Morgunblaðið - 23.03.2012, Síða 18

18 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 23. MARS 2012
Hörður Ægisson
hordur@mbl.is
Gjaldeyrishöftin eru komin til að vera
undir núverandi áætlun Seðlabanka
Íslands um afnám hafta. Takmörkuð
þátttaka í gjaldeyrisútboðum Seðla-
bankans – bæði hjá íslenskum og er-
lendum aðilum – sýnir að það er lítill
áhugi fyrir því að selja erlendar eignir
fyrir íslenskar krónur um þessar
mundir. Þetta kom fram í máli Davíðs
Stefánssonar, hagfræðings hjá grein-
ingardeild Arion banka, á fundi Félags
viðskipta- og hagfræðinga um höftin.
Davíð bendir ennfremur á að þrátt
fyrir að ekki sé hægt að útiloka að þeir
erlendu aðilar, sem eiga hundruð millj-
arða í íslenskum krónum, séu reiðu-
búnir að vera áfram á Íslandi með
eignir sínar eftir afnám hafta, þá er
staðan hins vegar sú að fjárfestinga-
möguleikar eru fáir.
Fram kom í máli Yngva Arnar
Kristinssonar, hagfræðings Samtaka
fjármálafyrirtækja, að það væri fyllsta
ástæða til að taka alvarlega þann
möguleika að gjaldeyrishöftin mundu
vara til eilífðar. Yngvi telur að hinar
nýju breytingar Seðlabankans á gjald-
eyrishöftunum grafi enn frekar undan
trúverðugleika afnámsáætlunar bank-
ans. Í kjölfar þessara breytinga þá
mun núverandi forði aflandskróna
stækka töluvert. Innlendar eignir
þrotabúa eða kröfuhafa þeirra hækka
skarpt á næstu misserum og gæti fjár-
hæð þessara „nýju“ aflandskróna
numið á bilinu 500 til 700 milljörðum
króna.
Að mati Yngva eru margar leiðir
færar til þess að setja aflandskrónurn-
ar í endurgreiðsluferli, til að mynda
með því að gefa út skuldabréf eða
halda uppboð á hverju ári. Með slíku
ferli þyrfti afnám hafta ekki endilega
að taka mjög langan tíma – jafnvel að-
eins þrjá mánuði.
Arnór Sighvatsson, aðstoðarseðla-
bankastjóri, segist telja að losun hafta
með ásættanlegum árangri muni
væntanlega taka nokkur ár. Hann seg-
ir ekki hægt að tímasetja með ná-
kvæmum hætti afnám gjaldeyrishaft-
anna án verulegrar áhættu fyrir
fjármálastöðugleika af því að bankinn
veit ekki hversu stór hluti aflands-
krónueigenda er óstöðugur.
„Þann sérkennilega smekk“
Arnór bendir auk þess á að hluti
vandans um þessar mundir sé hversu
háður ríkissjóður er höftunum þar
sem verulegur hluti af skammtíma-
fjármögnun ríkissjóðs er á mun lægri
vöxtum en ella. Arnór segir gríðarlega
mikilvægt í þessu samhengi að stjórn-
völd sýni aðhald í ríkisfjármálum –
ekki síst nú þegar það styttist í kosn-
ingar. Slík stefna í ríkisfjármálum
gæti flýtt fyrir afnámi haftanna.
Möguleg sala á Arion banka og Ís-
landsbanka til erlends aðila, „sem
hefði þann sérkennilega smekk að vilja
eignast íslenskan banka,“ gæti veitt ís-
lenskum aðilum greiðari aðgang að
lánamörkuðum erlendis, að sögn Arn-
órs.
Höftin gætu
varað til eilífðar
 „Nýjar“ aflandskrónur gætu numið 500-700 milljörðum
Yngvi Örn
Kristinsson
Arnór
Sighvatsson
Íslandsbanki ætlar að lækka verð-
tryggða húsnæðislánavexti úr 5,6% í
4,1%. Lækkunin tekur til nýrra verð-
tryggðra húsnæðislána með föstum
vöxtum með vaxtaendurskoðunar-
ákvæði á fimm ára fresti. Annars
vegar lækka vextir verðtryggðra
húsnæðislána sem takmarkast við
70% af fasteignamati og fyrsta veð-
rétt í 4,10% fasta vexti í fimm ár og
hins vegar vextir verðtryggðra við-
bótarlána sem takmarkast við 80% af
markaðsverði í 4,95% fasta vexti í
fimm ár.
Góðar viðtökur á sértryggðum
skuldabréfum sem Íslandsbanki hef-
ur gefið út í Kauphöll Íslands gera
bankanum kleift að lækka vextina en
þeir taka meðal annars mið af þróun
vaxta á skuldabréfamarkaði og þeim
kjörum sem Íslandsbanki fær á sér-
tryggð skuldabréf sem seld eru
hverju sinni, segir í tilkynningu.
Íslandsbanki býður einnig upp á
óverðtryggð húsnæðislán á 5,4%
breytilegum vöxtum sem eru lægstu
óverðtryggðu vextirnir á ársgrund-
velli sem eru í boði á markaðnum.
„Val milli verðtryggðra og óverð-
tryggðra lána verður að taka mið af
þolgæðum viðskiptavina gagnvart
áhættu og væntingum um verðbólgu
og vexti,“ segir Jón Finnbogason, að-
stoðarframkvæmdastjóri viðskipta-
bankasviðs Íslandsbanka, í tilkynn-
ingu frá bankanum. „Við hvetjum
viðskiptavini okkar til að kynna sér
vel kosti og galla beggja lánategunda
svo þeir geti tekið upplýsta ákvörðun
um hvora leiðina þeir velja.“
Íslandsbanki
lækkar vexti
Morgunblaðið/Kristinn
Íslandsbanki Býður 4,1% fasta verð-
tryggða vexti til fimm ára.
 Verðtryggðir
vextir íbúðalána
lækka úr 5,6% í 4,1%
Börkur Gunnarsson
borkur@mbl.is
Tölvuleikjageirinn á Íslandi veltir 50
milljónum evra (8,3 milljörðum ís-
lenskra króna) og það vinna við hann
um 500 manns á landinu. Bretar eru
farnir að horfa hýru auga til ís-
lenskra fyrirtækja í bransanum með
samstarf í huga en þeir eru stærstir
í geiranum í Evrópu. Velta breska
tölvugeirans er um einn milljarður
punda og skapar hann um 25.000
störf.
Þetta er meðal þess sem kom
fram á ráðstefnu IGI, samtaka ís-
lenskra leikjaframleiðenda, sem
haldin var samhliða hátíð aðdáenda
EveOnline leiksins sem CCP fram-
leiðir, í Hörpunni í gær.
Á ráðstefnunni var mikið talað um
þær skattaívilnanir sem breska
ríkisstjórnin samþykkti núna í vik-
unni og að sögn þeirra Breta sem
talað var við munu þær hafa veruleg
áhrif til góðs. „Á undanförnum árum
höfum við fundið fyrir verulega auk-
inni samkeppni frá Kanada, en Nova
Scotia hefur gefið fyrirtækjum í
tölvuleikjabransanum verulegar
skattaívilnanir, þannig að þetta mun
hjálpa okkur í þessari baráttu,“ seg-
ir Lorna Evans sem er verkefn-
isstjóri hjá TIGA, sem eru samtök
leikjaframleiðenda í Bretlandi.
„Þetta er nokkuð sem íslensk stjórn-
völd ættu að skoða alvarlega. Við
höfum verið í þessari baráttu lengi í
Bretlandi. Fyrst tók enginn tölvu-
leikjabransann alvarlega, hann þótti
ekki nógu fínn. En bransinn hefur
vaxið svo gríðarlega að við höfum
farið fram úr bíómyndabransanum
og munum fara fram úr tónlist-
arbransanum.
Á næstu árum munu tölvuleikir í
snjallsímum skipta miklu máli. Þar
er mesta hagnaðarvonin. Tölvu-
leikjabúðir eru á niðurleið en tölvu-
leikir á netinu og í símum eru á upp-
leið. Stjórnvöld eru loksins að
kveikja á perunni enda skilar brans-
inn breska ríkinu árlega 380 millj-
ónum punda í kassann.“
Morgunblaðið/Sigurgeir S.
Tölvunörd Lorna Evans, hjá samtökum leikjaframleiðenda í Bretlandi, var
meðal þeirra sem voru á ráðstefnunni í gær að ræða framtíð tölvuleikja.
Tölvunördar
söfnuðust saman
 Tölvuleikjabransinn að slá tónlistar-
og bíómyndabransanum við
Fram kom í erindi Helga Hjörvars, formanns efnahags-
og viðskiptanefndar Alþingis, að það hafi verið full-
komlega óraunsætt af stjórnvöldum að setja sér það
markmið að afnema gjaldeyrishöftin árið 2013. „Ég tel
að það sé ein ástæðan fyrir því hversu illa gengur að
afnema höftin,“ segir Helgi og bendir á í því samhengi
að það dragi meðal annars úr áhuga þeirra sem eiga
aflandskrónur á því að taka þátt í útboðum Seðlabank-
ans. Að sögn Helga var brýnt að grípa til þess ráðs að
herða höftin enda þótt hann viðurkenni að það „megi
gagnrýna að þetta hafi ekki verið gert fyrr í vetur“ þar sem vitað hafi
verið af væntanlegum vaxtagjalddögum íbúðabréfa í nokkurn tíma.
Óraunhæf bjartsýni um höftin
BRÝNT AÐ HERÐA HÖFTIN
Helgi Hjörvar