Morgunblaðið - 17.10.2012, Síða 4

4 FRÉTTIRInnlent
MORGUNBLAÐIÐ MIÐVIKUDAGUR 17. OKTÓBER 2012
SVIÐSLJÓS
Kristján Jónsson
kjon@mbl.is
Ferðamálastofa gerir ráð fyrir því að
árlega verði að gera 10-15.000 örygg-
isáætlanir hjá innlendum sem er-
lendum ferðaþjónustuaðilum ef
frumvarp ráðherra atvinnuvega- og
nýsköpunarmála um róttækar breyt-
ingar á lögum um skipan ferðamála
verður að veruleika. Fram kemur
einnig í umsögn Ferðamálastofu að
skilja megi ákvæði í frumvarpinu
þannig að allir, þ. á m. íþróttafélög,
sem með einhverjum hætti skipu-
leggi ferðir þar sem endurgjald komi
fyrir verði að hafa ferðaskrifstofu-
leyfi. Tekjur ríkisins af aukinni
gjaldtöku með nýju lögunum eru
áætlaðar um 18,6 milljónir króna á
ári.
Markmiðið með tillögum ráðherra
er að auka öryggi ferðafólks og efla
fagmennsku og eftirlit með ferða-
þjónustuaðilum sem bjóða upp á
ferðir er geti talist hættulegar, segir
í athugasemd ráðherra með frum-
varpinu. Starfssvið Ferðamálastofu
er stóraukið. Bent er á að á undan-
förnum árum hafi orðið nokkur al-
varleg slys á ferðafólki og því brýnt
að gera auknar öryggiskröfur til að-
ila sem annast ferðaþjónustu. Inn-
lendir jafnt sem erlendir aðilar munu
verða að gera öryggisáætlun fyrir
ferðina sé þess talin þörf. Í tillögum
ráðherra er gert ráð fyrir allt að 500
þúsund króna dagsektum hlíti menn
ekki fyrirmælum Ferðamálastofu.
Of dýrt og óskilvirkt eftirlit
Athygli vekur að í umsögnum um
tillögurnar kemur fram andstaða við
að ferðamenn séu beinlínis varaðir
við hættum, betra sé að upplýsa þá
vel um ferðirnar. Ef klifað sé um of á
hættum geti það orðið til að fæla fólk
frá ferðalögum hingað til lands.
Ferðamálastofa er ekki fyllilega
sátt við sum ákvæði frumvarpsins og
bendir t.d. á að stofnunin hafi varla
burði til að hafa stöðugt eftirlit með
mörg þúsund öryggisáætlunum er-
lendra aðila og uppfærslum á þeim.
Og slíkt eftirlit muni kosta hana og
ferðaþjónustuaðila mikið fé, mjög
erfitt yrði auk þess að innheimta
gjöld af fulltrúum erlendra ferðafyr-
irtækja. Betra væri að gera slíkar
kröfur einvörðungu til þeirra sem
fara með ferðamenn á vinsælustu
ferðamannastaðina.
„Engin skilgreining er á því hvað
teljast skipulagðar ferðir,“ segir
einnig í umsögn Ferðamálastofu
vegna frumvarpsins. „Skipulögð ferð
getur t.d. verið keppnisferð íþrótta-
félags milli landshluta en slík ferð
fellur undir skilgreiningu ferða-
skipuleggjendahugtaksins ef kepp-
endur greiða fyrir farið samkvæmt
frumvarpi þessu.“ Ef íþróttafélag
skipuleggi ferð á mót í útlöndum
„með öllu tilheyrandi“ þurfi jafnvel
að sækja um ferðaskrifstofuleyfi ef
um sé að ræða heildarpakka.
Sjálfhætt með Útivist?
Ferðafélagið Útivist segist vel
geta uppfyllt hertar kröfur um ör-
yggi og neytendavernd og hægt sé
að setja ramma um starfsemi áhuga-
manna á þessu sviði.
„Það er hins vegar ófært að sá
rammi sem mótaður er fyrir atvinnu-
starfsemi á þessu sviði sé heimfærð-
ur á áhugamannafélög og myndi það
leiða til þess að starfsemi félagsins í
núverandi mynd yrði sjálfhætt,“ seg-
ir í umsögn Útivistar.
Ferðaskrifstofuleyfi fyrir alla
 Íþróttafélag gæti þurft leyfi vegna keppn-
isferðar sem þátttakendur greiða fyrir
Morgunblaðið/Skapti Hallgrímsson
Gaman Þúsundir barna og unglinga taka þátt í íþróttamótum, hér er mikið
fjör hjá áhorfendum á íþróttamóti grunnskólanna á Akureyri.
„Mörg börnin voru orðin mjög þreytt en létu ekki
deigan síga,“ sagði Margrét Júlía Rafnsdóttir hjá
Barnaheill. Í gær hlupu 140 börn á aldrinum 11-13
ára heilt maraþon í boðhlaupsformi, 200 metra í
einu, undir heitinu Kapphlaupið um lífið. Fjögur
lið frá jafn mörgum skólum tóku þátt: Álfhólsskóli
í Kópavogi, Hofsstaðaskóli í Garðabæ, Laugalækj-
arskóli í Reykjavík og Víðistaðaskóli í Hafn-
arfirði. Síðastnefndi skólinn varð fyrstur í mark á
tímanum 2:10:52 en hinir fylgdu fast á hæla hon-
um. Hlaupið fer fram í 40 löndum og rúmlega 20
þúsund börn taka þátt. Með hlaupinu er verið að
berjast gegn hungri barna og það er ákall til
stjórnvalda að leggja sitt af mörkum til að sporna
gegn því.
Morgunblaðið/Styrmir Kári
Hlaupið gegn hungri á alþjóðlegum degi fæðu
Guðni Einarsson
Egill Ólafsson
Forsætisráðuneytið hefur látið vinna
drög að frumvarpi sem gerir ráð fyr-
ir að ákvæði laga um að ríkisstjórn-
arfundir skuli hljóðritaðir taki ekki
gildi, en að í staðinn verði sett
ákvæði um að fundargerðir ríkis-
stjórnarfunda verði ítarlegri.
Þór Saari, þingmaður Hreyfingar-
innar, sagði málið tengjast lögum um
Stjórnarráð Íslands sem sett voru í
fyrrahaust. Frumvarp að þeim hefði
verið lagt fram í kjölfar fjögurra
skýrslna, þ.e. skýrslu rannsóknar-
nefndar Alþingis, skýrslu þing-
mannanefndar um rannsóknar-
skýrsluna, skýrslu sem forsætis-
ráðuneytið lét skrifa og skýrslu
nefndar undir forystu Sigurbjargar
Sigurgeirsdóttur. Allar hefðu skýrsl-
urnar lagt áherslu á skráningu sam-
skipta innan stjórnarráðsins. Þar á
meðal að fundargerðir ríkisstjórnar-
funda væru skráðar þannig að hægt
væri að rekja ákvarðanatöku og að-
draganda hennar, að sögn Þórs.
Hann sagði að í frumvarpi forsæt-
isráðuneytisins um Stjórnarráðið
hefði ekki verið farið að þessum til-
mælum. Þingmenn Hreyfingarinnar
og fleiri hefðu krafist ítarlegra
fundargerða ríkisstjórnarinnar og
birtingar þeirra innan ákveðins tíma.
„Niðurstaðan varð sú að setja inn
ákvæði um að fundir ríkisstjórnar-
innar yrðu hljóðritaðir og geymdir í
30 ár til að sætta ólík sjónarmið,“
sagði Þór. Hann sagði fulltrúa
Hreyfingarinnar vera á móti því að
hætta við hljóðritanir ríkisstjórnar-
funda. Hann sagði að Hreyfingin
ætlaði að leggja fram breytingatil-
lögu í þá veru að fundargerðir rík-
isstjórnarfunda yrðu ítarlegar og
birtar ekki síðar en einu ári eftir
fundi, nema um væri að ræða trún-
aðarmál sem yrði þá skráð í sérstaka
trúnaðarmálabók.
Þráinn Bertelsson, þingmaður
VG, sagði að sér þætti með ólíkind-
um ef þingið ætlaði að fella úr gildi
lög sem samþykkt voru í september í
fyrra.
Hann kvaðst hafa sagt við sam-
þingsmenn að fyrst leyndarhyggjan
væri betri en að opna stjórnsýsluna
þá ætti samkvæmt því að hætta að
hljóðrita þingfundi, að ekki væri tal-
að um að sjónvarpa þeim, og segja
fólki bara frá því með fundargerðum
hvað verið væri að bauka á Alþingi.
Þráinn sagði að ef meirihluti reyn-
ist vera fyrir þessari leyndarhyggju í
þinginu þá væri ljóst að við værum
ekki undir það búin að opna stjórn-
sýsluna.
Hætta við að hljóðrita ríkisstjórnina
 Forsætisráðuneytið hefur látið vinna frumvarpsdrög þar sem gert er ráð fyrir því að ákvæði laga um
hljóðritun ríkisstjórnarfunda taki ekki gildi  Þingmenn Hreyfingarinnar andvígir því að hætta við
Hljóðritun stjórnarfunda
» Lög um Stjórnarráð Íslands
tóku gildi 28. september 2011.
» Þar er ákvæði um að fundir
ríkisstjórnarinnar skuli hljóð-
ritaðir og afrit geymt í Þjóð-
skjalasafni. Hljóðritanirnar
verði opinberar eftir 30 ár.
» Ákvæðið um hljóðritunina á
að taka gildi 1. nóvember n.k.
samkvæmt lögunum.
Af átta formlegum
skýrslubeiðnum
sem borist hafa
Ríkisendurskoðun
frá forsætisnefnd
Alþingis frá árs-
byrjun 2007, hefur
sex verið svarað
með fullbúnum
skýrslum en vinna
við eina er langt
komin. Þetta kem-
ur fram í svari forseta Alþingis við fyr-
irspurn Ólínu Þorvarðardóttur, þing-
manns Samfylkingar, frá 8. október sl.
Ríkisendurskoðun hafnaði einni
skýrslubeiðni er varðaði forsendur
fyrirhugaðra Vaðlaheiðarganga, en
skýrsla um ráðstöfun framlaga rík-
isins til æskulýðsmála er enn í vinnslu.
Engri skýrslubeiðni sem borist hefur
Ríkisendurskoðun á síðustu 10 árum
er ósvarað með öllu, þ.e. án þess að
skýrslugerð sé hafin.
Allt í allt eru 13 skýrslur í vinnslu
hjá Ríkisendurskoðun en drög að
þeim eru mislangt á veg komin. Af
þessum 13 skýrsludrögum eru tvenn
unnin samkvæmt formlegri beiðni frá
Alþingi: drög að skýrslu um framlög
ríkisins til æskulýðsmála og drög að
skýrslu um kaup og innleiðingu á fjár-
hags- og mannauðskerfi fyrir ríkið,
segir í svari forseta.
Sex af átta
beiðnum
svarað
 Einni hafnað og
ein enn í vinnslu
Ólína
Þorvarðardóttir