Morgunblaðið - 31.12.2011, Blaðsíða 28

28
MORGUNBLAÐIÐ LAUGARDAGUR 31. DESEMBER 2011
Morgunblaðið/Júlíus
Þingmaður fékk
högg á höfuð
Eggjum og öðrum matvælum var hent í alþingismenn og
aðra sem gengu frá Dómkirkjunni og yfir í Alþingishúsið áð-
ur en þingsetning fór fram í haust. Árni Þór Sigurðsson,
þingmaður Vinstrihreyfingarinnar – græns framboðs, fékk
egg í gagnaugað með þeim afleiðingum að hann féll í götuna.
Þingmenn komu honum til aðstoðar.
Tilfinningaþrungin stund var á bókastefnunni í Frankfurt þegar Sigurður Guðmundsson og
Horst Koske hittust í fyrsta skipti. Þeir tóku báðir þátt í hildarleik seinni heimsstyrjald-
arinnar.
Koske var loftskeytamaður á þýska kafbátnum U-300 sem skaut Goðafoss niður en Sigurður
var háseti á íslenska skipinu. Bókin Goðafoss eftir Óttar Sveinsson var kynnt á bókastefnunni
þar sem Ísland skipaði heiðurssess.
Morgunblaðið/Kristinn
Táruðust á bókastefnunni í Frankfurt
Fréttamyndir af innlendum vettvangi
Gífurlegt eignatjón varð þegar veitingastaðurinn og verslunin Eden í Hveragerði brann til kaldra
kola í júlí. Eldtungur og reykjarmökkur stigu til himins eins og eldgos væri í miðjum bænum. Engin
slys urðu á fólki og eldurinn náði ekki að breiðast út í nærliggjandi hús. Eftir stendur svöðusár í
hjarta Hveragerðis.
Ljósmynd/Hafsteinn Jónasson
Eden brann til kaldra kola
Hringvegurinn á Mýrdalssandi rofnaði
við upphaf mikilvægasta ferðamannatím-
ans þegar hlaup úr Kötlu tók af brúna á
Múlakvísl í byrjun júlímánaðar. Þeir veg-
farendur sem höfðu aðstöðu til fóru um
Fjallabaksleið og fljótlega var farið að
skipuleggja flutning með stórum bílum
yfir Múlakvísl. Fólksflutningum var þó
hætt um tíma eftir að litlu munaði að stór-
slys yrði. Rúta festist úti í ánni og fór á
hliðina en farþegunum tókst að komast
upp á þak og var bjargað upp í land.
Brúarvinnumenn Vegagerðarinnar
voru kallaðir úr sumarfríi til að reisa
bráðabirgðabrú. Gerðu þeir það á fjórum
sólarhringum og var brúin tekin í notkun
viku eftir að sú gamla eyðilagðist. Unnið
er að undirbúningi smíði nýrrar brúar.
Morgunblaðið/Golli
Bráðabirgðabrú
fljótt í gagnið