Morgunblaðið - 23.03.2012, Qupperneq 4

BAKSVIÐ
Ingveldur Geirsdóttir
ingveldur@mbl.is
„Þetta er ekki versta tilfellið sem ég
hef séð en þetta er mjög slæmt tilfelli.
Þetta hefur komið svona út hjá nokkr-
um konum sem hafa látið fjarlægja úr
sér PIP-brjóstapúðana, hvort sem er á
Landspítalanum eða á einkastofum,“
segir Saga Ýrr Jónsdóttir, lögmaður
hjá Vox lögmönnum, og vísar í ljós-
myndirnar sem birtast með þessari
frétt. Þær eru af PIP-brjóstapúðum
sem voru nýverið fjarlægðir úr einum
umbjóðenda Sögu í aðgerð á Landspít-
alanum.
Konan sem um ræðir fékk PIP-
brjóstapúðana ígrædda fyrir um tíu
árum hjá Jens Kjartanssyni lýtalækni.
Hún var farin að kenna sér meins og
eins og sést á myndunum má búast við
að púðarnir hafi sprungið fyrir löngu.
Þeir voru báðir greindir sprungnir í
ómskoðun sem konan fór í hjá Leit-
arstöð Krabbameinsfélagsins fyrir að-
gerðina. „Heilsa hennar var orðin í
takt við púðana, í mauki, og það var
gríðarlegur léttir fyrir hana að losna
við þá. Það er ekki bara það að púð-
arnar séu ógeðslegir heldur er þetta
ósamþykkt iðnaðarsílikon sem lekur
þarna um líkama hennar,“ segir Saga.
Samkvæmt tölum frá Landlæknis-
embættinu frá 8. mars höfðu þá 11
konur farið í aðgerð á Landspítalnum
til að láta fjarlægja PIP-púða. Á
göngudeildina höfðu komið um 80 kon-
ur vegna málsins. Í þessum mánuði
eru áætlaðar 32 aðgerðir á Landspít-
alanum til að fjarlægja PIP-púða.
Stefna líklega íslenska ríkinu
Saga er lögmaður hóps kvenna hér
á landi sem ætla að höfða mál vegna
PIP-sílikonpúða sem þær hafa fengið
grædda í brjóst sín í því skyni að
stækka þau. Saga segir að það sé að
koma í ljós núna, þegar byrjað sé að
fjarlægja púðana úr konunum, að mál-
ið sé ljótara en flestir bjuggust við.
„Það eru í kringum 100 konur sem
hafa leitað til mín vegna málsóknar.
Ég vil helst að þær séu búnar í aðgerð-
inni áður en þær taka endanlega af-
stöðu til þess að fara með málið alla
leið. Nú eru að minnsta kosti 25 konur
sem hafa staðfest að þær vilji fara með
málið alla leið ef svo fer að Jens synji
bótaskyldu og dreifingaraðilar og aðr-
ir.“
Svo virðist sem hluta af málunum
verði stefnt gegn íslenska ríkinu fyrir
að bregðast eftirlitshlutverki sínu.
„Um mitt árið 2006 var birt skýrsla
þess efnis að þessir púðar væru lélegri
en aðrir púðar og þá finnst manni að
eftirlitsskyldir aðilar á Íslandi hefðu
aðeins átt að vakna upp,“ segir Saga.
Hún segir málsóknina vera í fullum
gangi, upplýsingarnar tínist inn auk
sjúkragagnanna frá Jens. Mestar
áhyggjurnar hafi hún þó núna af þeim
konum sem eru með PIP-púða og hafa
ekkert gert í málunum. „Ég hef
áhyggjur af þeim konum sem hafa
ekki efni á því að láta fjarlægja púðana
á einkastofum og fá sér nýja og leggja
ekki á sig að láta fjarlægja þá á Land-
spítalanum og labba þaðan út með
engin brjóst. Því sitja þær heima með
púða sem gætu verið farnir eins og
þeir sem eru á myndunum. Það verður
að sjá til þess að allar þessar konur
leiti læknis.“
„Heilsa hennar var orðin
í takt við púðana, í mauki“
 PIP-brjóstapúðarnir virðast verr farnir en búist var við  Sílikonið komið út
um allt  Áætlaðar eru 32 aðgerðir á Landspítalanum í mars vegna PIP-púða
Ljósmyndir/Landspítalinn
Í aðgerð Hér hreinsar læknir á Landspítalanum brjóst sem geymdi sprunginn PIP-brjóstapúða. Soga þurfti graut
út úr konunni sem var blanda af greftri og sílikoni. Sjá má leifarnar af púðanum í skálinni og enn inni í brjóstinu.
PIP-sílikonpúðar Púðar úr hægra og vinstra brjósti sömu konunnar sem
voru fjarlægðir nýlega á Landspítalanum. Þeir voru báðir mjög illa farnir.
4 FRÉTTIRInnlent
MORGUNBLAÐIÐ FÖSTUDAGUR 23. MARS 2012
Suðurlandsbraut 20, Reykjavík | Sími 588 0200 | www.eirvik.is
PÁSKAVERÐ*
Miele þvottavél W1634
áður kr. 184.500
nú kr. 169.900
Miele þvottavél W1714
áður kr. 202.500
nú kr. 184.900
* á meðan byrgðir endast
PIP-brjóstapúðamálið komst í
hámæli í ársbyrjun um heim all-
an. Þá kom í ljós að franski
framleiðandinn, Poly Implant
Prothese, hafði notað iðn-
aðarsilíkon í brjóstapúða sína.
PIP-púðarnir voru teknir af
markaði í Evrópu árið 2010
vegna þess hve sílikonefnið var
lélegt.
Skel púðanna þykir líka lé-
legri en skel annarra púða og
því rofna þeir frekar.
Allar konur sem hafa fengið
PIP-púða ígrædda hér á landi,
frá því byrjað var að framleiða
þá árið 1992, eiga rétt á óm-
skoðun hjá Leitarstöð Krabba-
meinsfélagsins og að láta
fjarlægja púðana hjá Land-
spítalanum. Er það konunum að
kostnaðarlausu ef þær eru
sjúkratryggðar hér á landi.
Ósamþykkt
POLY IMPLANT PROTHESE
Helgi Bjarnason
helgi@mbl.is
„Þetta var gagnlegur fundur og við
væntum þess að hann muni skila
árangri,“ segir Bjarni Jónsson, for-
maður Samtaka sveitarfélaga á
Norðurlandi vestra. Stjórnin fékk
fund með fjórum ráðherrum síðast-
liðinn þriðjudag en samtökin óskuðu
fyrst eftir fundi með forsætisráð-
herra fyrir nærri fjórum mánuðum.
Stjórn samtakanna sendi Jóhönnu
Sigurðardóttur bréf 21. nóvember á
síðasta ári og óskaði eftir fundi um
aðgerðir í byggða- og atvinnumálum
vegna alvarlegrar stöðu byggðarlag-
anna. Afrit af bréfinu var sent til
Steingríms J. Sigfússonar, þáver-
andi fjármálaráðherra. Fundur
fékkst ekki þrátt fyrir ítrekaðar ósk-
ir samtakanna og stuðning sveitarfé-
laganna við þá
kröfu.
Formaður og
framkvæmda-
stjóri SSNV hittu
forsætisráðherra
í hléi á stórum
fundi sem haldinn
var á dögunum og
þá var ákveðið að
boðað yrði til
fundar stjórnar
samtakanna með ráðherrum fljót-
lega. Fundurinn var haldinn í for-
sætisráðuneytinu. Auk Jóhönnu Sig-
urðardóttur forsætisráðherra sátu
hann ráðherrarnir Steingrímur J.
Sigfússon, Guðbjartur Hannesson
og Ögmundur Jónasson.
„Við mættum vel undirbúin, fórum
yfir stöðu landshlutans og ýmsar til-
lögur sem við höfum til úrbóta,“ seg-
ir Bjarni Jónsson. Hann segir að til-
lögum þeirra hafi verið ágætlega
tekið og farið yfir þær á fundinum.
„Það er ýmislegt hægt að gera með
góðum vilja en litlum tilkostnaði sem
getur orðið til að snúa við neikvæðri
íbúaþróun. Öðru gæti þurft að vinna
meira í,“ segir Bjarni.
Samtökin leggja meðal annars
áherslu á að snúið verði frá fækkun
opinberra starfa og flutningi verk-
efna frá landshlutanum. Meðal
beinna tillagna var ósk um að stjórn-
völd gæfu út yfirlýsingu um að orka
Blönduvirkjunar yrði nýtt til at-
vinnuuppbyggingar á svæðinu og
hún styddi við áform heimamanna
um uppbyggingu gagnavers sem
nyti orku hennar. Þá var óskað eftir
góðu samstarfi og fyrirgreiðslu
vegna lagningar hitaveitu í Fljótum
og Hrútafirði.
Tillögur fyrir ráðherra
 Sveitarstjórnarmenn á Norðurlandi vestra fengu fund
Bjarni Jónsson
„Við erum í raun ekki að horfa á
verslunarmarkað. Við teljum að
með vöru eins og pylsur eigum við
meiri möguleika með því að selja
hana sem þá upplifun að fá sér eina
með öllu. Þeir fjölmörgu erlendu og
innlendu aðilar sem hafa sýnt pyls-
unni okkar áhuga hafa hugsað
hana þannig. Þeir vilja fá að selja
hana á pylsustöðum erlendis eða
setja upp slíka staði sjálfir,“ segir
Steinþór Skúlason, forstjóri Slátur-
félags Suðurlands, SS, um sóknar-
færi hinnar víðfrægu vöru.
Með öll tilskilin leyfi
Útflutningurinn tengist þeim
tímamótum í rekstri SS að félagið
hefur fengið leyfi til að flytja út all-
ar fullunnar vörur frá kjötvinnslu
sinni á Hvolsvelli til ríkja Evrópu-
sambandsins en hafði áður leyfi fyr-
ir sláturstöðina á Selfossi.
Að sögn Steinþórs býður útflutn-
ingurinn upp á hærra hráefnisverð
en með því að flytja út óunnar kjöt-
vörur. Jafnframt stendur til að
flytja út álegg og steikur og segir
Steinþór að þær vörur verði ætl-
aðar hágæðaverslunum.
Hann kveðst ekki hafa tölu á
fjölda fyrirspurna um pylsuna frá
Evrópu og Bandaríkjunum.
Ætlunin sé að vinna með tiltekna
markaði og gera hlutina hægt en
vel til að byrja með. baldura@mbl.is
Morgunblaðið/Jim Smart
Þjóðarréttur SS-pylsan er vinsæl.
SS-pylsan í
landvinninga
 Verður seld ein með
öllu á pylsustöðum
Hagsmunasamtök heimilanna, HH,
hyggjast kæra þá ákvörðun sýslu-
mannsins í Reykjavík að hafna
kröfu samtakanna og talsmanns
neytenda um lögbann á vörslusvipt-
ingar án þess að fyrir liggi dóms-
úrskurður eða heimild sýslumanns.
„Við erum í raun bara að fara
fram á það að lögum sé framfylgt
og að þessi fyrirtæki þurfi að sæta
því að fara að lögum,“ sagði Andr-
ea Ólafsdóttir, formaður Hags-
munasamtaka heimilanna, í samtali
við mbl.is og vísar þar einkum til
Lýsingar. Verður kæran lögð fyrir
Héraðsdóm Reykjavíkur.
Kæra ákvörðun
sýslumanns