SSFblaðið - 01.12.2013, Blaðsíða 8

8
Eftir rútufErð frá skrifstofu ssf að nEthyl hófst
formannafundurinn á fróðlEgu Erindi um Efnahagsmál sEm
þorvarður tjÖrvi ólafsson, hagfræðingur á hagfræði- og
pEningastEfnusviði sEðlabankans, flutti. Í lok erindisins var
opnað fyrir umræður og fyrirspurnir.
Eyþór Eðvarðsson, stjórnendaþjálfari og ráðgjafi hjá
Þekkingarmiðlun, flutti svo síðara erindi dagsins Að róa yfir
Atlantshafið en í því erindi fjallaði Eyþór um hvernig ber að mæta
áskorunum og breytingum en hann réri einmitt yfir Atlantshafið
á árinu. Eyþór er einn af fjórum Íslendingum sem réru óstuddir
frá Noregi til Íslands með viðkomu á Orkneyjum og Færeyjum. Á
næsta ári, 2014, hyggst hópurinn ljúka róðrarferðinni með því að
róa til Grænlands og þaðan til Kanada. Þessi sjóleið, þ.e. frá Noregi
til Kanada með viðkomu á áðurtöldum stöðum, er ein sú erfiðasta
sem hægt er að fara róandi og hafði engum tekist það ætlunarverk
fyrr en Eyþór og félagar hans héldu af stað í leiðangurinn. Erindi
Eyþórs var afar áhugavert og skemmtilegt að mati félagsmanna.
Deginum lauk svo á ánægjulegum hátíðarkvöldverði og
skemmtilegri kvöldstund. Næsta dag var svo unnið í hópavinnu
m.a. við að skerpa á áherslum nýrrar trúnaðarmannahandbókar og
stefnan við gerð nýrra kjarasamninga mörkuð.
undirbúningur kjarasamningsviðræðna
Í tengslum við gerð nýrra kjarasamninga fór Friðbert Traustason,
formaður SSF, yfir viðræðuáætlunina og helstu áherslur SSF.
Hann sagði forsendur núverandi kjarasamnings ekki hafa staðist
og bæri þar helst að nefna verðbólgumarkmiðin. Hann sagði
framkvæmdir upp á 200 milljarða ekki hafa staðist og þar af
leiðandi ekki stöðuleikamarkmiðið. „Að öllu óbreyttu eru ekki
forsendur til annars en að semja til skemmri tíma“ sagði Friðbert en
hann telur óvissuna vera of mikla til að hægt sé að semja til lengri
tíma. Hann gerði fastlaunasamninga að umtalsefni sínu sem hann
telur mestu núverandi ógn kjaramála félagsmanna SSF en hann
telur fastlaunasamningana vera „nútíma þrælahald“. Hann sagði
fundargestum að beina því til félagsmanna að þeir leiti upplýsinga á
skrifstofu SSF eða hjá trúnaðarmönnum SSF áður en skrifað er undir
nýjan ráðningarsamning eða breytingasamning á ráðningarsamningi,
sérstaklega ef um fastlaunasamning er að ræða.
Að loknu erindi Friðberts var unnið í hópavinnu þar sem skerpt
var á megin áherslum SSF við gerð nýrra kjarasamninga.
Formannafundurinn þótti hafa heppnast vel. Góð mæting var frá
aðildarfélögum SSF og uppbyggilegar umræður áttu sér stað um
starfsemi SSF og áherslur.
FORMANNAFUNDUR SSF
formannafundur ssf var haldinn dagana 7. og 8. nóvEmbEr sl. á hótEl Örk í
hvEragErði. formannafundir Eru haldnir tvisvar á ári En þar Er farið yfir stÖrf stjórnar
ssf og starfið markað En formannafundirnir Eru Einnig kjÖrinn vEttvangur til að
styrkja tEngslin milli aðildarfélaganna og stjórnar ssf. fundina sitja formEnn allra
aðildarfélaganna, Eða varamEnn þEirra.
Fylgst grannt með þróun efnahagsmála.