Morgunblaðið - 05.05.2012, Side 41

MINNINGAR 41
MORGUNBLAÐIÐ LAUGARDAGUR 5. MAÍ 2012
✝ Gylfi Sím-onarson leigu-
bílstjóri fæddist í
Keflavík 22. sept-
ember 1955. Hann
lést á krabba-
meinsdeild Land-
spítalans við
Hringbraut 25.
apríl 2012.
Foreldrar Gylfa
voru hjónin Arn-
björg Ólafía Jóns-
dóttir Austmann húsfreyja, f.
14.12. 1913, d. 2.7. 1961 og
Símon Gíslason ketilsmiður, f.
27.12. 1909, d. 12.4. 1967. Þau
hjónin bjuggu í Keflavík. Al-
Sigríður Baldursdóttir, f. 1.11.
1936, d. 17.1. 2006. Gylfi var í
sambúð með barnsmóður sinni
Lindu Guðmundsdóttur, f.
29.5. 1959 frá 1975, þau slitu
síðar samvistum. Gylfi giftist
Guðrúnu Katrínu Jónsdóttur,
f. 17.7. 1954, þau skildu. Börn
Gylfa eru Anna María, f. 30.6.
1976, hún á dótturina Júlíu Líf
Cadeau Önnudóttir, f. 18.8.
2005, Helgi Valur, f. 15.11.
1980, Ylfa Lind Gylfadóttir, f.
18.10. 1984, hún á soninn
Gylfa Val Ylfuson, f. 16.7.
2008.
Gylfi stundaði sjómennsku
lengi vel. Einnig vann hann við
pípulagnir og leigubílaakstur.
Útför Gylfa fer fram frá
Digraneskirkju í dag, 5. maí
2012, og hefst athöfnin kl. 13.
bræður Gylfa
voru: Valur, f. 7.3.
1942, d. 15.5.
2007, Jón Aust-
mann, f. 24.1.
1945, d. 15.7.
1999, Sveinn Leif-
ur, f. 2.10. 1948,
Steinn, f. 25.1.
1951, Helgi, f.
26.11. 1952, d. 1.8.
1974. Samfeðra
voru svo Sig-
urjóna, f. 30.8. 1932 og Mar-
grét, f. 18.5. 1934. Sammæðra
voru Guðríður Halldóra Aust-
mann Baldursdóttir, f. 28.8.
1934, d. 20.7. 2007 og Jóna
Kæri bróðir og vinur.
Það er margt sem kemur fram í
hugann á svona stundum og erfitt
að sætta sig við að þurfa að kveðja
þig svona alltof fljótt.
Þrátt fyrir aldursmun þá hófst
fljótt með okkur gott samband
sem varði alla tíð.
Þú varst bara sjö ára þegar
heimilisaðstæður sendu okkur
bræður hvorn í sína áttina. Ég var
heppinn og lenti í góðri umsjá
Döddu og Gunnars í Hveragerði.
En þú lentir á vergangi og áttir
erfiða ævi framan af. Ég dáist allt-
af að því hvað þú komst sterkur
frá því tímabili og lést það ekki
buga þig.
Það var gott að eiga svona
bróður sem vildi öllum vel og allt
fyrir alla gera. Seinni árin lágu
leiðir okkar saman í vinnunni og
við áttum gott samstarf.
Þakka þér fyrir samfylgdina.
Þinn bróðir,
Sveinn (Svenni).
Elsku Gylfi er farinn, allt of
snemma. Nei, hvað við söknum
þín. Þú varst alveg einstakur mað-
ur með stóra og mikla útgeislun,
engum líkur. Þú varst svo góður
og vildir allt fyrir alla gera. Þú átt-
ir gott með að kynnast fólki og átt-
ir stóran vinahóp. En fjölskyldan
átti nú samt stærsta plássið í
hjarta þínu, börnin þín þau Anna
María, Helgi Valur og Ylfa Lind
voru þér dýrmæt, og svo komu
gullklumparnir, barnabörnin þín,
þau Júlía Líf og Gylfi Valur, sem
þér þótti ekki minna vænt um. Það
var nú góður dagur þegar þið
ákváðuð að flytja saman. Það að
þú gast verið nálægt þeim og þið
gátuð hjálpað hvert öðru var ykk-
ur öllum mikils virði.
En á svona kveðjustund eru
margar minningar sem koma upp
í hugann. Okkur eru til dæmis
minnisstæðar margar af þeim
góðu stundum sem við áttum sam-
an, þegar við vorum öll í Hvera-
gerði og Dadda amma, systir þín
og Gunnar afi voru þar líka. Það
voru nú margir kaffibollarnir
drukknir í eldhúsinu hjá þeim í
Bláskógum og mikið var spjallað,
um allt milli himins og jarðar, að
ógleymdri pólitíkinni.
Eins höfum við átt margar góð-
ar ferðir upp í sumarbústað, þar
sem þú elskaðir að vera, að veiða í
vatninu, grilla, borða góðan mat
og spjalla, það elskaðir þú og helst
með fullt af fólki í kringum þig.
En ein eftirminnilegasta stund-
in okkar saman var þegar við vor-
um flutt til Danmerkur og þú
bjóst í Kaupmannahöfn og við
ákváðum að fara saman til Sví-
þjóðar til að heimsækja Steinsa
frænda, bróður þinn, það var nú
góð ferð sem við gleymum aldrei.
„Lige ud“ (beint áfram) er mál-
tæki sem alltaf kallar á mynd, af
okkur keyrandi um í gömlum ljós-
bláum Ford Taunus og Gylfi var á
kortinu, alveg dásamleg og
ógleymanleg ferð.
En nú verðum við víst að kveðja
þig, elsku vinur, en minningin um
góðan dreng lifir í hjörtum okkar.
Við viljum biðja góðan guð að
styðja og styrkja elsku börnin þín,
barnabörn, bræður, fjölskyldu og
vini.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem)
Stefanía, Guðný Sjöfn og
Gunnar Már.
Fallinn er frá um aldur fram
góðvinur og vinnufélagi Gylfi Sím-
onarson. Mér verða alla tíð minn-
isstæð okkar fyrstu kynni. Ég var
stýrimaður á m/s Keflavík og við
vorum að lesta í Þorlákshöfn. Ég
var inni við pappírsvinnu þegar
einn hásetinn kom hlaupandi og
tilkynnti slys í lestinni. Einn af
mönnunum í landi hefði fengið
járnkrók í höfuðið, rotast og
blæddi. Ég stökk af stað en var
ekki komin nema niður á neðsta
gang þegar ég mætti alblóðugum
manni, Gylfa, sem vildi plástur og
kannski sauma. Upp á heilsu-
gæslu vildi hann ekki, ekki tími
því hann þyrfti að vinna. Hann fór
í land, lofaði að koma við á heilsu-
gæslunni og láta fagfólk skoða sig,
en líka til að sækja vegabréf, föt,
kveðja fjölskylduna og láta skrif-
stofuna vita að Inga væri búin að
ráða hann á ströndina. Ég fékk
einhverjar athugsemdir um það
að ég væri fljót á mér að ráða
mann sem almennt var ekki í mín-
um verkahring og það eftir aðeins
5 mínútna viðtal og án þess að
þekkja nokkuð til hans nema það
að hann notaði ekki hjálm í lest-
inni og passaði sig ekki á krókn-
um. Óli Thor á skrifstofunni lét
þetta reyndar gott heita. Þetta
reyndist mér hið mesta gæfuspor,
ég eignaðist þarna vin sem varð
mér og mínum traustur lífstíðar-
vinur og því betri vinur eftir því
sem tíminn leið. Gylfi fór ekki að-
eins með okkur á ströndina, líka til
Murmansk og vann áfram um
borð í Keflavíkinni á meðan skipa-
félagið var í rekstri. Eftir þetta
var oft grínast með það að ég
þyrfti að láta rota menn svo þeir
yrðu nógu vankaðir til að vilja
koma um borð! Gylfi reyndist góð-
ur fraktsjómaður, hafði mikla og
fjölhæfa reynslu og þekkingu sem
kom sér vel. Hann var á meðan
heilsan leyfði hamhleypa til vinnu,
bóngóður og hjálpsamur og naut
ég og mín fjölskylda þess ásamt
fleirum. Hann hafði mjög gott
skap og við gátum ætíð rætt málin
vegna vinnunnar, rökrætt um alla
heima og geima en ég minnist ekki
að okkur hafi nokkurn tíma orðið
sundurorða. Umburðarlyndi hans
og víðsýni gagnvart öðrum var
einstök. Hafði hann einstakt lag á
að telja menn á sitt band, enda var
sama hvert komið var, hann átti
alls staðar góða vini og kunningja.
Hann tók öllu mótlæti með miklu
æðruleysi og kvartaði ekki. Taldi
okkur hinum trú um að hann
myndi sigrast á krabbanum og
verða allra karla elstur.
Gylfi átti ekki kost á langri
skólagöngu en hóf ungur störf í
hörðum skóla lífsins, vann við fjöl-
mörg störf sem ég hef ekki tölu á,
bæði til sjós og lands, m.a. pípu-
lagnir, flísalagnir, garðyrkju,
leigubílaakstur o.fl. En slík vinna
og langar fjarverur taka oft toll af
fjölskyldulífi og tel ég það hans
mestu eftirsjá í lífinu hvað honum
fannst hann hafa misst af tíma
með börnum sínum.
Oft fyrnast vináttubönd þegar
leiðir á vinnustað skilur en slíkt
átti ekki við um okkur Gylfa en við
og fjölskyldur okkar hittumst
áfram. Sama á við um fleiri skips-
félaga okkar á Keflavíkinni sem
báðu um kveðjur og samúðar-
kveðjur til fjölskyldu Gylfa. Þess-
um hinstu vina- og þakklætis-
kveðjum fylgja hugheilar
samúðarkveðjur frá mér og mín-
um til barna hans og fjölskyldu.
Inga Fanney Egilsdóttir og
skipsfélagar á Keflavíkinni.
Gylfi Símonarson
✝ AðalsteinnGrímsson var
fæddur 20.2. 1926.
Hann lést 4.4. 2012.
Foreldrar hans
voru Gróa Ágústa
Guðmundsdóttir f.
1896, d. 1989 og
Grímur Guðmunds-
son f. 1898, d. 1973.
Fósturfaðir Guð-
laugur Davíðsson f.
1909, d. 1986.
Systkini: Ólafur, látinn, Ragn-
ar, látinn, Guðmundur, látinn,
Dagbjartur, látinn, Ingibjörg,
látin,
Óskar Lúðvík f. 1923.
Eiginkona Aðalsteins var
Þóranna Hansen f. 18.4. 1936, d.
7.10. 2009, þeirra dóttir er Hild-
ur Aðalsteinsdóttir f. 1955, eig-
inmaður Ólafur Baldursson f.
1954, synir þeirra: 1) Aðalsteinn
hagþróunarfræðingur f. 1981,
sambýliskona Andrea Pálína
Helgadóttir. Börn Hildur Helga
f. 2009 og Þórey Arna f. 2011. 2)
Andri Þór tónlistarmaður f.
og starfaði eftir það sem leigu-
bílstjóri á Hreyfli þangað til
hann fluttist til Dalvíkur árið
1955 og hóf búskap með Þór-
önnu Hansen.
Á Dalvík starfaði Aðalsteinn
við sjómennsku, lengst af hjá
Útgerðarfélagi Dalvíkinga á
togaranum Björgvin sem háseti
og um tíma sem matsveinn. Eft-
ir að hann kom í land hélt hann
áfram störfum fyrir Útgerð-
arfélag Dalvíkinga. Starfsævi
sinni lauk hann við versl-
unarstörf hjá Bílaverkstæði Dal-
víkur.
Samhliða vinnu sinni var Alli í
„hobbýútgerð“ í nokkur ár
ásamt Birgi Sigurðssyni og
gerðu þeir út trilluna Ósk EA
232.
Alli hafði mjög gaman af skák
og tefldi í mörg ár með Tafl-
félagi Dalvíkur. Einnig var hann
góður billardspilari og vann til
verðlauna í báðum greinum.
Útför Aðalsteins var gerð frá
Dalvíkurkirkju þann 13. apríl
2012.
1987. Sonur Að-
alsteins er Guð-
mundur Ágúst f.
1945, sambýliskona
Ingibjörg Gunn-
laugsdóttir f. 1948.
Börn Guðmundar
eru Aðalsteinn Þór
f. 1973 og Áróra
Kristín f. 1976,
barnabörn Guð-
mundar eru fimm.
Aðalsteinn fædd-
ist í Reykjavík og bjó ásamt
bræðrum sínum hjá móður sinni
og fósturföður lengst af á
Laugavegi 27. Frá 6 ára aldri og
fram á unglingsár var hann í
sveit á sumrin hjá móðurömmu
sinni á bænum Rútsstöðum í
Flóa.
Hann fór snemma að vinna
fyrir sér, fyrst sem sendill hjá
Prentsmiðjunni Leiftri, eftir það
stundaði hann byggingavinnu,
vann meðal annars við að reisa
símstöðina á Brú í Hrútafirði.
Strax og hann hafði aldur til
tók hann bílpróf og meiraprófið
Elsku afi minn, baráttu þinni
er loks lokið.
Aðalsteinn Grímsson afi minn
var einstakt ljúfmenni, prúður,
hjálpsamur, duglegur og alltaf
glaður og skemmtilegur.
Ég á eftir að sakna afa.
Nú eruð þið amma bæði farin
eitthvað annað.
Þið voruð einstök og það er
nöturlegt til þess að hugsa að ég
eigi aldrei aftur eftir að koma í
Öldugötuna til ykkar, þar sem
ávallt var tekið á móti manni
opnum örmum með bros á vör.
Mig langar að þakka allar þær
frábæru stundir sem við áttum
saman og allt sem þið gerðuð
fyrir mig. Vona að við eigum eft-
ir að hittast aftur á öðrum stað.
Stundin líður, tíminn tekur,
toll af öllu hér,
sviplegt brotthvarf söknuð vekur
sorg í hjarta mér.
Þó veitir yl í veröld kaldri
vermir ætíð mig,
að hafa þó á unga aldri
eignast vin sem þig.
Þú varst ljós á villuvegi,
viti á minni leið,
þú varst skin á dökkum degi,
dagleið þín var greið.
Þú barst tryggð í traustri hendi,
tárin straukst af kinn.
Þér ég mínar þakkir sendi,
þú varst afi minn.
(Hákon Aðalsteinsson)
Hvíl í friði.
Andri Þór Ólafsson.
Elsku afi minn og nafni, nú
hefur þú kvatt okkur litlu fjöl-
skylduna og horfið til annarrar
tilveru. Ég sit hér nú sem þrítug-
ur maður sem á engan afa og
enga ömmu. Sárindin við að
kveðja þig eru oft bugandi, en
það er hafsjórinn af ástkærum
minningum og gleði í sambandi
okkar sem beislar sorgina svo
við hana ráðist.
Samband okkar tveggja var
einstakt í öllum skilningi. Við
kölluðum okkur vini, og höguð-
um okkur alltaf sem slíkir þrátt
fyrir 55 ára aldursmun. Það voru
aldrei neinar reglur eða bönn í
sambandi afa og Alla litla.
11 ára gamall var ég byrjaður
að aka bílunum þínum niðri á
sandi við Dalvík, og þá yfirleitt
með Svala, sælgæti og vídeóspól-
ur frá Öldu mér við hlið sem ég
hafði óskað eftir og fengið. „Það
er allt látið eftir honum“ heyrðist
eflaust margoft þegar við tveir
áttum í hlut, og það var hárrétt.
Líkt og með allt annað tókst þér
þó að snúa slíkum pillum upp í
grín og fá alla til að hlæja. Húm-
or og léttlyndi er það sem þú
varst þekktur fyrir sem og ein-
stök ljúfmennska sem enginn
naut fremur en við bræður og
fjölskyldan. Styggðaryrði, kvört-
unartón eða mislyndi var aldrei
að greina hjá Alla Gríms. Jafnvel
nú á seinni árum þegar heilsunni
var farið að hraka ríkti yfir þér
glaðværð og brosmildi sem hlýj-
aði öllum í kringum þig.
Ég er svo lánsamur að hafa
snemma gert mér grein fyrir
hvað ég átti þegar kemur að þér
og ömmu. Ég mun alltaf minnast
þess þegar ég barði í mig kjark
til að taka ykkur bæði á eintal og
reyna að útskýra hvað mér þætti
vænt um ykkur, hvað ég væri
þakklátur fyrir alla ykkar um-
hyggju og hjálp við alla hluti sem
ég tók mér fyrir hendur. Orðin
sem fóru okkar á milli þessa
kvöldstund munu veita mér hlýju
þangað til við hittumst aftur.
Það eru forréttindi að hafa
fengið að njóta félagsskapar þíns
og umhyggju í rúmlega 30 ár. Ég
á þér óendanlega mikið að þakka
sem aldrei verður hægt að koma
í fáein orð.
Hvíldu í friði elsku afi minn.
Aðalsteinn Ólafsson.
Síðasta för að heiman hafin
hinstu kveðju lokið er.
Undan bleika banaljánum
bjargað enginn getur sér.
Fram af hálum feigðarskörum
fyrr eða síðar hnígur hver.
Löng var orðin lífsins gata
lágum vöggustokki frá.
Vandi oft á vegferðinni
vá og hættum sneiða hjá.
Þolraun sár í leiðarlokin
langan þrautavef að kljá.
Nú er öllum nauðum lokið
nætur langar, dægrin stríð.
Aftur rennur hrein og höfug
heilsulindin tær og þýð.
Lausn er fengin, ljúf upp runnin
langþráð bata- og hvíldartíð.
(Haraldur Zophoníasson)
Elsku pabbi. Mikið er erfitt að
horfa á eftir þér, það fylgir því
svo mikill tómleiki að þið
mamma skulið bæði vera farin.
Ég gerði mér grein fyrir því,
þegar ég hélt í höndina á þér
þegar kallið kom, hvað þetta var
endanlegt.
En eftir lifir fullt af góðum og
skemmtilegum minningum sem
gott er að hlýja sér við.
Það er svo margt sem ég gæti
sagt um þig, en það höfum við
bara fyrir okkur.
Takk fyrir tímann sem þú
hafðir alltaf nóg af handa okkur,
takk fyrir að vera besti pabbi og
afi, takk fyrir öll spilin, bíl-
túrana, veiðiferðirnar, sögurnar,
ferðalögin og allt hitt.
Að endingu pabbi minn þakka
ég þér fyrir allar gleðistundirnar
sem við fjölskyldan höfum átt
með þér í gegnum árin, þær eru
alveg ógleymanlegar.
Óli besti tengdasonur eins og
þú sagðir alltaf sendir þér hinstu
kveðju með þakklæti fyrir allt.
Þín dóttir,
Hildur.
Aðalsteinn Grímsson
Elsku amma okkar.
Ó hvað við eigum
eftir að sakna þín sárt. En við
munum varðveita allar okkar góðu
og fallegu minningar sem eru svo
góðar og yndislegar. Það var alltaf
svo notalegt að koma til þín og við
gátum alltaf spjallað svo mikið
saman, og þú hafðir alltaf frá svo
mörgu að segja hvort sem það var
um það sem er að gerast í dag, eða
um gömlu góðu dagana sem var
alltaf svo fróðlegt að hlusta á.
Árný Anna
Guðmundsdóttir
✝ Árný Anna Guð-mundsdóttir
fæddist í Reykjavík
10. nóvember 1918.
Hún lést á hjúkr-
unarheimilinu Sól-
túni 21. apríl 2012.
Útför Önnu fór
fram frá Áskirkju 3.
maí 2012.
Ofarlega er í
huga mér Vestur-
bærinn sem þér
þótti alltaf svo vænt
um, og við gátum
labbað öll sumrin
okkar um allan
Vesturbæ sem þú
þekktir svo vel
meðan heilsa okkar
leyfði. En seinni ár-
in fórum við mikið á
bíl og keyrðum um
allan Vesturbæinn sem endaði svo
yfirleitt á góðum ís. Ég veit ekki
hvernig ég á að lýsa því hve sárt
við munum sakna þín en ég veit að
þú ert komin til afa sem veitir okk-
ur huggun í gegnum sorgina. Guð
veri með þér, elsku amma okkar,
og við munum hittast aftur í fram-
tíðinni.
Edith Louise, Runólfur
og börn.
MOSAIK Hamarshöfða 4 • 110 Reykjavík
sími 587 1960 • www.mosaik.is
Legsteinar og fylgihlutir
Í tilefni af 60 ára starfsafmæli okkar bjóðum
við fría uppsetningu á höfuðborgarsvæðinu og
fría pökkun á legsteinum sem fara út á land
Mikið úrval - Vönduð vinna - Gott verð
Sími 892 4650
Gísli Gunnar
Guðmundsson
Guðmundur
Þór Gíslason
Elfar Freyr
Sigurjónsson
Netfang: foldehf@simnet.is - Vefsíða: foldehf.is
Vistvænar íslenskar kistur
Þjónusta allan sólarhringinn.
Komum heim til aðstandenda ef óskað er.