Morgunblaðið - 19.11.2012, Blaðsíða 22
22 UMRÆÐAN
MORGUNBLAÐIÐ MÁNUDAGUR 19. NÓVEMBER 2012
TRAUS
T
OG GÓ
Ð
ÞJÓNU
STA
Í 16 ÁR
HAMRABORG 10, KÓPAVOGI – SÍMI: 554 3200 – OPIÐ: VIRKA DAGA: 9:30-18, LAUGARDAGA: 11-14
Verið velkomin
SJÓNMÆLINGAR Á STAÐNUM
VORUM AÐ
TAKA UPP
FULLT AF
FLOTTUM
UMGJÖRÐUM
Frá því að vinstri-
stjórnin tók við völd-
um hafa rúmlega fjór-
ir einstaklingar flúið
land á dag. Tveir af
þessum fjórum eru
ungt fólk sem alist
hefur upp á Íslandi,
sótt hér skóla og notið
þeirra tækifæra sem
landið býður upp á.
Það er áhyggjuefni að
ungt fólk skuli vilja finna lífi sínu
farveg annars staðar, en í því ár-
ferði sem nú ríkir er það ósköp
skiljanlegt. Vinstristjórnin hefur
tálmað endurreisn efnahagslífsins
og klúðrað öllum þeim færum sem
henni hefur gefist. Ný ríkisstjórn
þarf að breyta um kúrs, feta slóð
frelsis í stað helsis og blása fólki
kjark í brjóst. Verkefnin sem bíða
nýrrar ríkisstjórnar eru ærin og
ætlar undirritaður að gera grein
fyrir þeim helstu.
1. Afnema höft og regluverk
Gjaldeyrishöftin ógna framtíð Ís-
lendinga. Þau gera
okkur að föngum í okk-
ar eigin landi. Brýnasta
verkefni nýrrar rík-
isstjórnar er að aflétta
höftunum svo fljótt
sem kostur er. Vinstri-
stjórnin hefur ekki
sýnt neinn vilja til að
hraða þessu verki, þess
í stað festi hún höftin
enn frekar í sessi með
lagabreytingum í mars-
mánuði. Auk þess að
ráðast í afléttingu hafta
þarf ný ríkisstjórn að draga úr því
íþyngjandi regluverki sem atvinnu-
lífið lifir við. Gera þarf fleiri fram-
takssömum einstaklingum kleift að
hefja atvinnurekstur en núgildandi
reglufargan reisir hömlur við að að-
ilar komi inn á markað og auki sam-
keppnina við önnur stærri fyrirtæki.
2. Stórtækar skattalækkanir
Draga þarf allar skatta- og gjald-
hækkanir, sem ríkisstjórnin hefur
lagt á einstaklinga og fyrirtæki, til
baka. Skattkerfið á eingöngu að
nota til að afla ríkinu tekna, en ekki
til að jafna tekjur einstaklinga. Um
leið þarf að efla skattavitund al-
mennings. Fáir gera sér grein fyrir
því að þeir vinni meirihluta ársins
fyrir ríkið og enn færri vita að allt
af 75% af útseldri vinnu manna geti
horfið í skatta og bótaskerðingar.
3. Aðskilnaður ríkis
og hagkerfis
Aðskilja ber ríki og hagkerfi með
því að leggja niður seðlabankann og
afnema ríkisábyrgðir á fyr-
irtækjum, svo sem bönkum. Gefa
ætti peningaútgáfu frjálsa svo að
fólk geti valið sér gjaldmiðil sem
það treystir. Þjóðargjaldmiðill eins
og íslenska krónan skerðir frelsi
okkar til athafna og það sem er
meira um vert, þjóðargjaldmiðlar
hjálpa stjórnvöldum við að dylja
óstjórn sína. Þau geta ávallt gripið
til þeirra bragða að prenta meiri
seðla eða fikta í stýrivöxtunum. Af-
leiðingarnar eru hærri verðbólga og
verðmætalausir gjaldmiðlar.
Ábyrgð ríkisins á skuldbindingum
banka villir hluthöfum hans sýn og
kemur í veg fyrir að innstæðu-
eigendur veiti það aðhald sem nauð-
synlegt er. Frelsinu skal ávallt
fylgja ábyrgð.
4. Einkavæðing fyrirtækja
Koma ber fyrirtækjum sem lent
hafa í eigu ríkisins aftur í eigu ein-
staklinga. Auk þess þarf ríkið að
sleppa taki sínu á öllum þeim fyr-
irtækjum sem einkaaðilar geta séð
um og rekið. Einkavæða þarf fyr-
irtæki og stofnanir á sem flestum
sviðum – ekki bara til að losa um
tangarhald stjórnmálamanna á at-
vinnulífinu, heldur einnig til þess að
innleiða samkeppni. Hin ósýnilega
hönd markaðarins er betur til þess
fallin að stýra mönnum á rétta braut
en hin dauða hönd ríkisvaldsins.
5. Draga ESB-um-
sóknina til baka
„Veraldarsagan ber ljóst vitni
þess, að hverri þjóð hefir þá vegnað
bezt, þegar hún hefir sjálf hugsað
um stjórn sína.“ Svo mælti Jón Sig-
urðsson forseti árið 1841. Þessi orð
eiga vel við í dag þegar rík-
isstjórnin hefur sótt um aðild að
Evrópusambandinu. Ljóst er sam-
bandið glímir við gífurlegan lýðræð-
ishalla og hefur þróun þess aðeins
verið á einn veg seinustu ár. Sam-
bandið hefur horfið frá upphaflega
markmiði sínu, að auka frjáls við-
skipti milli ríkja í Evrópu, og stefnt
frekar að auknum pólitískum og
efnahagslegum samruna. Það er
leiðin til ánauðar. Í stað þess að
ganga í verðandi sambandsríki ætti
ný ríkisstjórn að leitast við að gera
fríverslunarsamninga við lönd um
allan heim, svo sem við Bandaríkin,
Brasilíu, Kanada, Kína, Rússland
og fleiri ríki.
Fimm verkefni
nýrrar ríkisstjórnar
Eftir Kristin Inga
Jónsson
»Ný ríkisstjórn þarf
að aflétta höftum,
ráðast í stórtækar
skattalækkanir, leggja
niður seðlabankann,
einkavæða fyrirtæki og
draga ESB-umsókn til
baka.
Kristinn Ingi Jónsson
Höfundur er menntaskólanemi.
Legg til að
bændur tækju að
sér að rækta
repju fyrir ríkið
sem myndi
pressa repjuna
og fá olíu og
ýmsar aðrar af-
urðir. Repjuolía
væri sett á alla
gömlu bílana sem
yrði ódýr og kostaði ekki daglega á
bílinn nema á við smjörlíkisstykki.
Það er ódýrt að geta ekið um allt á
einu stykki af smjörlíki eða repju-
olíu en til þess yrði að setja nýjar
díselvélar í bílana sem gætu gengið
fyrir repjuolíu eða allt niður í 1 stk
af smjörlíki. Þetta verður ódýr leið
fyrir þá sem eiga notaða bíla og
eru í vandræðum með að borga allt
bensínið. Gamlir bílar þurfa meira
bensín en nýir. Er mörgum dýrt í
dag. Mundi gjörbreytast með
repjuolíu sem væri ódýr.
Það er hægt að nota tún á Suð-
urlandi sem í dag standa mörg
ónotuð. Setja verður upp skjólbelti
sem skapa heitara umhverfi og
skjól til að styðja við repjurækt-
unina.
Repjuræktun sem rekin væri af
krafti með ríkisstyrk myndi gefa
mikla möguleika. Repjuolían væri
pressuð úr fullvaxinni repju en svo
koma ýmsar aukaafurðir eins og
fóðurbætir og annað sem fellur til
og kemur í ljós þegar farið er að
rækta repjuna. Aðalatriðið er að
hefja repjuræktun og reka hana
áfram af krafti, þá sjá menn árang-
urinn og góðu hliðarnar og hag-
stæðu. Repjuolía er nánast gull
þegar hún er framleidd á Suður-
landi í verulegu magni. Það er bara
að koma sér í gang með þetta og
drífa þetta áfram.
Meiri tekjur og framkvæmdir
vantar í mismunandi atvinnugrein-
um, s.s. með ræktun repju og
framleiðslu repjuolíu.
LÚÐVÍK GIZURARSON,
hæstaréttarlögmaður.
Repjuræktun á Suðurlandi
á mikla framtíð – Ræktum
repju með ríkisstyrk
Frá Lúðvík Gizurarsyni
Lúðvík Gizurarson
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/
Bréf til blaðsins