Morgunblaðið - Sunnudagur - 11.11.2012, Side 2

2 MORGUNBLAÐIÐ SUNNUDAGUR 11.11. 2012
Umhverfi hefur mótandiáhrif á einstaklinga.Hvar við ölumst upp hef-
ur án efa áhrif ekki síður en
hvernig við erum alin upp. Með
öðrum orðum skiptir fólkið, húsin,
skólarnir, búðirnar, stemningin,
menningin og allt sem tilheyrir
umhverfinu – og hverfinu – máli
þegar til lengri tíma er litið. Og
þetta þarf ekki að vera fullkomið
eða fara eftir öllum stöðlum. Því
það er svo margt sem getur mótað
okkur. Það að þurfa að berjast
fyrir sínu í risastórum bekk getur
meitlað áræðinn einstakling. Eins
gæti það að hafa engin leiksvæði
önnur en drullupolla, hóla, þúfur
og grjót ýtt undir sköpunargáfu.
Kannski er ekkert skrýtið að við
séum forvitin um það hvaðan fólk-
ið kemur sem við heyrum af í
fréttum, lesum um í blöðum eða
sjáum í sjónvarpi. Það er ekki allt-
af af einskærum ættfræðiáhuga
heldur þurfum við að gera okkur
mynd í huganum af því hvernig
var umhorfs þegar viðkomandi óx
úr grasi. Það getur sagt okkur svo
margt. Í frétt Sunnudagsblaðs
Morgunblaðsins á baksíðu um ný-
ráðna dagskrárstjóra RÚV kemur
fram að þau eru bæði úr Hólunum
í Efra-Breiðholti. Þar voru mörg
börn þegar þau voru að alast upp,
mikið líf og fjölbreytt mannlífs-
flóra. Verkefni dagskrárstjóranna
eru krefjandi og við sem látum
okkur annt um dagskrá útvarps
og sjónvarps hljótum að vona að
þessi bakgrunnur skili sér í við-
tækin í fjölbreyttu og lifandi efni
úr öllum áttum.
Snæfellingurinn Aron Krist-
jánsson, sem flestir telja Hafnfirð-
ing í húð og hár, tók að sér krefj-
andi starf í sumar þegar hann
gerðist þjálfari „strákanna okkar“
en hann segir það heiður að fá að
stýra liðinu og hann ætlar ekki að
bugast þótt oft sé engu líkara en
öll þjóðin sé í þjálfarahlutverki.
RABBIÐ
Hverfin og handboltinn
Eyrún Magnúsdóttir
Nú er skeggrætt af innanríkisráðherra og veðurfræðingum hvort spáð var nógu miklum stormi. En stormurinn var áþreifanlegur fyrir gluggaþvottamenn-
ina sem þrifu leifarnar af fellibylnum Sandy af rúðum háhýsisins við Höfðatorg. Sandy er stærsti fellibylur yfir Atlantshafi sem heimildir eru um og olli
næstmestu tjóni, einungis fellibylurinn Katrína árið 2005 tók stærri toll. Slegið hefur verið á að tjónið vestra nemi tvö þúsund milljörðum og atvinnulífið
hafi orðið fyrir búsifjum upp á fimm þúsund milljarða. Enda í fyrsta skipti sem kauphöllin í New York er lokuð í tvo daga frá hryðjuverkaárásunum í
september árið 2001. Sumir halda því fram að Sandy hafi lagt sitt lóð á vogarskálarnar í forsetakosningunum, því Obama fékk tækifæri til að bregða sér í
hlutverk landsföður á ögurstundu í kosningaslagnum. Og nýtti það vel. Engu er að treysta. Á meðan annar skefur saltið af rúðunum við Höfðatorg gáir
hinn til veðurs. Ekki fylgir sögunni hvort hann sér örla fyrir storminum sem gekk á land á Norðvesturlandi á föstudag.
AUGNABLIKIÐ
Morgunblaðið/RAX
ALLT Í SALTI
LEIFARNAR AF FELLIBYLNUM SANDY ÞVEGNAR AF RÚÐUNUM VIÐ HÖFÐATORG. SANDY ER EINN DÝRASTI
FELLIBYLUR SÖGUNNAR OG EF TIL VILL GERÐI HÚN ÚTSLAGIÐ Í FORSETAKOSNINGUNUM VESTRA.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Tónleikar
Hvar? Græni hatturinn
Hvenær? Laugardagur kl. 22
Nánar Ljótu hálfvitarnir halda norður
og heyrst hefur að lag verði frumflutt.
Ljótir hálfvitar
Hvað? Fitness-sýning
Hvar? Íþróttahúsið Varmá í Mosfellsbæ
Hvenær? Alla helgina
Nánar Sjáðu mótaða vöðva, smakkaðu
bætiefni, prófaðu nýjustu tækin og
hlýddu á uppistand Ara Eldjárns.
Fitt og flott
Í fókus
VIÐBURÐIR HELGARINNAR
Hvað? Einleikskabarett
Hvar? Þjóðleikhúsið, Kjallarinn
Hvenær? Laugardagur kl. 22 og Sunnu-
dagur kl. 20
Nánar Ólafía Hrönn leikur undir tón-
um Tómasar R. Hilmir Snær leikstýrir.
Djassverk í Kjallaranum
Hvað? Fjölskyldu-
leiksýning um Æv-
intýri Múnkhásens.
Hvar? Gaflaraleik-
húsið í Hafnarfirði
Hvenær? Sunnudag-
ur kl. 14 og 17.
Nánar: Tilvalið fyrir börn frá fimm ára
aldri.
Lygalaupur á sviði
Hvað? Orgeltónleikar
Hvar? Hallgrímskirkja
Hvenær? Kl. 12.
Nánar Síðustu tónleikar kirkjuársins.
Ókeypis inn.
Hádegistónleikar
Hvað? Teiknimyndin Wreck it Ralph.
Hvar? Í fjölmörgum kvikmyndahúsum.
Hvenær? Alla helgina
á ýmsum tímum.
Nánar Þú finnur
bæði miða á midi.is og
sambio.is.
Eyddu því Ralf
* Forsíðumyndina tók Golli