SSFblaðið - 01.12.2013, Blaðsíða 11

11
lífEyrissjóðir landsins opnuðu nývErið aðgang að lífEyrisgáttinni,
nýrri lEið sjóðfélaga til að fá á Einum stað upplýsingar um áunnin
lífEyrisréttindi sín í samtryggingarsjóðum.
Í fréttatilkynningu frá Landssamtökum lífeyrissjóða segir að
sjóðfélagar fái aðgang að Lífeyrisgáttinni á heimasíðum lífeyrissjóðanna
og nota þar sama aðgangsorð og gildir fyrir sjóðfélagavefi.
„Algengt er að fólk eigi réttindi í mörgum lífeyrissjóðum, til
dæmis frá þeim tíma þegar það vann með námi hér og þar. Aðrir
hafa skipt oft um starf á ferlinum og skipt þá gjarnan um lífeyrissjóð
í leiðinni. Hingað til hafa sjóðfélagar fengið send yfirlit um hvar þeir
eiga lífeyrisréttindi en orðið að sækja sjálfir upplýsingar um hver
þau réttindi nákvæmlega eru frá fyrri tíð. Nú opnast þeim greið leið
með Lífeyrisgáttinni að þessum upplýsingum“ segir í tilkynningu
landssamtakanna.
ALLAR UPPLÝSINGAR UM ÖLL
LÍFEYRISRÉTTINDI Á EINUM STAÐ
til hvErs þarf trúnaðarmann?
• Hann gætir þess að kjarasamningar séu haldnir og réttur
starfsmanna sé virtur.
• Hann hefur þekkingu á túlkun kjarasamninga, og veit hvert þarf
að snúa sér til þess að fá úrlausn.
• Hann er kjörinn til þess að aðstoða þegar ágreiningur rís um
samningsbundin kjör starfsmanna, hvort sem óskað er af
starfsmanni eða yfirmanni.
• Eins og kunnugt er getur verið erfitt að biðja um leiðréttingu á
eigin málum. Látið trúnaðarmanninn vita af vandamálum ykkar
og hann hjálpar ykkur að fá úrlausn.
• Ef starfsmaður er kallaður til fundar við yfirmann og
starfsmaðurinn má ætla að fundarefnið snerti störf eða kjör
hans með einhverjum hætti, hvort sem um er að ræða ráðningar-
eða kjarasamningsbundin kjör eða réttindi skv. lögum og
reglugerðum, þá er honum heimilt að hafa trúnaðarmann með
sér á þann fund.
• Mikilvægt er að gagnkvæmt traust og trúnaður ríki.
SSF minnir á að kosningar trúnaðarmanna fara fram dagana 12.-13.
febrúar 2014. Nánar verður hægt að fylgjast með framboðsreglum,
kjöri og atkvæðagreiðslu á vef samtakanna, www.ssf.is
Skrifstofa SSF