Sveitarstjórnarmál - 01.04.1951, Blaðsíða 44

40
SVEITARST J ÓRNARMÁL
Lög um sveitarstjóra.
(Nr. 19 frá 1951).
1. gr.
í hreppi, þar sem eru fleiri en 500 íbúar,
er hreppsnefnd heimilt að fela sérstökum
sveitarstjóra stjóm og framkvæmd hrepps-
mála.
2. gr.
Akveði hreppsnefnd að nota heimild 1.
gr. laga þessara, skal hún auglýsa starf sveit-
arstjóra og taka við umsóknum um það.
Á löglega hoðuðum hreppsnefndarfundi
skal greiða atkvæði urn framkomnar um-
sóknir, og er sá ráðinn, sem flest fær atkvæði.
Nú eru atkvæði jöfn við endurtekna atkvæða-
greiðslu, og skal þá hlutkesti ráða. Atkvæða-
greiðsla skal vera leynileg.
3- gr-
Oddviti skal fyrir liönd hreppsnefndar gera
ráðningarsamning við sveitarstjóra, eftir að
ráðning hans hefur verið samþykkt í hrepps-
nefnd, og skal þar nánar kvcðið á um kjör
hans, orlof, skrifstofutíma, lífeyri og það
annað, sem rétt þvkir að taka fram af því
tilefni. Ekki er skylt að binda ráðningu
sveitarstjóra við kjörtímabil hreppsnefndar
eða önnur ákveðin tímamörk. Uppsagnar-
frestur af hálfu hvors aðila skal vera sex
mánuðir.
4- gr-
Laun sveitarstjóra skulu ákveðin í ráðning-
arsamningi þeim, er í 3. gr. getur, og greið-
ast þau úr sveitarsjóði.
5- §r-
Sveitarstjóri fer með störf þau, sem oddvita
eru falin í sveitarstjómarlögum, önnur en
stjóm á fundum hreppsnefndar, og hefur á
hendi framkvæmd málefna sveitarfélagsins.
Hann annast innheimtu á tekjum sveitar-
sjóðs og fyrirtækja hans, án sérstakrar þókn-
unar.
Að öðru leyti skal starfsvið sveitarstjóra og
verkaskipting milli hans og oddvita nánar
ákveðin í samþykkt urn stjóm málefna sveit-
arfélagsins, sem hreppsnefnd semur, en félags-
málaráðuneytið staðfestir.
6. gr.
Sveitarstjóri á sæti á fundum hreppsnefnd-
ar og hefur þar málfrelsi og tillögurétt.
1- gr-
Nú hefur sveitarstjóri tekið við starfi, og
falla þá niður launagreiðslur til oddvita úr
sveitarsjóði samkvæmt ákvæðum sveitar-
stjómarlaga, en heimilt er hreppsnefnd að
ákveða oddvita þóknun fvrir störf hans.
8. gr.
Nú verður sveitarstjóri sekur um stórfellda
og ítrekaða vanrækslu eða hirðuleysi í starfi
sínu og skeytir ekki áminningu hreppsnefnd-
ar, og getur hún þá með fundarsamþykkt vik-
ið honum frá störfum, en tilkynna skal fé-
lagsmálaráðunevtinu þegar frávikninguna.
Oddviti tekur þá við starfi sveitarstjóra og
gegnir því, unz sveitarstjóri hefur verið ráð-
inn að nýju.
9- gr-
Lög þessi öðlast þegar gildi.