Morgunblaðið - 17.12.2011, Blaðsíða 40

Umræðan
MORGUNBLAÐIÐ LAUGARDAGUR 17. DESEMBER 2011
Í áliti Skipulags-
stofnunar um mat á
umhverfisáhrifum
framkvæmdarinnar
Vestfjarðavegur (60)
milli Eiðis í Vattarfirði
og Þverár í Kjálkafirði,
Reykhólahreppi og
Vesturbyggð, sem
stofnunin auglýsti í
Morgunblaðinu fyrir
helgi, er umhugs-
unarverð umfjöllun um erni.
Álit stofnunarinnar um áhrif
framkvæmdarinnar á viðkomu arna
hljómar eins og hvert annað svarta-
gallsraus. Telur stofnunin að til að
koma í veg fyrir að hávaði frá vega-
vinnuframkvæmdum styggi erni frá
varpi þurfi að setja skilyrði í fram-
kvæmdaleyfi um að vinna við vega-
framkvæmdir verði bönnuð nærri
virkum varpstöðum arna á þeim
tíma sem varp stendur yfir.
Hvað með hávaðann frá flugvél
Náttúrufræðistofnunar sem flýgur
lágflug yfir arnarhreiðrin til að telja
egg og unga? Hvað með hávaðann
frá utanborðsmótorum báta þeirra
sem fara á vegum Náttúrufræði-
stofnunar í hreiðrin sjálf til að
merkja arnarungana? Hvað með há-
vaðann frá allri venjulegri umferð
um Vestfjarðaveg gegnum árin?
Hvað með hávaðann frá bátum sjó-
farenda t.d. vegna veiða, þang-
sláttar, hlunnindanytja eða sports?
Þrátt fyrir alla þessa umferð með
tilheyrandi umferðarhávaða hafa
ernir við Vestfjarðaveg komið upp
ungum ár eftir ár. Þessi vegagerð-
arhávaði sem Skipulagsstofnun virð-
ist hafa uppgötvað hlýtur að vera al-
veg sérstakt fyrirbæri og sætir
furðu að ekki hafi verið birtar um
þetta lærðar greinar.
Arnarsetur er nokkurs konar
„fasteign“ hvers arnarpars. Á
hverju setri er aðeins eitt arnarpar
hverju sinni, en varpstaðir (hreið-
urstæði) hvers seturs geta verið
nokkrir. Á jörðum sem liggja að
Vestfjarðavegi frá Gilsfirði vestur í
Vatnsfjörð eru þekkt
sex arnarsetur á sam-
tals átta jörðum.
Þekktir varpstaðir í
þessum sex arn-
arsetrum eru samtals
31, þar af 27 sem telj-
ast öruggir varpstaðir.
Í þremur af þessum
sex arnarsetrum eru
nokkrir varpstaðir,
sem allir teljast örugg-
ir, í 2-300 metra fjar-
lægð frá Vest-
fjarðavegi, sem er vel innan þess
500 metra radíuss frá arn-
arhreiðrum sem umferð er óheimil
um á tímabilinu 15. mars til 15.
ágúst nema brýna nauðsyn beri til,
svo sem vegna lögmætra nytja sem
ekki er hægt að stunda á öðrum árs-
tíma, eins og segir í 19. gr. „villi-
dýralaga“ nr. 64/1994. Í þessu sam-
bandi skal vakin athygli á að tekið er
fram í lögunum að veita megi und-
anþágu frá þessu banni í sérstökum
tilvikum, svo sem vegna lagningar
þjóðvega eða annarrar mann-
virkjagerðar í almannaþágu.
Nýlokið er vegagerð á Vest-
fjarðavegi frá Þverá í Kjálkafirði
fyrir Hjarðarnes og Hörgsnes vest-
ur í Vatnsfjörð. Arnarpar sem verp-
ir þar í u.þ.b. 200 metra fjarlægð frá
veginum lét framkvæmdirnar ekki
trufla sig og kom þar upp ungum,
sem fyrr. Þessir ernir eru þarna
enn, vegfarendum til gleði og ynd-
isauka. Sama var upp á teningnum
við þverun Gilsfjarðar hjá arnarpari
sem þar verpir í námunda.
Skipulagsstofnun telur „að lagn-
ing vegar samkvæmt veglínu A geti
valdið truflun yfir varptíma arna og
leitt til þess að varp misfarist og
ítrekaðar truflanir leitt til langvinns
misbrests. Misfarist arnarvarp um
áraraðir vegna truflunar verði áhrif
vegagerðar um viðkomandi veg-
arkafla verulega neikvæð og hætta
sé á að þau verði varanleg.“ Þarna
hrópar Skipulagsstofnun úlfur, úlf-
ur, og kærir sig kollótta um rök-
stuðning að því er virðist.
En bíðum við; Skipulagsstofnun
ætlar jú bara að banna vegafram-
kvæmdir nærri „virkum“ varp-
stöðum arna, þannig að hún hlýtur
að vita nú þegar hvaða einn varps-
tað af átta arnarparið í námunda við
veglínu A ætlar að nota vorin 2012
og 2013. Er kannski spákona í vinnu
hjá Skipulagsstofnun? Ætli ernirnir
viti af þessu líka?
Barðstrendingar búa því miður
ekki svo vel að þar hafi staðið yfir
vegaframkvæmdir um áraraðir. En
þau fáu dæmi sem þó eru til af vega-
framkvæmdum á Vestfjarðavegi, og
að framan eru rakin, gefa ekki til-
efni til að hafa áhyggjur af því að
vegaframkvæmdir spilli arnarvarpi.
Dæmin gefa hins vegar fullt tilefni
til þess að krefjast þess af Skipu-
lagsstofnun að hún rökstyðji álit sitt
með dæmum. Ekki dugar að taka
dæmi af varpi sem hefur misfarist af
öðrum ástæðum en vegafram-
kvæmdum.
Heimamenn á slóðum Vestfjarða-
vegar vita að það stendur ekki
steinn yfir steini í þeirri rökleysu
Skipulagsstofnunar sem birtist í
þessu áliti. Breiðfirðingar þekkja
örninn betur en aðrir landsmenn,
þeir hlífðu erninum þegar hann var
stráfelldur annars staðar á landinu.
Það er áhyggjuefni að Skipulags-
stofnun virði ekki heimamenn eða
staðarþekkingu viðlits, og telji sig
ávallt vita allt betur. Það er einnig
áhyggjuefni að stofnunin virðist
sömu skoðunar og Náttúrufræði-
stofnun Íslands um að ástæðulaust
sé að þessi vegur uppfylli sömu kröf-
ur um umferðaröryggi og greið-
færni og aðrir þjóðvegir landsins.
Eftir Þórólf
Halldórsson
»Heimamenn á
slóðum Vestfjarða-
vegar vita að það
stendur ekki steinn yfir
steini í þeirri rökleysu
Skipulagsstofnunar
sem birtist í þessu áliti.
Þórólfur Halldórsson
Höfundur á sæti í Breiðafjarðarnefnd
fyrir hönd Vestur-Barðstrendinga.
Ernir við VestfjarðavegMunið að
slökkva á
kertunum
Fyrir börn hefur
kertaljós sérstakt
aðdráttarafl. Brýnið
fyrir börnunum að fara
ætíð varlega með eld
og gætið þess að
börn leiki sér ekki án
umsjónar nálægt
logandi kertum.
Slökkvilið
höfuborgasvæðisins
Í Morgunblaðinu sl.
fimmtudag skrifaði
Guðríður Arnardóttir,
fyrir hönd fjórflokka-
meirihlutans, grein
sem gekk út á að rétt-
læta skatta- og gjald-
skrárhækkanir sem
samþykktar voru í fjár-
hagsáætlun fyrir árið
2012. Ekki ætla ég að
elta ólar við þá réttlæt-
ingu og afsakanir að öðru leyti en því
að fasteignagjöld og ýmis önnur
gjöld eru að hækka umfram almenn-
ar verðlagshækkanir. Því fær út-
úrsnúningur og skrúðmælgi ekki
breytt. Það munu íbúar Kópavogs
finna á eigin skinni rétt eins og fyrir
aðgerðum ríkisstjórnarinnar.
Hitt er að í greininni koma fram
staðhæfingar varðandi fjárhags-
áætlun Sjálfstæðisflokksins í Kópa-
vogi sem ekki verður hjá komist að
svara. Fullyrt var að bæjarfulltrúar
Sjálfstæðisflokksins ætluðu að selja
lóðir í þeim tilgangi að lækka fast-
eignaskatta og halda gjaldskrám
óbreyttum. Þar segir jafnframt orð-
rétt „þannig ætluðu þeir að láta
óreglulegar tekjur standa undir föst-
um rekstrargjöldum“.
Hið sanna er að fulltrúar Sjálf-
stæðisflokksins lögðu fram 56 sparn-
aðartillögur í rekstri og nam upp-
hæðin um 450 milljónum króna
lækkun kostnaðar auk
annarra tillagna sem
gáfu 800 og 900 millj-
ónir króna til viðbótar.
Með rekstrarsparnaði
átti að lækka skatta,
lækka gjaldskrár og
skila meiri rekstr-
arafgangi. Þetta má sjá
á bls. 2 í fjárhags-
áætlun Sjálfstæð-
isflokksins en þar kem-
ur m.a. fram að
rekstrarafgangur er
437 milljónir króna eða
3% í hlutfalli við skatttekjur, á móti
115 m. kr. eða 1% eins og fram kem-
ur á bls. 2 í fjárhagsáætlun meiri-
hlutans. Þá má sjá á öftustu síðu
beggja áætlana (bls. 11) að skuldir á
hvern íbúa lækka um 28.000 á hvern
einstakling samkvæmt tillögum
Sjálfstæðisflokksins. Íbúafjöldinn í
Kópavogi er 31.498 sem þýðir að
heildarskuldir lækka um 882 millj-
ónir króna árið 2012. Þá lækka fast-
eignaskattar, sorphirðugjald, hol-
ræsa- og vatnsskattur ásamt lækkun
lóðarleigu í tillögum Sjálfstæð-
isflokksins.
Hvað varðar fullyrðingar Guðríðar
um sparnað í grunn- og leikskólum
þá er hann um 150 milljónir króna í
áætluninni en ekki 300 milljónir eins
og skilja má á orðum Guðríðar. Ég
tók það hins vegar fram að horft
væri til 3% sparnaðar miðað við heilt
ár hjá grunnskólunum en 2% hjá
leikskólunum en sá sparnaður kæmi
hraðar til skjalanna. Með vilja má
segja að þetta þýddi 210-220 millj-
ónir króna á ársgrundvelli af lið sem
hljóðar upp á 8 milljarða. Að tala um
300 milljónir króna er því alveg út úr
kortinu en í takt við annað sem í
grein hennar stendur.
Fjárhagsáætlun Sjálfstæð-
isflokksins gengur út á það að sporna
við skattahækkunum og sífellt hærri
rekstrarkostnaði með raunsæjum
aðgerðum. Ef það er gert á hverju
ári þá batnar hagur bæjarsjóðs hægt
og bítandi en versnar hratt ef slegið
er slöku við eins og hjá meirihlut-
anum. Á síðasta ári hjálpuðu þrír
bæjarfulltrúar Sjálfstæðisflokksins
meirihlutanum að vinna fjárhags-
áætlun ársins 2011. Markmiðið var
að leggja grunn að bættum hag bæj-
arins. Slök vinnubrögð meirihlutans
á árinu sem er að líða og áætlun árs-
ins 2012 hafa gert árangur þeirrar
vinnu að engu, því miður.
Skatta- og útgjaldaþensla
í Kópavogi 2012
Eftir Ármann Kr.
Ólafsson » Fjárhagsáætlun
Sjálfstæðisflokksins
gengur út á það að
sporna við skattahækk-
unum og sífellt hærri
rekstrarkostnaði með
raunsæjum aðgerðum.
Ármann Kr. Ólafsson
Höfundur er bæjarfulltrúi og oddviti
Sjálfstæðisflokksins í Kópavogi.