Morgunblaðið - Sunnudagur - 11.11.2012, Blaðsíða 60

Sigur Glasgow Celtic á Barcelona á miðvikudaginn,2:1, var stór stund í sögu félagsins og skoska liðiðá skyndilega raunhæfa möguleika á að komast
upp úr riðlinum og í 16-liða úrslit. Fáir áttu von á því.
Það verður að viðurkennast að úrslitin voru með ólík-
indum miðað við gang leiksins. En enn einu sinni kom í
ljós, að allt er mögulegt í íþróttum. Ekki síst því göfuga
sporti, fótboltanum. Þar er aldrei á vísan að róa.
Samkvæmt tölfræði Knattspyrnusambands Evrópu,
UEFA, var boltinn „í leik“ sem kallað er, í alls 59,56
mín. af þeim 90 sem leikurinn stendur yfir. Í um það bil
hálftíma var hann því utan vallar, kyrr vegna horn- eða
aukaspyrnu, eða í höndum annars hvors markvarð-
arins.
Celtic var með boltann 18% fyrri hálfleiks en Barce-
lona 82%. Það eru ótrúlegar tölur en munurinn jókst
þó enn eftir hlé!
Í seinni hálfleik var Barcelona með boltann í 89%
tímans en heimaliðið 11%.
Barcelona var samtals með boltann í 53,05 mín. en
Celtic í 6,51 mín. Samkvæmt þessari opinberu töl-
fræði UEFA hafði Celtic því vald á boltanum í samtals
47 sekúndur í síðari hálfleik! Það dugði þó til þess að
skora eitt mark og vinna leikinn.
Til gamans má geta að þetta var ekki í fyrsta skipti
sem Norður-Írinn Neil Lennon, þjálfari Celtic, hrósar
sigri gegn Barcelona. Hann var leikmaður skoska
liðsins þegar það sló það spænska út úr UEFA
keppninni í 4. umferð veturinn 2003-2004. Celtic
vann annan leikinn 1:0 en hinn var markalaus.
Lionel Messi og
Xavi Hernandez
hjá Barcelona.EKKI NÓG AÐ VERA MEÐ
BOLTANN NÁNAST FRÁ
UPPHAFI TIL ENDA!
Ótrúleg tölfræði úr leiknum í Glasgow
Knattspyrnufélagið Glasgow Celtic erein merkasta menningarstofnunSkotlands. Því var komið á fót árið
1887 og 125 ára afmæli félagsins var fagn-
að á þriðjudaginn. Kvöldið eftir kom Barce-
lona í heimsókn í Meistaradeildinni, ef til
vill besta félagslið knattspyrnusögunnar, og
varð að játa sig sigrað gegn afmæl-
isbarninu. Höfðu Katalónarnir þó alls ekki í
huga að koma færandi hendi.
Tölfræðin í leiknum var Celtic vissulega
ekki í hag, en bestu einkenni skoskra
knattspyrnuliða skópu sögulegan sigur.
Skoskir leikmenn eru þekktir fyrir dugnað,
hugrekki og samheldni og fulltrúar Celtic
hafa líklega sjaldan staðið jafn þétt saman
og í leiknum á miðvikudaginn, í tvennum
skilningi. Í fyrsta lagi hugsuðu þeir allir
fyrst og fremst um liðsheildina, börðust
eins og ljón frá upphafi til enda, og líka má
halda fram með þokkalegri vissu
að aldrei hafi jafn lítið bil verið á milli jafn
margra leikmanna liðsins í jafn langan
tíma! Þeir voru nefnilega nánast allan tím-
ann í vörn, innan eða í námunda við eigin
vítateig.
Þegar Celtic varð Evrópumeistari vorið
1967, fyrst breskra liða, var enginn leik-
maður þess fæddur meira en 15 kílómetra
frá heimavelli félagsins. Það er lygileg stað-
reynd og óhugsandi í knattspyrnuheiminum
í dag. Skemmtilegasti samanburðurinn, sem
sýnir vel hve landslagið hefur breyst, er að
í byrjunarliðinu gegn Barcelona nú var að-
eins einn leikmaður Celtic fæddur innan
landamæra Skotlands: Charlie Mulgrew. Að
auki hófu leikinn þrír Englendingar, tveir
Walesbúar, Nígeríumaður, Grikki, Svíi, Ke-
nýumaður og Venesúeli. Ekki það að fæð-
ingarstaður skipti stuðningsmenn liða leng-
ur máli í sjálfu sér og ekki hefði verið
hægt að fara fram á meira frá þeim en í
þetta skipti. Skemmtilegur samanburður
engu að síður.
Celtic er lið kaþólskra í Glasgow borg.
Félagið nýtur raunar víðtæks stuðnings og
fyrir nokkrum árum var áætlað að það ætti
sér níu milljónir harðra áhangenda. Þar af
væri ein milljón búsett í Bandaríkjunum og
Kanada. Sem dæmi má nefna að starf-
ræktir eru meira en 160 stuðnings-
mannaklúbbar Celtic í yfir 20 löndum
Skotar hafa gríðarlegan áhuga á knatt-
spyrnu og þótt Celtic sé alla jafna talið
mun betra en andstæðingurinn flykkist fólk
á völlinn. Keppnistímabilið 2010-2011 var
áhorfendafjöldinn á heimaleikjum Celtic að
meðaltali sá 12. mesti í Evrópu. Celtic Park
tekur 60.832 áhorfendur í sæti og yfirleitt
er uppselt og stemningin jafnan stórkostleg.
Aðeins einn félagsliðsvöllur á Bretlands-
eyjum rúmar fleiri áhorfendur, Old Traf-
ford, heimavöllur Manchester United.
Leikmenn Celtic fagna
marki Tony Watt (fyrir
miðju), seinna marki
liðsins gegn Barcelona.
Neil Lennon,
þjálfari Celtic,
fagnar sigrinum
gegn Barcelona.
Besta afmælisgjöfin
SKOSKA KNATTSPYRNUFÉLAGIÐ CELTIC Í GLASGOW VARÐ 125 ÁRA Á ÞRIÐJUDAGINN.
LEIKMENN LIÐSINS HÉLDU UPP Á ÞAÐ MEÐ SIGRI Á EINU BESTA LIÐI SÖGUNNAR.
AFP
* „Hver einasti atvinnumaður í knattspyrnu skyldi stefnaað því að spila að minnsta kosti einu sinni á Celtic Park.Ég hef aldrei upplifað annað eins.“
Paolo Maldini, goðsögn með AC Milan og ítalska landsliðinu
Boltinn
SKAPTI HALLGRÍMSSON
skapti@mbl.is
60 MORGUNBLAÐIÐ SUNNUDAGUR 11.11. 2012