Morgunblaðið - 03.01.2013, Qupperneq 44

44 DÆGRADVÖL
MORGUNBLAÐIÐ FIMMTUDAGUR 3. JANÚAR 2013
Stjörnuspá
21. mars - 19. apríl 
Hrútur Þú finnur til löngunar til þess að
koma miklu í verk í náinni framtíð. Reyndu að
koma því þannig fyrir að þú hafir fullt fram að
færa og líka margt að þiggja.
20. apríl - 20. maí 
Naut Himintunglin líta til þín með velþóknun.
Margt gott blasir við á árinu. Þú átt eftir að
höndla hamingjuna innan fárra mánaða. Ein-
hver útlendingur er í spilinu hjá þér.
21. maí - 20. júní 
Tvíburar Þú vilt sjá árangur erfiðis þíns og þá
er ekki við neinn annan að tala en sjálfa/n
þig. Vertu óhrædd/ur og leggðu þitt af mörk-
um til að styðja gott málefni.
21. júní - 22. júlí 
Krabbi Hlustaðu á aðra segja sögur sínar.
Einhver þér nákominn er kominn að því að
ljóstra upp leyndarmáli aldarinnar.
23. júlí - 22. ágúst 
Ljón Láttu alla sektarkennd lönd og leið þótt
reynt sé að kenna þér um hvernig komið er í
viðkvæmu vandamáli. Hvernig væri að taka
fram dansskóna? Þú þarft ekki einu sinni að
hafa neinn til að dansa við.
23. ágúst - 22. sept. 
Meyja Dagurinn getur orðið mjög skemmti-
legur. En hálfnað er verk þá hafið er og vilji er
allt sem þarf til þess að þú náir árangri.
Njóttu listrænnar iðju.
23. sept. - 22. okt. 
Vog Þú ættir að reyna að komast eitthvað af-
síðis og njóta kyrrðar um sinn. Nýttu þér þína
eigin orku betur og hvíldu þig nóg.
23. okt. - 21. nóv.
Sporðdreki Alvarlegar samræður við maka
og nána vini koma hugsanlega lagi á eitthvað
sem á þér brennur. Ferðalög eru inni í mynd-
inni.
22. nóv. - 21. des.

Bogmaður Það er ekkert að því að aðstoða
samstarfsfólk sitt. Vertu bara róleg/ur og
sannaðu til að þú munt komast að hinu sanna
fyrr en seinna.
22. des. - 19. janúar 
Steingeit Nú er tíminn til þess að koma fjár-
málunum á hreint. Veistu hvar þú geymir
mikilvæga pappíra, svo skipt sé um umræðu-
efni? Ef ekki farðu þá að leita.
20. jan. - 18. febr. 
Vatnsberi Þú ert að velta fyrir þér hver þú
ert. Taktu þér tíma því að flas er ekki til fagn-
aðar. Sýndu öðrum samúð. Þú ert heppin/n í
ástum þessa mánuðina.
19. feb. - 20. mars

Fiskar Taktu enga áhættu að sinni. Ef þú tak-
markar þig ekki er hætta á því að þú farir út
af sporinu og að þér takist ekki það sem þú
ætlar þér. Sumarið mun verða mjög
skemmtilegt.
Í klípu
„SUMIR STJÓRNENDUR VILJA HAFA
HENDURNAR Í ÖLLU. EN ÉG SAGÐI
HONUM AÐ HÆTTA AÐ KÁFA Á MÉR.“
eftir Mike Baldwin eftir Jim Unger
„EF HANN Á EKKI PANTAÐAN TÍMA ÞÁ GET
ÉG EKKERT GERT FYRIR HANN.“
Hermann
Ferdinand
Hrólfur hræðilegi
Grettir
... þegar varir ykkar
mætast.
EINHVERNTÍMA MUNU MÝS
STJÓRNA HEIMINUM.
HVAÐ
GERIST
ÞÁ?
ÞÁ MUNUM VIÐ BÚA
Í HÚSUM FÓLKS
OG BORÐA OST!
ÞÚ
SEGIR
EKKI.
ÉG ÆTLA AÐ FÁ RÓTSTERKT, RAMMFALSKT,
TÁRAHVETJANDI, ELDSPÚANDI, HÁLSÞRENGJANDI OG
MAGAEYÐANDI SJÓRÆNINGJAROMM!
JÁ, ÉG ÆTLA AÐ FÁ ÞAÐ SAMA,
NEMA MEÐ MJÓLK Í STAÐINN
FYRIR SJÓRÆNINGJAROMMIÐ.
Víkverji fygldist að venju dolfall-inn með stórskotahríðinni á
gamlárskvöld. Hann er ekki góður í
flugeldasamanburðarfræðum og á
því erfitt með að bera gamlárskvöld
að þessu sinni saman við fyrri gaml-
árskvöld, en telur að fullyrða megi
að þó nokkurt púður hafi farið í hina
óskipulögðu flugeldasýningu ís-
lenskra heimila að þessu sinni.
x x x
Þótt Víkverji sé hrifnæmur verðurhann að viðurkenna að honum
stendur aldrei alveg á sama þegar
skothríðin hefst. Hann er líka alltaf
jafn hissa á því að hann skuli ekki
verða var við prikaregnið þegar
prikin úr skoteldunum skila sér aft-
ur til jarðar. Miðað við flugeldafjöld-
ann ætti að vera útilokað að forðast
prikin og nóg var um þau á nýárs-
dagsmorgun. Flugelda verður að
umgangast af varkárni og hætt er
við slysum. Þessi áramót voru ekki
slysalaus frekar en fyrri og þó að
þessi aðvörunarorð birtist ekki fyrr
en að áramótum liðnum eru þau ekki
ástæðulaus því að þrettándinn er
eftir og þá má búast við að afgangar
af flugeldum verði hreinsaðir út.
x x x
Landkynning er eftirsótt. Í ferða-þjónustu þykir mikilvægt að
kynna landið út á við því auðvitað
kemur enginn til lands, sem hann
veit ekki að er til. Þó er ekki sama af
hvaða toga landkynningin er. Marg-
ir óttuðust að gosið í Eyjafjallajökli
yrði til þess að stöðva ferða-
mannastraum til landsins eins og
skrúfað hefði verið fyrir krana. Eftir
á að hyggja virðist þetta gos hafa
orðið til þess að auka strauminn. Í
gærkvöldi átti sér stað landkynning
í Bandaríkjunum. Þá voru sýndir
tveir sjónvarpsþættir þar og eftir
lýsingum að dæma kom fram að Ís-
land væri ólgandi suðupottur við það
að springa með ófyrirsjáanlegum af-
leiðingum fyrir heimsbyggðina. Í
umfjöllun um þá sagði að Ísland ætti
heima á kvíðavog ársins 2013. Vík-
verji veit ekki hvaða áhrif þessir
þættir munu hafa á ferðamanna-
strauminn til landsins, en eftir áhrif-
um gossins í Eyjafjallajökli að dæma
er óþarfi að hafa áhyggjur. Ferða-
menn eru óttalausir. víkverji@mbl.is
Víkverji
Orð dagsins: Kærleikurinn er lang-
lyndur, hann er góðviljaður. Kærleik-
urinn öfundar ekki. (I.Kor. 12, 4.)
Vantar þig heimasíðu?
Snjallvefir sem aðlaga sig að öllum skjástærðum.
Verð frá 14.900 kr. + vsk
Fyrirtæki með yfir 20 ára reynslu
Sími 553 0401
www.tonaflod.is
Ingólfur Ómar Ármannsson laum-ar að óhátíðlegri vísu:
Ég hef gengið grýtta slóð
gegnum svarkið flotið;
drukkið stíft og faðmað fljóð
freistinganna notið.
Á óðfræðivefnum Braga má finna
vísu um Hjört Laxdal, rakara á
Sauðárkróki (1908-1946), sem átti
sama afmælisdag og Stalín eða 21.
desember, en það var opinber af-
mælisdagur einræðisherrans í Sov-
étinu. Góður kunningi Hjartar var
Ludvik Kemp, vegavinnuverkstjóri
í Skagafirði, sem átti til þýðverskra
að telja og var af sumum talinn
hliðhollur Þjóðverjum. Friðardag-
inn 1. maí árið 1945 þegar sigur
bandamanna var í höfn og Hitler
dauður, sá Hjörtur ástæðu til að
fagna eins og fleiri. Þá kastaði
Kemp fram þessari vísu:
Sveiflað er fánum og sungið er lag
sefur nú enginn sem frjáls verður talinn:
blindfullir eru þeir báðir í dag
bartskeri Hjörtur og félagi Stalín.
Ekki líkaði Hirti vísan en treysti
sér ekki til að svara sjálfur.
Skömmu seinna hitti hann Stefán
Vagnsson og bað hann að bjarga
sér. Stefán spurði hvar Kemp væri
og taldi Hjörtur að hann væri í
vegagerð norður í Fljótum og ef-
laust þar á fylliríi. Orti þá Stefán:
Hitler er dauður og horfinn sem pest,
Himler tók eitur og dysjast í gjótum,
Quisling þeir hengja sem kött fyrir rest
en Kemp liggur blindfullur norður í
Fljótum.
Taldi Hjörtur þá vísuna um sig
fullborgaða enda mun það mála
sannast að fáar svarvísur hafi verið
ortar beittari. Bragi Jónsson, Hof-
túnum í Staðarsveit, títt nefndur
Refur bóndi, orti líka um Hitler:
Illt hann gerði af sér nóg
öllum heimsins þjóðum.
Hitler sínum djöfli dó
og dansar á vítisglóðum.
Stefán Stefánsson frá Móskógum
á Bökkum orti um Stalín:
Jónas gamli fúll og forn
fallinn er í valinn.
Brennimerktur á bæði horn
bræðrunum Kölska og Stalín.
Og Björn Ingólfsson telur Stalín
vel brúklegan í limru:
Í ritarastarfi hjá Stalín
var stúlka sem kölluð var Malín
og gaf undir fót
þeim grálynda þrjót
og hí- klæddist alltaf í alín.
Pétur Blöndal
pebl@mbl.is
Vísnahornið
Af freistingunum, kölska,
Hitler og Stalín