SSFblaðið - 01.12.2013, Blaðsíða 14

14
starfsmannafélag íslandsbanka, sí, Er hagsmuna- og kjarafélag starfsmanna sEm stuðlar að góðu vinnuumhvErfi og jafnræði. Í
samstarfi við SSF vinnur félagið að kjaramálum og réttindum starfsmanna. Formaður félagsins kemur að viðameiri skipulagsbreytingum
sem varða starfsmenn svo sem uppsögnum og aðstoðar við úrlausn erfiðra mála er varða samskipti, veikindi og starfslok. SÍ á einnig tvo
kjörna fulltrúa í stjórn SSF, formaður SÍ, Anna Karen Hauksdóttir gegnir starfi varaformanns SSF og gjaldkeri SÍ, Oddur Sigurðsson er
meðstjórnandi í SSF.
Starfandi innan SÍ eru áhugamannaklúbbar og er starfsemi
klúbba niðurgreidd að hluta af SÍ en ýmist er innheimt félagsgjald
eða þátttökugjald. Opið er fyrir alla félagsmenn og í sumum
tilvikum fjölskyldur þeirra. Dæmi um klúbbastarf:
Golfklúbbur Starfsmannafélags Íslandsbanka, GOSÍGOSÍ,
hefur verið starfandi í fjögur ár. Starfsemi Golfklúbbsins hefur
fest sig í sessi í félagslífi bankans með reglulegum golfmótum og
öðrum uppákomum. Allir starfsmenn Íslandsbanka sem greiða
félagsgjöld í SÍ eru velkomnir í klúbbinn og geta þeir boðið
mökum sínum og börnum undir 20 ára aldri aðild með sér.
Félagsaðild er tvennskonar, annarsvegar er það GSÍ aðild í gegn
um Golfklúbb Selfoss og hinsvegar aðild fyrir þá sem eru þegar
í GSÍ í gegnum sína heimaklúbba. Með því að bjóða GSÍ aðild
hefur golfstarfið eflst mikið og klúbbfélagar taka virkan þátt í
félagsstarfi og fylgjast spenntir með sinni forgjöf á www.golf.is
Mikill golfáhugi er innan bankans og er GOSÍ klúbburinn með
samninga við fjölda golfvalla sem félagsmenn geta spilað á gegn
vægu gjaldi. Þá hefur klúbburinn milligöngu  um golfnámskeið
að vetri.
golfmót gosí
GOSÍ stendur fyrir 3 – 4 golfmótum yfir sumartímann og
einnig bikarkeppni GOSÍ sem er mótaröð. Bikarkeppnin
stendur allt sumarið og er keppt í nokkrum riðlum. Liðin
samanstanda að af minnsta kosti tveimur og hámark fjórum
klúbbfélögum og þurfa þeir að vera meðlimir i GOSÍ.
Það lið sem stendur uppi sem sigurvegari fær nafnbótina
Bikarmeistari GOSÍ.
Sumarmótin eru fjölbreytt og skemmtileg. Við byrjum árið
jafnan á Texas Scramble móti þar sem óvanir sem vanir eru
hvattir til að taka þátt. Svo koma tvö 18 holu mót þar sem keppt
er í punktakeppni og fæstum höggum án forgjafar. Þessi mót
eru opin öllum starfsmönnum Íslandsbanka ásamt mökum.
gÖnguklúbbur sí
Síðastliðið ár var mjög fjölbreytt hjá Gönguklúbbi SÍ og mikið lagt uppúr því að höfða til sem flestra. Gengið var bæði á fjöll og um
láglendi. Einnig var komið á fót útibúaáskorun síðastliðið haust hjá Hildi Gunnarsdóttur útibússtjóra á Seltjarnarnesi, gengið var um
Vesturbæ og Seltjarnarnes með leiðsögumanni. Seltjarnarnesið skoraði í framhaldinu á
Selfoss sem bauð í vorgöngu frá Stokkseyri að Eyrarbakka þar sem hópurinn endaði í
Humarsúpu á Rauða húsinu. Mætingin var mjög góð en rúmlega hundrað manns tóku
þátt. Reykjanesbær tók svo áskorun frá Selfossi  og bauð upp á fallega haustgöngu um
Stapagötu, gamla þjóðleið frá Vogum að Njarðvík og að sjálfsögðu var endað í heitri kjötsúpu
í Stapanum. Nú liggur boltinn hjá útibúinu á Akranesi sem mun skipuleggja næstu göngu.
Síðastliðinn vetur var boðið uppá sérkjör fyrir starfsmenn í 10.000 metra áskorun Fjallafélagsins
sem endaði með göngum á Hvannadalshnúk og Hrútsfjallstinda undir styrkri forystu Haraldar
Arnar Haraldssonar. Við eigum von á að endurtaka þann leik aftur í vetur.
FJÖLBREYTT STARF STARFSMANNA-
FÉLAGS ÍSLANDSBANKA
Golfmót Íslandsbanka Leirunni
Gönguklúbbur í Laugavegsgöngu á leiðinni frá Emstrum