Morgunblaðið - 03.08.2012, Síða 23
FRÉTTIR 23Erlent
MORGUNBLAÐIÐ FÖSTUDAGUR 3. ÁGÚST 2012
Kringlunni - Smáralind
ntc.is - erum á
s. 512 1760 - s. 512 7700
FÁST HJÁ OKKUR
HINIR SÍVINSÆLU
London. AFP. | Ólympíuleikarnir í
London hafa orðið til þess að ferða-
mönnum hefur fækkað í miðborginni
eftir að þeir voru varaðir við því að
fara þangað vegna samgöngu-
vandamála, auk þess sem verð hótel-
herbergja hefur hækkað.
Mörg fyrirtæki, meðal annars
verslanir, hafa kvartað yfir því að
viðskiptin hafi minnkað verulega
núna þegar flestir ferðamennirnir í
borginni skunda rakleiðis á íþrótta-
viðburðina, en fara ekki á aðra
ferðamannastaði og verslanir í mið-
borginni. Aðrir ferðamenn, sem hafa
ekki áhuga á íþróttum, ákveða að
fara ekki til London vegna Ólympíu-
leikanna eða fresta því.
Áður en Ólympíuleikarnir hófust
ráðlögðu samgönguyfirvöld í Lond-
on ferðamönnum og íbúum borgar-
innar að forðast miðborgina vegna
samgönguvandamála þegar milljónir
keppenda, aðstoðarmanna þeirra,
fjölmiðlamanna og áhorfenda komu
til borgarinnar.
Hefur „stórfækkað“
Samtök evrópskra fyrirtækja í
ferðaþjónustu, ETOA, segja að
ferðafólki hafi „stórfækkað“ frá því
að leikarnir hófust miðað við sama
tíma í fyrra. „Hversu mikil fækkunin
verður ræðst af því hversu lengi
samgönguyfirvöldin halda áfram að
hvetja fólk til að fara ekki inn í borg-
ina,“ sagði Tom Jenkins, fram-
kvæmdastjóri samtakanna. „Í stað
þeirra hafa komið um 500.000 manns
sem hafa keypt miða á ÓL, þar af
margir Lundúnabúar, og þeir eru
allir hérna til að horfa á íþrótta-
viðburði. Þeir hafa ekki endilega
áhuga á London sem ferða-
mannaborg. Þeir komu ekki hingað
til að versla, fara í skoðunarferðir
eða borða úti.“
Steve McNamara, framkvæmda-
stjóri samtaka leigubílstjóra í Lond-
on, segir að viðskiptavinum þeirra
hafi fækkað um 20-40%. „Ég veit
ekki hvar ferðamennirnir eru eða
hvernig þeir ferðast milli staða, en
London er eins og draugaborg.“
Ferðafólki fækkaði í
London vegna ÓL
Leigubílstjórar lýsa miðborginni sem „draugaborg“
AFP
Engin þröng á þingi Þessi kona hætti sér inn í miðborgina, þótt ferðafólk hafi verið varað við því að fara þangað.
„Þetta er betra en að fara í leikhús!“
hrópaði áhorfandi sem fylgdist með
farsakenndum réttarhöldum yfir
þremur konum í pönkhljómsveitinni
Pussy Riot í dómsal í Moskvu.
Konurnar voru ákærðar fyrir
óspektir í dómkirkju rússnesku rétt-
trúnaðarkirkjunnar í Moskvu þegar
þær fóru með „pönkbæn“ við altari
kirkjunnar í febrúar þar sem þær
gagnrýndu Vladímír Pútín Rúss-
landsforseta og stuðning leiðtoga
kirkjunnar við hann í forsetakosn-
ingunum í mars. Konurnar eru sak-
aðar um að hafa vanvirt kirkjuna og
eiga yfir höfði sér allt að sjö ára
fangelsi ef þær verða fundnar sekar.
Andstæðingar Pútíns segja
réttarhöldin af pólitískum rótum
runnin og lið í tilraunum hans til að
þagga niður í stjórnarandstöðunni.
„Sjónarvottur“ sá
atburðinn á netinu
Öryggisvörður, hreingerninga-
maður og kona, sem annast kerti í
dómkirkjunni, hafa verið fengin til
að vitna gegn konunum. Bloggarar,
sem fylgjast með réttarhöldunum,
hafa gert stólpagrín að ýmsum yfir-
lýsingum þeirra, meðal annars um-
mælum kertakonunnar um að hún
teldi orðið „femínisti“ klúryrði ef
það er notað í kirkju.
Saksóknararnir yfirheyrðu
einnig „sjónarvott“ sem hefur
starfað sem sjálfboðaliði fyr-
ir kirkjuna og lýsti söng
kvennanna sem „öskri
myrkraaflanna“. Í ljós kom
síðar að „sjónarvotturinn“
sá atburðinn í sjón-
varpsfréttum og
útsendingu á
netinu, líkt og
fjölmargir aðrir
Rússar.
bogi@mbl.is
Lýsa réttar-
höldunum sem
skrípaleikriti
Sögð vera af pólitískum rótum runnin
AFP
Pussy Riot Þær eru sakaðar um að
hafa vanvirt kirkjuna og trúað fólk.
Tólf breskir tónlistarmenn,
þ.á m. Pete Townshend og
piltarnir í Pet Shop Boys,
hafa skorað á Vladímír
Pútín að tryggja sann-
gjörn réttarhöld yfir kon-
unum í Pussy Riot. Áskor-
unin var birt í breska
blaðinu The Times
þegar Pútín var á
leiðinni til London
vegna Ólympu-
leikanna. Þeir
sögðu ákæruna
„fáránlega“.
„Fáránleg“
ákæra
SAKSÓKNINNI MÓTMÆLT
Vladímír
Pútín
Vísindamenn
sem hafa unnið
að djúpbor-
unum á Suður-
skautslandinu
hafa fundið
merki um að
þar hafi eitt
sinn vaxið
pálmatré.
Rannsóknir á
frjódufti og gróum, sem og leifum
örsmárra lífvera, hafa gert vís-
indamönnum kleift að kortleggja
loftslag jarðar á eósentímabilinu,
fyrir um 53 milljónum ára. Niður-
stöðurnar, sem greint er frá í vís-
indaritinu Nature, benda til þess
að um vetrartímann hafi hitastigið
á Suðurskautslandinu farið yfir
10°C á þessum tíma og á sumrin
hafi verið allt að 25°C hiti.
Eósen var hlýindaskeið á tertíer-
tímabili jarðsögunnar og varaði
nokkurn veginn frá dauða risaeðl-
anna að upphafi síðustu ísaldar.
Vaxandi áhugi hefur verið á rann-
sóknum á eósenskeiðinu, enda er
talið að meiri þekking á fyrri hlý-
indaskeiðum jarðar muni dýpka
skilning á þróuninni í loftslags-
málum nú, að því er fram kemur á
vef BBC.
Meira magn koltvíoxíðs var í
andrúmsloftinu á eósentímabilinu.
Hitastig jarðar var þá um 5°C
hærra að jafnaði og engin skörp
skil milli miðbaugs og pólanna.
Þannig hefur verið sýnt fram á
með rannsóknum undanfarin ár að
hitabeltisloftslag hafi ríkt á
norðurskautinu fyrir milljónum
ára.
Suðurskautið hefur hins vegar
verið erfiðara rannsóknarefni, því
jöklar sem mynduðust fyrir 34
milljónum ára þekja þar leifar
jarðlaga sem gefið gætu vísbend-
ingar um loftslag og gróðurfar.
Vísindamenn á vegum Integrated
Ocean Drilling Program boruðu í
gegnum fjögurra km íshellu og
eins km jarðlag til að ná sýnum frá
eósentímabilinu.
Fram kemur á vef BBC að í sýn-
unum hafi m.a. greinst fræ risa-
stórra baobab-trjáa líkt og vaxa í
Madagaskar undan Afríku og
makademíutrjáa, sem vaxa í Ástr-
alíu og Indónesíu. Einnig fundust
merki um pálmatré meðfram
ströndinni, en barrtré virðast hafa
vaxið þar sem landið reis hærra
yfir sjávarmáli.
Merki um pálmatré
á Suðurskautslandi
Talin hafa vaxið þar á hlýindaskeiði