Morgunblaðið - Sunnudagur - 11.11.2012, Qupperneq 20

*Heilsa og hreyfingEf huga á að heilsunni skal velja fitumikinn fisk eins og lax og silung sem er ríkur af omega 3 »23
Þ
að var alltaf verið að spyrja hvort
við værum ekki með ballett fyrir
eldri nemendur, bæði þá sem höfðu
verið áður í ballet og eins aðra sem
vildu koma og prófa, svo ég sló þessu svo-
lítið saman,“ segir Ásta Björnsdóttir, skóla-
stjóri Balletskóla Sigríðar Ármann. Er
þetta fjórða árið í röð sem skólinn býður
upp á kennslu í ballett fyr-
ir fullorðna við miklar vin-
sældir.
„Ég kalla þetta „Ball-
ettgleði“ en hingað mæta
yfirleitt á annan tug
kvenna, á milli 17 ára og
fimmtugs, tvisvar sinnum í
viku og læra klassískan
ballett, undir leiðsögn
reynds kennara,“ segir
Ásta. Kennt er alla mánudaga og miðviku-
daga og fer kennslan fram á kvöldin, kl.
20:40, eftir að búið er að koma ungviðinu í
ró þar sem það er og afgreiða aðrar skyld-
ur heima fyrir.
Klassískur ballett frá grunni
Á námskeiðinu er lagt upp úr að kenna
nemendunum klassískan ballett frá grunni.
„Þær gera þennan hefðbundna tíma, byrja
á upphitun og tæknilegum æfingum við
stöng. Síðan er farið út á gólf og gerðar
dansæfingar og aðrar æfingar þar. Þær
fara bara í gegnum þetta allt saman eins og
þeir sem byrja yngri,“ segir Ásta.
Hvað varðar búnað til ballett-iðkunar er
hann ekki flókinn en Ásta nefnir að þurfi
ballettskó. Hvað annan æfingaklæðnað
varðar segir hún flestar byrja á að mæta í
hefðbundnum íþróttafötum sem þær eigi
fyrir. „Sumar græja sig síðan upp með tím-
anum, fá sér t.d. ballettpils, ballett-
sokkabuxur eða -búning,“ segir hún en
nefnir jafnframt að slíkt sé ekki skylda.
Allsherjaráreynsla fyrir líkamann
En hvað fær maður út úr ballettinum?
„Ballettinn er í raun allsherjaráreynsla
fyrir líkamann,“ segir Ásta. „Dansinn reyn-
ir á samhæfingu fóta, handa og huga og því
á líkamann í heild. Síðan eru margar hérna
hérna einkum ánægjunnar vegna, þótt hægt
sé að fá heilmikið út úr þessu á sama tíma“.
Ásta segir hvergi slegið af á námskeiðinu
þótt nemendur séu misjafnlega langt komn-
ir en gleði ríki og mikið sé hlegið. „Þetta er
alveg alvöru og þær vilja læra og menntast.
En það er líka gaman hjá okkur,“ bæti hún
við létt í bragði.
Nemendurnir hita upp við slá undir öruggri leiðsögn kennarans, Önnu Kolfinnu Kuran. Hvergi er slegið af og mikill metnaður ríkjandi í bland við ánægju hreyfingarinnar við fagra tóna gömlu meistaranna.
Morgunblaðið/Árni Sæberg
ALDREI OF SEINT AÐ BYRJA
Ballett fyrir
fullorðna
Í SKIPHOLTIÐ MÆTA VASKAR KONUR Á ÖLLUM ALDRI
TVISVAR SINNUM Í VIKU TIL AÐ DANSA BALLETT. AF ÞEIM
AÐ DÆMA ER LJÓST AÐ BALLETTDRAUMAR ÞURFA EKKI
AÐ VERA FYRIR BÍ ÞÓTT FÓLK SÉ KOMIÐ AF YNGSTA SKEIÐI.
Gunnhildur Ásta Guðmundsdóttir gunnhildur@mbl.is
Ása
Björnsdóttir
Anna Kolfinna Kuran sér um kennslu elsta
hópsins í Balletskólanum. Ber hún nemend-
unum þar afar vel söguna og segir þá standa
sig vel.
„Þær eru ótrúlega duglegar að mæta og
samviskusamar,“ segir hún um hópinn. Bæt-
ir hún við að auk þess að vera metnaðar-
fullar séu konurnar einnig duglegar að halda
hver utan um aðra, minna á æfingar og þær
séu mjög hvetjandi, sem sé gaman að verða
vitni að.
Anna Kolfinna er sjálf þaulvanur ball-
ettdansari. Hún er útskrifuð frá Konunglega
danska ballettskólanum þar sem hún starf-
aði í kjölfarið um tíma. Eftir að hafa ferðast
um heiminn fluttist hún loks aftur til Íslands
og bætir nú við sig námi í samtímadansi við
Listaháskólann auk þess að kenna klassískan
ballett hjá Ástu.
„Ég legg áherslu á einfaldar æfingar, þ.e.
samsetningar í sporum og slíku. Ég vil frekar
að nemendurnir hugsi um öll hin atriðin
sem skipta svo miklu máli í ballett, s.s. að
hlusta á tónlistina, samhæfinguna, mismun-
andi áferð í hreyfingum og annað slíkt,“ seg-
ir hún um hvernig hún hagar kennslunni.
Spurð að því hvernig ballettinn geti nýst
nemendunum að hennar mati stendur ekki
á svari: „Þetta er náttúrlega mjög mikil hug-
arleikfimi ásamt því að vera líkamlegt, sem
ég held að geri öllum gott að einbeita sér að
á einn eða annan hátt. Síðan held ég að
þetta gefi þeim líka sjálfstraust en þær mæta
hérna fyrir sjálfar sig og engan annan.
Þetta er tími sem þær eiga bara fyrir sig
og þeim ótrúlega mikilvægur að ég held,“
bætir hún við. „Svo hefur myndast mikil vin-
átta á milli okkar allra, við hlæjum mjög
mikið og höfum gaman sem er svo
skemmtilegt – þótt ég sé líka stundum svo-
lítið ströng við þær,“ segir danskennarinn
Anna Kolfinna að lokum.
Anna Kolfinna gefur nemanda góð ráð en sjálf er hún þrautþjálfaður dansari í klassískum ballett.
Kennari úr konunglegum ballettskóla