Morgunblaðið - 19.11.2012, Blaðsíða 4
4 FRÉTTIRInnlent
MORGUNBLAÐIÐ MÁNUDAGUR 19. NÓVEMBER 2012
Skógarhlíð 18 sími 595 1000 www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku. Ath. að verð getur breyst án fyrirvara.
• •
Janúarferð
fyrir eldri borgara til Kanarí
2. janúar í 27 nætur
frá kr. 169.900
Heimsferðir bjóða einstakt tilboð í ferð fyrir eldri borgara í
janúar til Kanaríeyja. Við bjóðum fjölbreytt úrval gististaða.
Janúar er svo sannarlega frábær tími á þessum einstaka
áfangastað. Mikil dagskrá í boði í fylgd reyndra fararstjóra.
Kr. 169.900
Netverð á mann, m.v. 2 í íbúð á Los Tilos í 27 nætur.
Sértilboð 2. janúar.
það og sú varð raunin,“ sagði Össur
strax eftir að úrslit voru ljós. „Mér
finnst það nokkuð gott miðað við að
ég rak ekki öfluga kosningabaráttu
og ég atti kappi við ansi öfluga fram-
bjóðendur.“
Stefanía Óskarsdóttir stjórnmála-
fræðingur segir það ekki nýtt að sótt
sé að Össuri og hann hafi ekki hlotið
neina yfirburða kosningu fyrir fjór-
um árum heldur. „Hann heldur sinni
stöðu þrátt fyrir að sótt hafi verið að
honum í fyrsta sætið og Sigríður er
að koma sterk inn sem hálfgerður
fulltrúi búsáhaldabyltingarinnar.“
Sjálf segist Sigríður vera afar
þakklát öllu því fólki sem studdi
hana í flokksvalinu og það sé skref í
rétta átt að nú leiði kona lista Sam-
fylkingarinnar í tveimur kjördæm-
um eftir val helgarinnar þar sem
Reykjavík skiptist niður í tvö kjör-
dæmi.
Konurnar sem koma til greina
Eftir flokksval Samfylkingarinnar
um helgina hafa Oddný G. Harðar-
dóttir, Sigríður Ingibjörgu Inga-
dóttur og Valgerður Bjarnadóttir
styrkt stöðu sína innan flokksins og
talið er að þær eigi allar tilkall til
formannsstólsins sem losnar þegar
Jóhanna hverfur af vettvangi stjórn-
málanna í vor. Oddný segist ekki
hafa íhugað það hvort hún sækist
eftir formannsembættinu en margir
hafi orðað það við hana eftir sig-
urinn um helgina. „Ég hef ekki íhug-
að þetta sjálf. Núna er ég fyrst og
fremst ánægð með listann í kjör-
dæminu og tel hann sigurstrangleg-
an. Menn hafa þó komið að máli við
mig.“
Sigríður Ingibjörg segist vilja
halda spurningunni opinni. „Mér
finnst rétt að sjá hver niðurstaðan
verður í öllum prófkjörum flokksins.
Eftir að þau eru öll yfirstaðin munu
flokksmenn ráða ráðum sínum og þá
verðum við sem leiðum lista flokks-
ins eflaust í umræðunni og orðuð við
formannsembættið.“
Valgerður Bjarnadóttir segist
ekki hafa stefnt á formannsembætt-
ið þó svo að margir hafi komið að
máli við hana.
Katrín Júlíusdóttir, efnahags- og
fjármálaráðherra, hefur einnig verið
nefnd sem mögulegt formannsefni
Samfylkingar en hún þurfti þó að
lúta í lægra haldi fyrir Árna Páli
Árnasyni, þingmanni flokksins, í
baráttunni um fyrsta sætið á lista
Samfylkingarinnar í Suðvesturkjör-
dæmi. Árni Páll hefur einn sóst eftir
formannsstólnum. Niðurstaða for-
vals um helgina opnar þó fyrir
nokkra nýja valkosti og getur gert
formannsslaginn í Samfylkingunni
harðan.
Nærri því óbreyttur listi
Lítil endurnýjun á listum Samfylkingar í Reykjavík og Suðurkjördæmi Oddný G. Harðardóttir
fékk glæsilega kosningu í fyrsta sætið í Suðurkjördæmi Össur heldur sínu sæti naumlega í Reykjavík
Forval Kosið var á lista Samfylkingarinnar í Suðurkjördæmi og Reykjavík um helgina og styrktu konurnar í flokknum stöðu sína verulega.
Morgunblaðið/Árni Sæberg
FRÉTTASKÝRING
Vilhjálmur A. Kjartansson
vilhjalmur@mbl.is
Flokksval Samfylkingarinnar fór
fram bæði í Reykjavík og Suður-
kjördæmi um helgina og var kosið
bæði rafrænt og á hefðbundinn hátt.
Kosningaþátttaka var frekar dræm
en hún var aðeins 38 prósent í
Reykjavík þar sem 2.514 greiddu at-
kvæði af 6.600 skráðum flokksfélög-
um. Heldur betri kjörsókn var í Suð-
urkjördæmi þar sem 43,71 prósent
skráðra samfylkingamanna tók þátt
eða 1.551 af 3.548 félagsmönnum.
Konan sem sigraði með stæl
Oddný G. Harðardóttir fékk yf-
irgnæfandi kosningu í fyrsta sætið í
Suðurkjördæmi og sigraði þar
Björgvin G. Sigurðsson sem leiddi
lista Samfylkingarinnar í kjördæm-
inu bæði fyrri kosningarnar 2007 og
2009. Björgvin segist ekki ánægður
með niðurstöðuna en hann taki
henni með yfirvegun. „Ég sóttist
eftir því að halda 1. sæti og ég vissi
að það yrði á brattann að sækja,“
sagði Björgvin í samtali við Morg-
unblaðið strax eftir að niðurstaðan
var kunn.
Stefanía Óskarsdóttir stjórnmála-
fræðingur telur ósigur Björgvins
m.a. skýrast af brotthvarfi hans af
þingi á kjörtímabilinu og ráðherra-
tíð hans í ríkisstjórn Geirs H.
Haarde og Ingibjargar Sólrúnar.
„Það virðist af umræðunni að Björg-
vin hafi ekki notið trausts eigin
flokksmanna í ríkisstjórn Sjálfstæð-
isflokks og Samfylkingar fyrir hrun.
Það og brotthvarf hans meðan rann-
sóknarnefnd Alþingis var að störf-
um hefur líklega skaðað hann í
þessu prófkjöri,“ segir Stefanía sem
bendir einnig á að Oddný hafi notið
mikils trausts Jóhönnu og verið gerð
að þingflokksformanni og fjármála-
ráðherra á kjörtímabilinu sem hafi
styrkt stöðu hennar. Sjálf segist
Oddný hafa vitað um góðan stuðning
við sig í kjördæminu en ekki grunað
að hann væri svona góður.
Marði það í Reykjavík
Einungis 68 atkvæði skildu þau
Össur Skarphéðinsson og Sigríði
Ingibjörgu Ingadóttur að í barátt-
unni um fyrsta sætið í flokksvali
Samfylkingarinnar í Reykjavík. Öss-
ur fékk 972 atkvæði í fyrsta sætið,
en Sigríður Ingibjörg 904. „Ég gerði
heldur ráð fyrir að ég myndi merja
Vangaveltur voru um það hvort
Samfylkingin væri að færa sig til
hægri eftir prófkjör flokksins í
Suðvesturkjördæmi þar sem Árni
Páll og Katrín Júlíusdóttir verma
tvö efstu sætin. Sigríður Ingibjörg
Ingadóttir, sem fékk glæsilega
kosningu í annað sætið í flokksvali
flokksins í Reykjavík, segir flokk-
inn ekki á leiðinni til hægri. „Sam-
fylkingin er jafnaðarmannaflokkur
vinstra megin við miðjuna. Í kjölfar
efnahagshrunsins hefur verið mik-
ið kall frá almenningi eftir fé-
lagslegu réttlæti og Samfylkingin
hefur svarað því kalli,“ segir Sig-
ríður en hún telur umræðuna til-
raun frá hægri til að skilgreina
Samfylkinguna nær sér í pólitík.
„Fólk ætti frekar að líta á hversu
langt til hægri Sjálfstæðisflokk-
urinn er kominn.“
Oddný G. Harðardóttir tekur
undir með Sigríði og segist ekki
hafa fundið fyrir því að Samfylk-
ingin væri að færast til hægri.
„Mér finnst flokkurinn ekki vera að
færast til hægri eða vinstri. Við er-
um með sömu áherslur og árið
2009 en höfum auðvitað þurft að
gera málamiðlanir í stjórnarsam-
starfi eins og er alltaf.“ Stefanía
Óskarsdóttir stjórnmálafræðingur
segir umræðuna eflaust helgast af
því að Jóhanna hafi útilokað sam-
starf við Sjálfstæðisflokkinn en
Árni Páll sem sækist eftir for-
mannsembættinu hafi opnað á
samstarf bæði til hægri og vinstri
eftir kosningar í anda þess sem Al-
þýðuflokkurinn og Framsókn-
arflokkurinn stóðu fyrir á árum áð-
ur.
Færir sig ekki til hægri
PÓLITÍSK STEFNA SAMFYLKINGAR
Sigríður Ingi-
björg Ingadóttir
Oddný G.
Harðardóttir
Rúmlega 2.000 jarðskjálftar hafa verið staðsettir með
SIL-mælakerfi Veðurstofu Íslands í október. Lang-
flestir og stærstu skjálftar mánaðarins urðu í Eyja-
fjarðarál. Tveir voru yfir 5 að stærð og fleiri yfir 4 að
stærð. Þeir fundust víða norðanlands.
Fram kemur í samantekt Veðurstofunnar að mikil
skjálftavirkni hafi verið úti fyrir Norðurlandi í svo-
nefndum Eyjafjarðarál, sem er sigdalur milli Húsavík-
ur-Flateyjarmisgengisins og Kolbeinseyjarhryggjarins.
Yfir 900 skjálftar hafa verið yfirfarnir í hrinunni. Tveir
skjálftar yfir 5 að stærð urðu hinn 21. október. Sá fyrri,
5,2 að stærð, varð laust eftir miðnætti og sá síðari sem
var 5,6 varð klukkan 01.25
Fjöldi smærri skjálfta mældust á Reykjaneshrygg,
Krísuvíkursvæðinu og við Vífilfell.
Jarðskjálftahrina var fyrri hluta mánaðarins með
upptök um 2-3 km norðvestan við Geitafell. Stærsti
skjálftinn var 4 að stærð hinn 5. október. Rúmlega 130
jarðskjálftar mældust í þessari skjálftahrinu, aðallega
dagana 5.-9. október. Yfir hundrað smáskjálftar mæld-
ust við Húsmúla, á Hengilssvæðinu og í Ölfusinu.
Um 120 skjálftar voru staðsettir við Mýrdalsjökul.
Stærsti skjálftinn, 3,1 að
stærð, átti upptök undir
norðurhluta öskjunnar
hinn 3. okt. Átta skjálftar
voru staðsettir við Lang-
jökul, þar af fjórir aðfara-
nótt sunnudagsins 14. októ-
ber við suðvestanverðan
jökulinn, sá stærsti 2,1 að
stærð. Rúmlega 100
skjálftar mældust undir
Vatnajökli og er það mun
meiri virkni en í síðasta
mánuði en álíka fjöldi og í
ágúst.
Á svæðinu norðan Vatnajökuls mældust um 90
skjálftar. Auk þess voru tvær smáhrinur í nágrenni
Grímseyjar í byrjun mánaðarins. Alls mældust um 140
jarðskjálftar í tveimur þyrpingum austan og norð-
austan Grímseyjar. Stærsti skjálftinn þar var 3,3 stig
þann 13. október.
vidar@mbl.is
Rúmlega 2.000 jarðskjálftar
urðu í oktbóbermánuði
Stærstu skjálftarnir við Eyjafjarðarál voru upp á 5,2 og 5,6
Vatnajökull Rúmlega 100
skjálftar mældust þar.