Morgunblaðið - Sunnudagur - 23.12.2012, Blaðsíða 53

23.12. 2012 MORGUNBLAÐIÐ SUNNUDAGUR 53
Í hinu óvenjulega sýn-
ingarými Gallerí Skilti að
Dugguvogi 3 verður á laug-
ardag kl. 17-19 opnuð sýning
á „Vörðu“ eftir Guðjón Ketilsson
myndlistarmann. Verkið er sett upp á
skilti við innganginn í húsið.
2
Vegfarendum í miðborginni
sem leggja leið sína um
Tryggvagötu býðst að sjá
sýningu Söru Björns-
dóttur, HA, inn um glugga Listasafns
Reykjavíkur frá kl. 17 til 24. Um er að
ræða innsetningu þar sem Sara leysir
upp hið fasta rými A-salarins með lif-
andi myndum af rýminu sjálfu.
4
Jónas Sigurðsson og Óm-
ar Guðjónsson koma fram
á tónleikum á Hlemmi á laug-
ardag kl. 15. Er það liður í
tónleikaröðinni „Hangið á Hlemmi“,
þar sem gestum miðborgarinnar er
skemmt með lifandi tónlist.
5
Plötugrúskarar og poppunn-
endur eiga von á góðu á
laugardag því þá verður
markaður með nýjum ís-
lenskum vínylplötum á Kex Hosteli
milli kl. 13 og 20. Meðfram mark-
aðinum verða tónleikar, meðal ann-
ars með Snorra Helgasyni, Moses
Hightower, Ghostigital, Þóri Georg,
Prins Póló, Pascal Pinon og fleiri.
3
Bubbi Morthens heldur sína
árlegu Þorláksmessutónleika í
fyrsta skipti í Hörpu og hefjast
þeir kl. 22. Því má treysta að
kóngurinn taki mörg sín kunnustu lög
fyrir aðdáendur, en fyrir marga þá
syngur hann inn jólin þetta kvöld.
VIÐBURÐIR HELGARINNAR
1
Haukur Tómasson tónskáld samdiFléttu fyrir tvo kóra Hallgríms-kirkju, Mótettukórinn og Schola
cantorum, og Kammersveit Reykjavíkur sem
skipuð var sextán hljóðfæraleikurum. Hörður
Áskelsson stjórnaði flutningnum. Texti
verksins er samsettur úr ljóðum íslenskra
skálda, lífs og liðinna. Flutningur á verkinu á
Listahátíð í Reykjavík í fyrrasumar er nú
kominn út á tveimur diskum, hljóm- og
mynddiski.
„Textinn í verkinu er náttúruljóð íslenskra
skálda. Við erum svo heppin að eiga gíf-
urlegt magn af skáldskap um íslenska nátt-
úru sem ég sótti í,“ segir Haukur um Fléttu.
„Við undirbúning verksins las ég mikið af
ljóðum og valdi að lokum þrettán mislöng
ljóð. Þar af eru sex stutt eftir Sjón sem
mynda einskonar rauðan þráð gegnum verk-
ið. Hann á einnig eitt lengra ljóð en önnur
eru eftir Snorra Hjartarson, Stefán Hörð
Grímsson, Hannes Pétursson, Pétur Gunn-
arsson og Þorstein frá Hamri.“
Haukur segist hafa byrjað á því að velja
ljóðin en hann hafi jafnframt verið með
óljósa hugmynd um uppbyggingu tónlistar-
innar.
„Ég reyndi að raða ljóðunum þannig að
þau mynduðu heild og jafnframt eins konar
sögu. Þau fara gegnum árstíðirnar, eru um
gróandina í upphafi, eyðileggingu og myrkur
í miðju og fara loks aftur inn í birtuna.“
Hann segir ólíkt að semja verk sem ann-
ars vegar eru sungin og hins vegar verk sem
eingöngu eru leikin.
„Til dæmis reyndi ég að gæta þess að
textinn myndi heyrast og að línurnar væru
sæmilega sönghæfar. Síðan eru ýmiskonar
hugmyndir í ljóðunum sem óneitanlega lita
tónlistina og ég fæ innblástur úr. Það var
nóg af hugmyndum að vinna með í ljóðunum;
maður getur ekki látið tónlistina taka völdin
og fara í sína átt heldur þarf tónlistin alltaf
að hverfast um efnið,“ segir Haukur.
Verkið var flutt á Listahátíð fyrir einu og
hálfu ári, finnst tónskáldinu mikilvægt að fá
upptökuna gefna út í kjölfarið?
„Já. Upptakan er frá tónleikunum, hljóð
og mynd, og ég var afskaplega ánægður með
það hvað flutningurinn tókst vel. Það er ekki
algengt að tónleikaflutningur sé gefinn svona
út en þetta tókst mjög vel og ég er ánægður
með að verkið sé komið á svona aðgengilegt
form.“
Eins og heyra má standa kórar og tónlist-
armenn sig afskaplega vel og Haukur segist
strax á fyrstu æfingu hafa fengið á tilfinn-
inguna að flutningurinn yrði góður. „Og það
gekk eftir,“ segir hann.
FLÉTTA EFTIR HAUK TÓMASSON TÓNSKÁLD GEFIN ÚT
Tónverk með náttúruljóðum
ÚT ER KOMINN Á HLJÓÐ- OG
MYNDDISKUM FLUTNINGUR
TVEGGJA KÓRA OG HLJÓMSVEITAR
Á FLÉTTU HAUKS TÓMASSONAR.
Einar Falur Ingólfsson efi@mbl.is
„Það var nóg af hugmyndum að vinna með í
ljóðunum,“ segir Haukur Tómasson tónskáld.
„Ég vildi hafa söguna eins og lesandinn fengi í hendur myndaalbúm fjölskyldu sem hann þekkir ekki, færi að skoða það og tæki smám saman að bera
kennsl á og verða forvitinn um persónur sem kæmu aftur og aftur fyrir,“ segir Kristín Marja um Kantötu.
Morgunblaðið/Einar Falur