Morgunblaðið - 19.11.2012, Blaðsíða 21
UMRÆÐAN 21
MORGUNBLAÐIÐ MÁNUDAGUR 19. NÓVEMBER 2012
Sérsmíðaðar baðlausnir
Speglar • Gler • Hert gler
Öryggisgler • Litað gler • Bílspeglar
Sandblástur • Álprófílar
Máltöku- og uppsetningaþjónusta
Við leggjum metnað
okkar í að bjóða sérhæfðar
og vandaðar lausnir á
baðherbergi.
Við bjóðum upp á
sérsmíðaða spegla,
sturtuklefa og sturtu-skilrúm.
Þá erum við komnir með nýja
útgáfu af ljósaspeglunum
okkar vinsælu.
Á nýrri heimasíðu okkar
glerslipun.is er gott yfirlit yfir
það sem er í boði. Auk þess
bjóðum við alla velkomna
í Vatnagarða 12 þar sem
fagfólk veitir góða þjónustu
og allar þær upplýsingar sem
þarf.
Vatnagarðar 12 | Sími 588 5151 | Fax 588 5152 | glerslipun.isSTOFNAÐ 1922
Þarabakki 3 ~ 109 Reykjavík ~ sími 566 6161 ~ curves.is
Það eru alltaf
þjálfarar þér
til aðstoðar
… Heilsurækt fyrir konur
Ég vinn á hjúkrunarheimili sem félagsliði.
Ég byrjaði að æfa í Curves fyrir ári síðan, af því
ég vildi léttast og styrkja mig. Ég hef æft ca.
3x í viku og líkar rosalega vel. Á þessum tíma
hef ég losnað við 10 kg og er miklu hressari
núna. Curves er frábær staður með frábæru
starfsfólki. Ég þarf ekki að panta tíma, kem að
æfa þegar það passar mér best.
Paula HolmPaula Holm, 40 ára
Æfingin hjá okkur
tekur aðeins 30 mínútur
Nýtt!
bjóðum
nú einnig
upp á tri
mform
Mörg íslensk heimili
eru í alvarlegum fjár-
hagsvanda, rúmlega
27.000 einstaklingar á
vanskilaskrá og fer
fjölgandi. Þúsundir til
viðbótar hafa glatað
eigin fé í eignum sínum
og sjá fram á erfiðar
afborganir af verð-
tryggðum lánum
næstu áratugi.
Hvað er til ráða?
Hvernig getum við bætt hag heim-
ilanna verulega og þegar fram í sæk-
ir bætt lífskjör okkar þannig að þau
verði ekki síðri en hjá þeim ná-
grannaþjóðum sem betur mega sín?
Það er í rauninni aðallega tvennt
sem kemur til greina til að bæta hag
heimilanna, það er að auka tekjur og
lækka útgjöld.
Auknar meðaltekjur heimilanna
fást aðeins með aukinni þjóðarfram-
leiðslu. Undanfarin 30 ár höfum við
dregist aftur úr nágrannaþjóðum
okkar, Norðurlöndunum og Bret-
landi, um 0,4% á ári að jafnaði. Þjóð-
arframleiðslan hjá okkur hefur auk-
ist um 1,4% að meðaltali en hefði
þurft að aukast um 1,7% til að halda í
við þessar þjóðir. Hvernig getum við
aukið þjóðarframleiðsluna hraðar en
verið hefur?
Sjávarútvegur og orkufrekur iðn-
aður geta ekki vaxið mikið úr þessu.
Vöxturinn verður í nýjum útflutn-
ingsatvinnugreinum. Eftir 20 ár
þurfa þær að standa undir 50% þjóð-
arframleiðslunnar ef við eigum að
halda í við nágrannaþjóðirnar.
Ferðaþjónusta stendur nú þegar
undir 20%. Hátækni-
iðnaður svo sem hjá
Marel, Össuri og Ac-
tavis, skapandi starf-
semi svo sem hjá tölvu-
leikjaframleiðandanum
CCP og kvikmyndaiðn-
aður eins og Saga film
og True North geta
vaxið. Til þess að svo
verði þarf að búa þeim
hér gott starfsum-
hverfi. Mestu skiptir
fyrir þau stöðugleiki,
traustur gjaldmiðill,
hóflegt vaxtastig, hag-
stætt verðlag og aðgangur að vel
menntuðu starfsfólki.
Á undanförnum árum hafa flest
ofangreind fyrirtæki vaxið meira er-
lendis en hér vegna þess að um-
hverfið hér hefur ekki verið hagfellt.
Þessu þarf að breyta og það tekst
vart án ESB og evrunnar enda
fylgja forráðamenn flestallra þess-
ara fyrirtækja inngöngu í Evrópu-
sambandið. Ef bæta á starfsum-
hverfi fyrir ný fyrirtæki sem bera
þurfa uppi hagvöxtinn gengur ekki
að draga ESB-umsóknina til baka.
Þá er það hin hliðin, lækkun út-
gjalda heimila. Hvernig má lækka
þau að gagni? Við lítum öll í eigin
barm þegar herðir að og getum flest
lækkað okkar daglegu útgjöld nokk-
uð og höfum verið að gera það. Sum
útgjöld er reyndar ekki hægt að
lækka að ráði. Vonir margra standa
til að hluti af hækkun verðtryggðra
lána frá hruni verði felldur niður.
Hvort sem það verður eða ekki þurfa
önnur útgjöld heimilanna að lækka.
Síðar þegar afkoma ríkissjóðs hefur
skánað verður hægt að lækka skatta
og það mun örva hagvöxt.
Sú útgjaldalækkun heimila sem
stjórnmálin geta staðið fyrir er að
taka á útgjaldaliðum er tengjast
landbúnaðinum. Hann er að tals-
verðu leyti ósjálfbær og þrífst í skjóli
innflutningshafta og styrkja, skapar
aðeins 1,3% landsframleiðslunnar.
Það má stórlækka útgjöld heim-
ilanna með því að opna á innflutning
landbúnaðarafurða og minnka styrki
til greinarinnar. Þetta myndi lækka
útgjöld meðalfjölskyldu í kringum
100 þús. kr. á mánuði vegna lægri
skatta, lækkunar matvælaverðs,
minni hækkunar vísitölutryggðra
lána og lægri vaxta ef evran verður
tekin upp. Þetta yrði mikið átak, sem
yrði að undirbúa vel. Meðal þess sem
þyrfti að passa upp á er að hafa til-
tæka áætlun til að aðstoða bændur
sem missa tekjur og sitja uppi með
verðminni eignir, að koma undir sig
fótunum með nýjum hætti. Vaxandi
ferðaþjónusta býður upp á mörg
tækifæri, það þarf víða að taka til
hendinni og sjálfsagt að nýta vinnu-
aflið sem losnar úr læðingi til gagn-
legra verka sem koma heildinni til
góða.
Ef við förum þessa leið, að taka á
liðum er tengjast landbúnaðinum,
verður samningagerðin við ESB
auðveldari en ella og evran innan
seilingar. Það verður þá lítið því til
fyrirstöðu að setja aukinn þunga í
aðildarumsóknina og bæta með því
skilyrði nýju atvinnugreinanna sem
verða að vera helsta undirstaða
bættra lífskjara í framtíðinni. Staða
okkar er erfið og mun ekki batna
nema við tökum réttar ákvarðanir.
Nú er verið að velja fólk á lista
stjórnmálaflokkanna. Kjósendur
ættu að hafa þetta í huga þegar þeir
velja sína fulltrúa.
Mikilvægar ákvarðanir
Eftir Guðjón
Sigurbjartsson » Þetta myndi
lækka útgjöld
fjölskyldna að með-
altali um u.þ.b.. 100
þús. kr. á mánuði
Guðjón
Sigurbjartsson
Höfundur er atvinnurekandi, við-
skiptafræðingur og bóndasonur í
framboði í 3.-5. sæti í prófkjöri Sjálf-
stæðisflokksins í Reykjavík 24. nóv.
14. maí 2010 sendi
ég athugasemd til
Morgunblaðsins
vegna pistils Kol-
brúnar Bergþórs-
dóttur sem birst hafði
í pistli í Morg-
unblaðinu nokkrum
dögum áður. Ég
nefndi greinina
„Hvers penni er Kol-
brún?“ Enn fær ein-
hver Kolbrúnu til að
skrifa og í pistli sínum í Mbl. 15.
nóv. 2012 segir hún: „Það var því
gleðilegt að verða vitni að góðu
gengi Vilhjálms í prófkjöri Sjálf-
stæðisflokks á sama tíma og for-
maður flokksins, Bjarni Benedikts-
son, beið afhroð.“
Í maí 2010 rétt fyrir sveitar-
stjórnarkosningar hrósaði Kolbrún
Hönnu Birnu en lét þess getið um
leið að: „… ekki bætir úr skák að
formaður flokksins (Bjarni Bene-
diktsson, innskot LH) er að mestu
leyti laus við forystuhæfileika og
nýtur takmarkaðs trausts, bæði
innan og utan eigin flokks“. Þar
lét hún skína í það að ef fylgi
flokksins í Reykjavík myndi dala
þá væri það vegna þess að formað-
ur flokksins hefði enga forystu-
hæfileika.
Í pistli Kolbrúnar í Mbl. 15. nóv.
2012, nokkrum mánuðum fyrir al-
þingiskosningar, er hún enn við
sama heygarðshornið, það er: Að
ef þú ætlar að hrósa einhverjum
þá verður þú að draga annan nið-
ur. Kolbrún, eða penni hennar,
hefur enn einkar mikla ánægju af
því að grafa undan Bjarna Bene-
diktssyni. Ég er sannfærð um að
hvorki Hanna Birna né Vilhjálmur
vilja að sér sé hrósað á annarra
kostnað heldur vilja fá hrós vegna
eigin verðleika sem þau eiga bæði
skilið.
Í pistli Kolbrúnar
15. nóv. segir hún í
lokin: „Við lifum í
furðulegu umhverfi
þar sem talið er næsta
sjálfsagt að öskra og
gala og ausa svívirð-
ingum yfir fólk og
dæma til hægri og
vinstri. Þeir sem þetta
gera kunna ekki al-
mennar kurteisis-
reglur, telja sig svo í
flokki merkra álits-
gjafa. Það er engin
þörf á fólki af þessari tegund.“
Hjartanlega er ég sammála Kol-
brúnu hvað þetta varðar en þykir
hún ekki fara eftir þessum al-
mennu kurteisisreglum sjálf sam-
anber „… Skúli, Helgi, Magnús og
Róbert“. Er Kolbrún ef til vill að
kasta steinum úr glerhúsi?
Prókjör Sjálfstæðisflokksins í
Suðvesturkjördæmi sl. laugardag
var öllum sem tóku þátt í því til
sóma, bæði frambjóðendum sem og
kjósendum, en því miður var kjör-
sókn minni en en maður hefði kos-
ið. Bjarni Benediktsson hlaut góða
kosningu í fyrsta sæti þrátt fyrir
að tveir aðrir frambjóðendur sækt-
ust eftir því sæti. Formaður Sjálf-
stæðisflokksins galt ekki afhroð
heldur sigraði með 54-55% at-
kvæða. Í fótbolta er leikurinn unn-
inn ef markatalan er hærri en hjá
hinu liðinu sama hvort þar munar
einu eða fleiri mörkum.
Enn fær einhver Kol-
brúnu til að skrifa
Eftir Lilju Guðrúnu
Hallgrímsdóttur
Lilja Guðrún
Hallgrímsdóttir
Höfundur er djákni á eftirlaunum og
stjórnarmaður í SES.
» Bjarni Benediktsson
hlaut góða kosningu
í fyrsta sæti þrátt fyrir
að tveir aðrir frambjóð-
endur sæktust eftir því
sæti.