SunnudagsMogginn - 08.04.2012, Blaðsíða 23

8. apríl 2012 23
Grikkir, Ítalir, Írar, Spánverjar og Portúgalar hafa
verið svo vinsamlegir að útskýra fyrir umheim-
inum upp á síðkastið.
Merkilegur samanburður
Árið 2001 var í töflu gerður „efnahagslegur sam-
anburður“ á Íslandi annars vegar og ESB hins veg-
ar á áratugnum á undan. Frá árinu 1991-2000.
Bréfritara þykir þessi samanburður eftirtektar-
verður af ýmsum ástæðum. Samanburðurinn er
annars vegar í prósentum eða sýndur sem hlutfall
af VLF sem skýrir sig sjálft.
Ísland ESB
Hagvöxtur 1991-2000 2,5 2,4
Verðbólga 1991-2000 3,2 3,0
Atvinnuleysi 1996-2000 2,9 9,6
Atvinnuþátttaka 1999 77,5 69,3
Opinber jöfnuður 1999 2,2 0,7
Þjóðh.legur sparnaður 1998 17,9 21,1
Þessi samanburður er fjarri því að vera Íslandi
óhagstæður eins og tölurnar bera með sér.
Kannski gætu menn sagt sem svo að þessi ágæta
útkoma hafi ekkert með krónuna að gera sem
gjaldmiðil. Hér hafi mestu ráðið hvernig landinu
var stjórnað á þessum tíma. Hvað sem um það er
að segja, þá komast menn ekki hjá því að sjá að
þannig var hægt að halda á málum, þótt heima-
gjaldmiðillinn væri notaður. Og það er ennþá
hægt.
Rétt er að taka fram, svo tortryggnir þurfi ekki
að leita, að tafla þessi er tekin upp úr grein eftir Má
Guðmundsson, sem birtist í riti Samfylking-
arinnar, Ísland í Evrópu, sem ritstýrt var af hinum
góðkunna fræðimanni Eiríki Bergmann. Höfundar
bókarinnar voru auk ritstjórans Árni Páll Árnason,
Baldur Þórhallsson, Valgerður Bjarnadóttir, Ágúst
Ágústsson, Katrín Júlíusdóttir, Már Guðmunds-
son, Halldór S. Guðmundsson, Ingileif Ástvalds-
dóttir, Ásta Erlingsdóttir, Gestur Guðmundsson,
Bryndís Hlöðversdóttir og Þórunn Sveinbjarnar-
dóttir. Samfylkingunni hefur ekki þótt ástæða til
að leita langt út fyrir sinn þrengsta hring til að fá
greiningu „á samningsmarkmiðum Íslands við
hugsanlega aðildarumsókn að ESB“.
Og þá er komið að því atriði sem vikið var að
fyrr í bréfinu. Ítrekað er sagt frá því að vænta megi
greinargerðar Seðlabanka Íslands, sem skipta
muni miklu máli fyrir umræðu um gjaldmiðils-
málin. En þá verða menn að átta sig á, að seðla-
bankastjórinn núverandi hefur þegar tekið þátt í
því, með þrengsta hring úr Samfylkingunni, að
undirbúa áróðurslegan málatilbúnað þess flokks í
ESB-málum. Skýrslur bankans og sjónarmið hljóta
því að verða skoðuð í því ljósi.
Morgunblaðið/Eggert
Hrafn svífur yfir Esjunni.
Alltaf er það nú jafn upplífgandi og sálarhressandi þegar lesendur blaðsins gefa sér tíma tilað senda línu og láta vita ef þeir eru ánægðir með það sem þar er skrifað. Nýlega barst mérpóstur frá manni nokkrum sem hafði einmitt gefið sér þennan tíma til að láta mig vitahvað hann væri ánægður með skrif mín í Sunnudagsmoggann en þar átti hann við fastan
pistil sem ég er með hér í blaðinu annan hvern sunnudag og kallast Stigið í vænginn. Ekki þarf að fjöl-
yrða um það að sendingin góða frá þessum manni bjargaði deginum hjá mér, gleðistuðullinn hækkaði
um þó nokkur stig og entist út daginn. Það er bara ferlega gaman að fá hrós frá einhverjum sem greini-
lega er mark á takandi. Sérstaklega í ljósi þess að þegar ég fór af stað með þessa pistla, sem fjalla á op-
inskáan hátt um kynlíf og samskipti kynjanna, risu sumir lesendur upp á afturlappirnar og fussuðu og
sveiuðu, sögðu að þetta væri alls ekki Morgunblaðinu sæmandi. Og supu þó nokkrar hveljur. Ein-
hverjir hysterískir hótuðu að segja upp áskriftinni ef ekki væri tekið fyrir ósómann. Þetta sagði ég
manninum sem sendi mér bréfið og hann hafði eftirfarandi um málið að segja, og tel ég hann hafa
nokkuð til síns máls: „Ég gæti trúað að meira að segja hysteríska fólkinu úti í bæ (sem er e.t.v. 1,5% af
lesendum) þyki meira til um skrif þín en það þorir að viðurkenna.“
Vert er að taka fram að fjölmargir hafa brugðist hinir kátustu við pistlum mínum, bæði karlar og
konur, og hrósað mér í bak og fyrir og sagt það sannarlega hafa verið tímabært að Morgunblaðið yrði
frjálslegt í þessum efnum. En það er einmitt tilgangur þessara pistla; að skemmta fólki og gleðja, og
þeir sem ekki hafa húmor fyrir efninu ættu barasta að sleppa því að lesa.
Ég fékk góðfúslegt leyfi hjá bréfsendanda mínum til að birta skrif hans og vona sannarlega að teprur
þessa lands verði einhvers vísari:
„Sem lesandi Morgunblaðsins vil ég einfaldlega þakka þér fyrir teprulausa, vandaða, hugrakka og
„grensuteygjandi“ pistla þína í Sunnudagsmogganum. Ég tel að það sé mjög til góðs að skrifa um kyn-
líf á þann hátt sem þú gerir, þ.e. af hreinskilni, virðingu, gleði og „tabú“-laust, því ég er þeirrar skoð-
unar að það sé nánast aldrei hvað maður gerir heldur hvernig maður gerir það. Líka þegar maður tjáir
sig um kynlíf. Og mér þykir þér takast það afar vel. Ekki síst þar sem umfjöllun um kynlíf snýst oftast í
fjölmiðlum um kynferðisofbeldi en ekki hinar heilbrigðari og skemmtilegri hliðar kynlífs, sem fjölda-
margar rannsóknir hafa sýnt að er einmitt: heilbrigt. Og hollt. Því jafnfalið og „prívat“ og kynlíf e.t.v.
er – ekki síst vegna þess að það er einkamál og e.t.v. viðkvæmt umræðuefni – þá er það líka auðvitað í
raun mjög stór hluti af lífi hverrar einustu manneskju og þess vegna gríðarlega áhugavert svið til þess
að skilja manninn, þ.e. manneskjuna. Og á líka e.t.v. mjög stóran þátt í því að valda óþörfum rang-
hugmyndum, fordómum og vanlíðan, oft og tíðum að óþörfu. Ég tel þess vegna að heilbrigð, opin og
afslöppuð umræða um kynlíf geti verið mjög mannbætandi og þess vegna þjóðfélagsbætandi.
Semsagt: Takk fyrir vandaða og flotta pistla.“
Kristín Heiða Kristinsdóttir khk@mbl.is
Kynlífsumræða er
þjóðfélagsbætandi
Rabb
„Þeir eru ekki latir, en þeir vinna ekki að
óþörfu.“
Magnús Norðdahl, forstjóri hugbúnaðarfyrirtækisins LS
Retail, um Norðmenn.
„Það væri ömurlegt ef við værum með
hugbúnað sem enginn vildi stela.“
Magnús Norðdahl
„Ef þetta stendur og við verðum af þess-
um 3.500 tonnum þá er þetta bara rothögg
fyrir okkur.“
Sigurður Jörgen Óskarsson, yfirverkstjóri í fiskvinnslu
Samherja á Dalvík, um ákvörðun DFFU að hætta
tímabundið öllum viðskiptum hérlendis.
„Bara ágætt. Fínt. Gaman.“
Ólafur Stefánsson spurður hvernig sé að
koma aftur í landsliðið.
„Til eru ýmsar spaugilegar
sögur um til dæmis nær-
fatnað þar sem á botninum
stóð Pillsbury’s Best eða 50
lbs.“
Lýður Pálsson, safnstjóri Byggðasafns
Árnesinga. Páskasýningin er tileinkuð
hveitipokum og nýtingu þeirra.
„Það er þörf fyrir nýjan tón í samfélag-
inu.“
Þóra Arnórsdóttir sem bauð sig fram til forseta.
„Hvað er eðlilegra en að eignast barn? “
Þóra á von á sér 8. maí en forseti verður kosinn 30. júní.
„Ég kippi mér nú ekkert upp við það þótt
hvíni í Binna og legg til að við
tökum öll páskana, öndum
rólega og sjáum til.“
Steingrímur J. Sigfússon sjávarútvegs-
ráðherra. Sigurgeir B. Kristgeirsson,
framkvæmdastjóri Vinnslustöðvarinnar,
sagði að þjóðnýta ætti útgerðina með
auknum álögum.
„En þótt Sig-
urður væri
framsókn-
armaður hugsaði
hann um gæði
framleiðslunnar og
hag neytenda.“
Um Sigurð Guðbrandsson, fv. mjólk-
urbússtjóra í Borgarnesi, í dálkinum
Merkir Íslendingar í Morgunblaðinu.
Ummæli vikunnar
Útgáfufélag: Árvakur hf., Reykjavík.
Stofnað 1913
Útgefandi: Óskar Magnússon
Ritstjórar: Davíð Oddsson Haraldur Johannessen
Aðstoðarritstjóri: Karl Blöndal