Morgunblaðið - 02.06.2012, Blaðsíða 29

FRÉTTIR 29Innlent
MORGUNBLAÐIÐ LAUGARDAGUR 2. JÚNÍ 2012
Seðlabanki Íslands
gjaldeyrisútboð
Seðlabanki Íslandsmun halda þrjú gjaldeyrisútboð 20. júní 2012. Útboðin þrjú eru liður í losun hafta á fjármagnsviðskiptum, samanber
áætlun Seðlabankans um losun gjaldeyrishafta frá 25. mars 2011 (http://sedlabanki.is/afnam) og einnig skilmála Seðlabanka Íslands
um gjaldeyrisviðskipti samkvæmt fjárfestingarleið að losun gjaldeyrishafta frá 18. nóvember 2011 með síðari breytingum. (http://
sedlabanki.is/fjarfesting)
Útboð í fjárfestingaleið
Seðlabanki Íslands býðst til að kaupa evrur í skiptum fyrir íslenskar krónur til fjárfestingar til langs tíma í íslensku atvinnulífi.
Fjármálafyrirtæki sem gert hafa samstarfssamning við Seðlabanka Íslands um milligöngu munu annast framlagningu umsókna um
fyrirhugaða þátttöku fjárfesta í útboðinu samkvæmt fjárfestingarleiðinni. Það útboð er opið fjárfestum sem hafa fengið samþykkta
umsókn um þátttöku í fjárfestingarleið. Frestur til að skila inn umsóknum rennur út í daglok 6. júní n.k.
Útboð í ríkisverðbréfaleið
Seðlabanki Íslands býðst til að kaupa evrur gegn greiðslu í ríkisverðbréfum í flokknum RIKS 33 0321. Tilteknir aðalmiðlarar á
skuldabréfamarkaði hafa milligöngu um viðskipti í útboðinu gegn greiðslu í ríkisverðbréfum.
Útboð um kaup á krónum gegn greiðslu í erlendum gjaldeyri
Seðlabanki Íslands kallar eftir tilboðum frá aðilum sem vilja selja íslenskar krónur gegn greiðslu í reiðufé í erlendum gjaldeyri.
Viðskiptavökum á millibankamarkaði með gjaldeyri er boðið að hafa milligöngu um viðskiptin um kaup á íslenskum krónum í
skiptum fyrir erlendan gjaldeyri.
Seðlabankinn áskilur sér rétt til að takmarka heildar viðskiptamagn með hliðsjón af áhrifum útboðanna á lausafjárstöðu
fjármálafyrirtækja. Endanleg útboðsfjárhæð ræðst af þátttöku. Útboðsfyrirkomulag er með þeim hætti að öll samþykkt tilboð bjóðast
fjárfestum á sama verði (e. single price). Uppgjör viðskipta í útboðunum þremur verður tveim dögum eftir að útboði lýkur. Tilboðum
skal skilað eigi síðar en 20. júní 2012. Nánari lýsingu á framkvæmd útboðanna þriggja er að finna í útboðsskilmálum.
Útboðsskilmála og yfirlit um milligönguaðila, aðalmiðlara og viðskiptavaka má finna á heimasíðu Seðlabankans
http://sedlabanki.is/utboð
Samhliða útboðunum mun Seðlabankinn, fyrir hönd ríkissjóðs, bjóðast til að kaupa til baka krónuskuldabréf ríkissjóðs sem falla á
gjalddaga fyrir lok maí 2013. (sjá frétt frá Lánamálum ríkisins http://www.lanamal.is/verdbrefakaup).
Samkvæmt útboðsáætlun Seðlabankans er stefnt að næsta útboðum 29. ágúst og 19. september 2012.
Nánari upplýsingar veita milligönguaðilar, aðalmiðlarar og viðskiptavakar.
Framtíðarhópur kirkjuþings
stendur fyrir málþingi í Glerár-
kirkju á Akureyri í dag, laugar-
dag 2. júní, kl. 12-15. Yfirskrift
þess er: „Framtíð kirkjunnar á
landsbyggðinni“. Fjórir frummæl-
endur munu ræða um hlutverk,
verkefni og aðstæður kirkjunnar.
Þau eru: Halldór Guðmundsson,
Kristín Ástgeirsdóttir, sr. Arna
Ýrr Sigurðardóttir og sr. Þor-
grímur Daníelsson. Stutt viðbrögð
verða við hverju erindi og að því
loknu verða almennar umræður.
Allir eru velkomnir.
Ræða um kirkjuna
á landsbyggðinni
Í Friðbjarnarhúsi á Akureyri verð-
ur opnuð í dag sýning á tréleik-
föngum sem framleidd voru á leik-
fangaverkstæðum á Akureyri á
árunum 1931 - 1960. Verkstæði
þessi hétu Leikfangagerð Akureyr-
ar og Leifsleikföng. Þessi leikföng
voru vinsæl og seldust um allt land
á tímum hafta og stríðs. Þarna eru
flugvélar, bátar, bílar, brúðu-
húsgögn og margt fleira. Opið frá
kl. 13 - 17 alla daga í sumar.
Leikfangasýning
í Friðbjarnarhúsi
Árleg kaffisala Vindáshlíðar verð-
ur haldin í Vindáshlíð í Kjós, sunnu-
daginn 3. júní kl. 14-18. Að venju
verður boðið upp á kaffihlaðborð.
Kaffisalan hefst á messu kl. 14.00
í Hallgrímskirkju í Vindáshlíð og
mun sr. Íris Kristjánsdóttir messa.
Íþróttahúsið verður opið, aparólan
sívinsæla verður á sínum stað
ásamt hoppkastala og andlitsmáln-
ingu. Hægt er að skoða staðinn að
utan sem innan, kanna íþrótta-
húsið, taka brennóleik eða skoða
göngustíga og rjóður.
Árleg kaffisala Vind-
áshlíðar á morgun
Páll Fannar Einarsson
pfe@mbl.is
Gunnar Víking Ólafsson, sem er
svokallaður áhugavíkingur, mun
sumarið 2013 verða í áhöfn stærsta
víkingaskips heims þegar því verður
siglt frá Noregi á næsta ári.
Skipinu verður gefið nafn á
þriðjudag og verður Gunnar við-
staddur þann atburð.
Gunnar stefnir að því að fara til
Noregs sumarið 2013 til að fylgjast
með sjósetningu víkingaskipsins,
sem mun vera stærsta víkingaskip í
heimi. Skipinu verður gefið nafn nk.
þriðjudag og mun hljóta nafnið
„Drekinn Haraldur hárfagri“. Sigl-
ingin hefst í Noregi og lýkur í
Bandaríkjunum, með viðkomu á Ís-
landi, Grænlandi og Nýfundnalandi.
Skipuleggjendur ferðarinnar hafa
ekki ákveðið hvenær lagt verður af
stað, en Gunnar vonast til þess að
skipið komi í höfn á Íslandi 17. júni.
Skipið er mikil smíði, með pláss
fyrir 100 manna áhöfn, en það mun
vera 35 metra langt og 7,5 metrar á
breidd. Gunnar hefur mikinn áhuga
á ættfræði og ætlar að taka með sér
plagg til Noregs, sem sýnir að Har-
aldur hárfagri er forfaðir hans í
beinan legg. Að sögn Gunnars bíða
Norðmenn spenntir eftir þessu en
hann segir að Ísland sé kallað „saga
Noregs“ sökum þess hversu vel allt
var skráð hér öldum saman. Gunnar
bætir því við í léttu gríni að það sé
vegna þess að Íslendingar hefðu
ekki haft neitt betra að gera en að
fylgjast með því hvað nágranninn
var að að gera.
Foreldrar Gunnars veltu því
fyrir sér að skíra hann Víking Þór
en nafnið Gunnar varð ofan á.
Gunnar sjálfur ákvað hins vegar að
taka upp millinafnið „Víking“ og
fékk það í gegn fyrir hálfu ári.
Gunnar verður fulltrúi Íslands í
þessari för og mun hann flytja
ávarp og verður skráður sem einn
af ræðurum skipsins.
Til þess að hafa úthald í þessa
miklu reisu verða menn að vera í
góðu líkamlegu formi. Gunnar hefur
nú eitt ár til þess að æfa sig, en það
mun hann gera í litlu víkingaskipi.
Það skip er eina víkingaskipið á Ís-
landi sem er sjófært.
Gunnar fékk í gær afhentan
jarlsbúning sem hann mun taka
með sér til Noregs. „Búningurinn
var hannaður af konu sem ég hitti á
víkingahátíð í Jórvík á Englandi í
febrúar.“ Gunnar segir að ef menn
vilji panta sér almennilegan vík-
ingabúning, þá sé hún manneskjan
sem best sé að leita til. Að sögn
hans var mikið fjör á þeirri hátíð og
var einungis farið með sögur af Ís-
lendingum þar.
Morgunblaðið/Styrmir Kári
Víkingur Gunnar í jarlsbúningnum og vopnaður sverði við víkingaskip í miðbæ Reykjavíkur.
Leggur af stað í víking til Noregs
 Mikið er framundan hjá áhugamönnum um víkinga en Gunnar Víking Ólafsson er einn af okkar
helstu nútímavíkingum í dag  Gunnar mun fara til Noregs í næstu viku á slóðir forfeðra sinna
Mikil gróska hefur verið í
skylmingum á vegum Einherja,
sem er eina víkingafélagið í
Reykjavík og jafnframt á öllu
Íslandi.
Félagið stundar skylmingar
af krafti í Nauthólsvík og er
með æfingar á laugardögum
og sunnudögum á milli kl. 12
og 14. Gunnar hvetur alla til
að mæta og prufa, unga sem
aldna, konur og karla og tekur
fram að ekkert sé rukkað í fé-
lagsgjöld og að það kosti ekki
neitt að taka þátt í æfingu. Fé-
lagið hefur háleit markmið og
vonast til þess að geta verið
með sýningar 17. júní og á
menningarnótt. Hægt er að
finna félagið á facebook undir
nafninu „Einherjar the Vikings
of Reykjavík“ og á vefslóðinni:
einherjar.blog.is.
Mikil gróska í
starfi víkinga
EINHERJAR
Einherjar Víkingar í herklæðum.