SSFblaðið - 01.12.2013, Blaðsíða 19
19
bring your own dEvicE, byod, Er stEfna sEm má rEkja aftur
til ársins 2009. BYOD þýðir í stuttu máli að starfsmenn fyrirtækja
taka með sér og nota sinn eigin vélbúnað í formi snjallsíma, fartölva
og spjaldtölva á vinnustaðinn.
Segja má að BYOD hafi fyrst hafist fyrir alvöru þegar Apple
kynnti sinn fyrsta iPhone og síðar iPad. Google og Microsoft hafa
einnig lagt sitt á vogaskálarnar til BYOD-þróunarinnar en Apple
og snjallsíminn þeirra, iPhone, hafa haft sérstaklega mikla þýðingu
fyrir BYOD.
hvErs vEgna byod?
Tæknin er í hraðri þróun og við erum stödd í miðri byltingu þegar
kemur að því hvernig við nýtum hana. Þegar við sem einstaklingar
tökumst á við notkun nýrrar tækni, hrífumst við af henni, tileinkum
okkur kosti hennar og viljum gjarnan geta tekið hana með okkur
í vinnuna. Einstaklingsframtak við nýtingu nýrrar tækni ásamt
aukinni notkun fyrirtækja á svokallaðri skýjaþjónustu hefur auðveldað
innleiðingu BYOD. Fyrirtæki með góða tæknilega innviði geta þannig
boðið starfsmönnum sínum upp á BYOD-lausnir, þar sem starfsmenn
nýta sín eigin tæki til að tengjast fjölbreyttri þjónustu á netinu. Í
dag notafæra 71 prósent alþjóðlegra upplýsingatæknifyrirtækja
sér BYOD að einhverju leyti, samkvæmt niðurstöðum könnunar
Pinterest.com, sem náði til 600 fyrirtækja. Í Noregi heimila sex af
hverjum tíu fyrirtækjum starfsmönnum að nota sín eigin tæki við
vinnu, svo sem farsíma og spjaldtölvur, samkvæmt könnun sem
framkvæmd var af Avanade.
ÞITT EIGIÐ VINNUTÆKI
SNJALLSÍMAR, FARTÖLVUR, SPJALDTÖLVUR, ÖPP OG SAMFÉLAGSMIÐLAR
HAFA GJÖRBREYTT HREYFANLEIKA, AÐGENGI OG NEYTENDAVENJUM TIL
HINS BETRA. BRING YOUR OWN DEVICE (BYOD) ER NÝJASTA STEFNAN
BYOD þýðir í stuttu máli að starfsmenn fyrirtækja taka
með sér og nota sinn eigin vélabúnað í formi snjallsíma,
fartölva og spjaldtölva á vinnustaðinn.
Í Noregi heimila sex af hverjum tíu fyrirtækjum
starfsmönnum að nota sín eigin tæki við vinnu, svo
sem farsíma og spjaldtölvur, samkvæmt könnun sem
framkvæmd var af Avanade.