Morgunblaðið - 26.07.2012, Page 34

34 MENNING
MORGUNBLAÐIÐ FIMMTUDAGUR 26. JÚLÍ 2012
Sjáðu
Við erum flutt
Sjáðu, Hverfisgötu 52, 101 Reykjavík
Sími: 561-0075 - sjadu.is
Það vakti athygli
á dögunum þegar
Madonna notaði
hið forna tákn
swastika á ansi
óhefðbundinn
hátt. Táknið, sem
er ansi sviplíkt
hakakrossi nas-
ista, birtist þá á
enni franska
hægrisinnans
Marine Le Pen. Madonna hefur nú
komið fram með yfirlýsingu þar sem
hún segir framsetningu sína snúast
um skort á umburðarlyndi í heim-
inum en Le Pen hefur meðal annars
verið sökuð um rasisma.
Madonna
ver sig
Madonna Söng-
konan er umdeild.
Dóttir Michaels
Jackson, Paris,
lætur ekki vaða
yfir sig en hún
svaraði frænku
sinni Janet Jack-
son í sömu mynt
eftir að sú síðar-
nefnda löðrungaði
hana. Janet á að
hafa gefið henni
kinnhest og kallað hana ljótum nöfn-
um eftir rifrildi þeirra á milli. Hin
fjórtán ára Paris á þá að hafa slegið til
baka og rekið hana af heimili sínu.
Skipst á
löðrungum
Janet Söngkonan
hlaut kinnhest.
Fleiri listamenn
bætast í hóp
þeirra sem styðja
sveitina Pussy
Riot sem situr í
fangelsi í Rúss-
landi. Nú síðast
saumaði rúss-
neski listamaður-
inn Petr Pav-
lensky munninn á
sér saman í mót-
mælaskyni við yfirvöld.
Saumaði
munn sinn
Mótmæli Pussy
Riot fær athygli.
Þórunn Kristjánsdóttir
thorunn@mbl.is
„Ég hef alltaf haft áhuga á textíl og
hönnun og ákvað um leið og ég klár-
aði menntaskólann að leggja þetta
fyrir mig. Ég fór beint út og lagði
mig alla fram um að ná eins langt og
hægt væri,“ segir Aníta Hirlekar
sem var að útskrifast með BA gráðu
frá háskólanum, Central Saint Mart-
ins í London, í hönnunardeild með
áherslu á svokallað print eða textíl.
Í útskriftarlínunni hannaði hún
bæði efnið og flíkurnar. Sérhæfing
hennar felst í því að búa til eigið efni.
„Ég tók fyrir þæfingu eins og flestir
Íslendingar þekkja sem handþæf-
ingu. Öll efnin í línunni eru þæfð, t.d.
silki, pólíester og fleiri. Ég var allt
árið að gera tilraunir með
þæfinguna.“
Útskriftarlínan vakti stormandi
lukku og var valin á stærri sýningu
fyrir bresku pressuna. „Vogue og
allt þetta lið var þarna. Þetta gekk
mjög vel og var rosalega gaman.“
Helstu, tískuspekúlantar og
-bloggarar fjölluðu um fatahönnun
Anítu. Hönnunartímaritið Afflante
lofaði hæfileika hennar og sagði
kvenfatnaðinn ákaflega listrænan.
Þekktur tískubloggari sem birtir
umfjallanir á síðunni allthingsdark-
andbeautiful.wordpress.com sagðist
hafa verið svo heppinn að fá að sitja
á fremsta bekk og lofaði fatnaðinn
fyrir að ná að draga fram einstakt
samspil skugga og áferðar.
Í kjölfarið var henni, einni af
hópnum, boðið að taka þátt í stærri
sýningu í janúar á næsta ári í The
Mall Gallery í London. Það er stórt
gallerí sem sýnir nútíma fígúratífa
list og kappkostar að endurspegla
nýjustu strauma í listaheiminum.
Aníta er ein af fáum sem komust
inn í mastersnám í fatahönnun í
sama skóla.
Tækifæri hjá tískurisum
„Stærstu fyrirtækin í tískuiðnað-
inum tengjast skólanum sterkum
böndum, t.d. Parísarhönnuðirnir
Louis Vuitton og Lanvin. Alls konar
keppnir og verkefni eru í boði sem
við tökum þátt í, fullt af tækifærum
að vinna með þeim færustu.“
Á þriðja árinu í BA náminu fékk
Aníta tækifæri til að vinna í hönn-
unargeiranum, m.a. við að hanna hjá
Christian Dior í París og Diane Von
Furstenberg i New York. Hún segir
það vera einn af kostum námsins að
fá að spreyta sig.
Louise Wilson tískuprófessor er
einn af þeim kennurum sem koma til
með að kenna Anítu. Þessi lifandi
goðsögn í hörðum heimi tískunnar
er sögð mjög ákveðin og er fræg fyr-
ir að koma auga á þekkta hönnuði í
London í dag, eins og Christopher
Kane og Jonathan Sunders. Hver
veit nema Aníta Hirlekar verði ein af
þeim.
Hringiða Lundúna
„Mér finnst London æðisleg. Ég
er búin að búa hér í sex ár og er
ennþá að kynnast nýjum hlutum,
svæðum og fólki. Einhvern veginn
veit maður aldrei hvað gerist næst
og hvaða tækifæri bjóðast í Lond-
on,“ segir Aníta spurð um stórborg-
arlífið. Þó örlar aðeins á Íslands-
söknuði. „Það er rosalega gott að
koma heim og fá smá orku og þá er
gott að komast aftur út. Mér finnst
gott að breyta til, stundum verð ég
líka leið á London. En maður saknar
samt alltaf Íslands.“
Aníta er 26 ára gömul, fædd og
uppalin á Akureyri. Hirlekar er ætt-
arnafn föður hennar sem er ind-
verskur. Hún hefur komið til Ind-
lands tvisvar, annað skiptið í
tengslum við skólann í London
þegar hún sótti námskeið.
Hún segist taka eitt skref í einu.
„Þó ég sé að sérhæfa mig í fatahönn-
un með textíl, veit maður aldrei hvað
gerist næst.“
Hönnuður
vekur athygli
 Aníta Hirlekar ein fárra sem fengu
inngöngu í mastersnám í fatahönnun
við Central Saint Martins, virtan
listaháskóla í London
Útskriftarlínan Sannkallað meistaraverk, þæfing að íslenskum sið skapar
skemmtilega áferð og fær að njóta sín í textílnum.
Ljósmyndir/Saga Sig
Aníta Hirlekar Flottur hönnuður
sem vissi strax hvað hún vildi.
„Þetta er drum ’n’ base í drunga-
legri kantinum. Lögin á plötunni
er safn af því sem ég er búinn að
vera að fást við á seinasta ári,“
segir Tjörvi Óskarsson, einnig
þekktur sem Subminimal, en
hann spilar á útgáfutónleikum í
Nýlenduvöruverslun Hemma og
Valda í kvöld. Tilefni er útgáfa
nýrrar hljómplötu sem nefnist
Microfluidics. „Bassinn verður í
fyrirrúmi,“ segir Tjörvi en bætir
við að dansgleðin verði einnig
ríkjandi.
„Það eru komin drög að meira
efni fyrir næstu plötu en ég hafði
hugsað mér að fá til liðs við mig
rappara og söngkonu, til þess að
stíga út fyrir það sem ég hef ver-
ið að fást við upp á síðkastið, seg-
Subminimal Tjörvi hlýtur lof úr íslenska raftónlistarheiminum.
Drungalegt en dans
 Ný plata Subminimal Microfluidics
 Samaris-tríóið frumflytur nýtt efni