíln-
um eftir viðskilnað yfir daginn. Ef
það er byrjað illa er erfitt að vinda
ofan af því en ef manni tekst að
byrja vel þá er auðveldara að halda
góðri stemningu.“
Vissi ekki að hún væri feit
Þrátt fyrir að nokkuð sé í fæðingu
barnsins hefur Tobba nóg fyrir
stafni því auk þess að stýra mark-
aðsmálum Skjásins leggur hún nú
lokahönd á fjórðu bókina sína sem
er væntanleg í maí. „Þetta er svona
hálf sjálfsævisöguleg bók en er í
raun bara safn af skemmtilegum
frásögnum úr mínu lífi. Eflaust
hugsa margir með sér hvað ég sé
rosalega sjálfhverf og hvað ég sé nú
að pæla að gefa út ævisögu svona
næstum því nýfædd. Staðreyndin er
hins vegar sú að veruleikinn er svo
miklu steiktari en nokkur skáld-
skapur og ég hef oft verið spurð
hvort þessar sögur séu sannar. Það
eru líka sumir sem halda að ég hafi
fengið allt upp í hendurnar en bókin
á sannarlega erindi við ungt fólk því
þarna segi ég frá ýmsu mótlæti sem
ég hef orðið fyrir og hvernig ég hef
unnið með það.
Ég var um tíma orðin hundrað
kíló en upplifði mig aldrei sem
feita. Ég man eftir því að hafa ein-
hverju sinni verið að labba heim
úr skólanum og einhver kallaði á
mig að ég væri ógeðslega feit, og
ég var bara svo hissa. Það hafði
aldrei neinn sagt það við mig áður
og það hvarflaði aldrei að mér að ég
væri sérstaklega feit. Mamma var
orðin útlærður næringarfræðingur
því hún óttaðist svo að ég yrði lögð
í einelti en staðreyndin var hins
vegar sú að ég var alltaf hressi
krakkinn og ef aðrir sögðu eitthvað
ljótt við mig þá bara barði ég þá.
Einu sinni var ég send til skólastjór-
ans út af slíku og þegar ég sagði
honum að ég hefði barið strákinn
því hann kallaði mig feita sagði
skólastjórinn mér bara endilega að
gefa honum einn á´ann. Þarna eru
líka sögur af kærastamálum, starfi
mínu hjá slúðurtímariti og margt
sem á eftir að koma á óvart,“ segir
Tobba leyndardómsfull.
Kalli ætlar að ljúka kjörtíma-
bilinu og taka þátt í kosningabar-
áttunni en skömmu eftir borgar-
stjórnarkosningarnar verður Kalli
orðinn pabbi og Tobba orðin
mamma. „Maður veit aldrei hvort
maður verður gott foreldri. Þetta
er skemmtilegt og spennandi þó
ég sé líka dauðhrædd. En við erum
ánægð og ætlum að gera okkar
allra besta,“ segir Tobba.
Erla Hlynsdóttir
erla@frettatiminn.is
Atlantsolía leitar að sjálfstæðum rekstraraðila til að reka
söluturn við bensínstöð sína að Kópavogsbraut 115.
Bensínstöðin að Kópavogsbraut var sú fyrsta sem
fyrirtækið tók í notkun og hefur markað sér sterkan
sess á markaðssvæði sínu.
Við leitum að traustum og ábyggilegum aðila. Mikill kostur
væri að þekkja til reksturs sambærilegra stöðva.

Umsóknir sendist á johanna@atlantsolia.is
fyrir þriðjudaginn 25. febrúar.
SÖLUTURN ATLANTSOLÍU
REKSTRARAÐILI