Morgunblaðið - 19.11.2012, Blaðsíða 14

14 FRÉTTIRInnlent
MORGUNBLAÐIÐ MÁNUDAGUR 19. NÓVEMBER 2012
Ágúst Ingi Jónsson
aij@mbl.is
Nánast hver einasta spýta sem til
fellur við grisjun skóga er nýtt á
einhvern hátt, að sögn Hreins
Óskarssonar, skógarvarðar Skóg-
ræktar ríkisins á Suðurlandi.
Hann segir að sverustu bolirnir
séu flettir og notaðir meðal ann-
ars í borðvið og talsvert fari í
spírur í fiskhjalla. Elkem á
Grundartanga sé stór kaupandi
og þessa dagana sé verið að keyra
bílfarma af viði þangað. Þá sé efni
kurlað í göngustíga og talsvert af
furu og ösp sé notað í arinvið svo
nokkur dæmi séu nefnd.
Á Suðurlandi hefur mest verið
grisjað undanfarið í Skarfanesi,
Haukadal og á Þingvöllum og
felld hafi verið hundruð rúm-
metra af grisjunarvið. Mest
áhersla hefur síðustu daga verið
lögð á að fella jólatré, einkum í
Haukadal, en einnig stærri tré á
Þingvöllum.
Þegar nær dregur jólum reikn-
ar Hreinn með að smærri tré
verði sótt í Þjórsárdal og furu-
greinar á Tumastaði í Fljótshlíð.
Hann segir að verkefnin séu svip-
uð á Héraði, að Vöglum, í Skorra-
dal og annars staðar þar sem
unnið er í skógunum.
Nokkur tré féllu í storminum
Hreinn segir að veðráttan hafi
aðeins lítillega truflað skógarhögg
undanfarið, ef einhvers staðar sé
skjól sé það í skógum landsins.
Þó hafi nokkur tré fallið í met-
storminum fyrr í mánuðinum í
nýlega grisjuðum furureit á Þing-
völlum og í mýri í Haukadal. Yfir-
leitt hafi það verið fura með
ónýta rót sem hafi oltið á hliðina.
Alla jafna fara skógarhöggs-
menn ferða sinna gangandi eða
akandi á bílum eða dráttarvélum.
Hjá hópnum sem vinnur við gris-
jun í Skarfanesi á Landi hefur
verið gripið til þess ráðs að sigla
yfir Þjórsá á gúmmíbáti. Flesta
morgna undanfarið hafa þeir farið
siglandi í vinnuna með keðjusagir
og annan búnað til skógarhöggs.
Á þennan hátt spara þeir mikinn
tíma og þrátt fyrir leiðindatíð
hafa þeir getað siglt flesta daga
síðustu vikur.
Starfsstöð í Kyrrþey
Starfsstöð þessa hóps skógar-
manna er í Þjórsárdal og er köll-
uð Kyrrþeyr. Ef báturinn væri
ekki notaður væri stysta leið að
fara yfir á stíflu Landsvirkjunar
yfir að Ísakoti. Skarfanes liggur
nokkuð afskekkt og væri um 35
kílómetra akstur þangað, að
stórum hluta eftir grófum malar-
vegi. Siglingaleiðin er um 2,5 kíló-
metrar.
Skarfanes hefur verið í eigu
Skógræktar ríkisins síðan um
1940. Þar hefur vaxið upp grósku-
mikill skógur, aðallega í Lamb-
haga. Lönd sem áður voru örfoka
á þessum slóðum hafa verið
grædd upp í samvinnu við Land-
græðslu ríkisins.
Nánast hver einasta spýta er nýtt
 Víða unnið við grisjun og að fella jólatré  Skógarmenn í Skarfanesi sigla í vinnuna
Ljósmynd/Ingvar Örn Arnarson
Skógarhögg Úr skóginum í Skarfanesi, en lönd sem áður voru örfoka hafa verið grædd upp.
Ljósmynd/Ingvar Örn Arnarson
Um borð Á leið í vinnu; Jóhannes H. Sigurðsson og Magnús F. Guðmundsson á leið yfir Þjórsá.
Kyrrþeyr
(Skógrækt ríkisins)
Skarfanes Þjórsá
Fo
ss
á
Hjálparfoss Bjarnalón
Þjófafoss
Búrfell
Landmannaleið
Sigla í skóginn
Leiðin yfir Þjórsá
2,5 km í loftlínu
Bílleiðin
35 km, að stórum hluta
grófur malarvegur
Loftmyndir ehf.
Bikarmót líkamsræktarmanna fór
fram um helgina í Háskólabíói. Alls
tóku 126 keppendur þátt og er það
metþátttaka.
Þær Aðalheiður Ýr Ólafsdóttir og
Kristín Sveiney Baldursdóttir urðu
heildarsigurvegarar í sínum flokkum,
Aðalheiður í módelfitness og Kristín í
fitness. Alls keppti 31 keppandi í fit-
nessflokkum kvenna og 65 í módel-
fitness. Sigurvegarar í fitness-
flokkum kvenna urðu þær Una
Margrét Heimisdóttir sem sigraði í
unglingaflokki, Rósa Björg Guð-
laugsdóttir sem sigraði í flokki 35 ára
og eldri, Jóhanna Hildur Tómasdóttir
sem sigraði í undir 163 cm flokki og
Kristín Sveiney Baldursdóttir sem
sigraði í yfir 163 cm flokki. Í heildar-
keppninni í módelfitness mættust
þær Magnea Gunnarsdóttir sem sigr-
aði í unglingaflokki, Jara Sól Guð-
jónsdóttir sem sigraði í undir 163 cm
flokki, Margrét Gnarr sem sigraði í
undir 168 cm flokki, Karen Lind
Richardsdóttir sem sigraði í undir
171 cm flokki og Aðalheiður Ýr Ólafs-
dóttir sem sigraði í yfir 171 cm flokki.
Í fitness karla sigraði Gauti Már
Rúnarsson en í vaxtarræktinni stóð
Magnús Bess uppi sem sigurvegari.
Mímir Nordquist sigraði í unglinga-
flokki í fitness og Svavar Ingvarsson
sigraði í unglingaflokki í vaxtarrækt.
Magnús Bess vann sigur í heildar-
keppninni í vaxtarrækt.
Ljósmynd/Fitness.is
Sigurstund Frá bikarmóti líkamsræktarmanna í Háskólabíói.
Metþátttaka á bikar-
móti í líkamsrækt
Heill heimur af ævintýrum