Morgunblaðið - 09.01.2013, Qupperneq 20

20 FRÉTTIRErlent
MORGUNBLAÐIÐ MIÐVIKUDAGUR 9. JANÚAR 2013
2.000 kr.
stykkið
PÚÐAVER Á TILBOÐI
Álnabær
Allt fyrir gluggann… úrval, gæði og þjónusta.
Síðumúla 32, Reykjavík ▪ Tjarnargötu 17, Keflavík ▪ Glerárgötu 32, Akureyri
alnabaer.is ▪ Opnunartími: mán -fös 11-18
Borgið
2 fáið 3
Kristján Jónsson
kjon@mbl.is
Öflugasta hitabylgja í manna minn-
um og sterkir vindar herja enn í suð-
austurhluta Ástralíu, þegar hafa
þúsundir hektara af gróðurlendi
brunnið. Engin dauðsföll hafa verið
staðfest. Enn er þó saknað um 100
manna á eynni Tasmaníu þar sem
víða logar en talið er að fólkið sé
flest eða allt ferðamenn sem séu fyr-
ir löngu farnir af svæðinu.
Gefin hefur verið út viðvörun fyrir
New South Wales, fjölmennasta
sambandsríki Ástralíu, og fólki sagt
að vera vel á verði. Aðeins höfðu í
gær borist fregnir af einu húsi sem
hafði brunnið í ríkinu. En horfurnar
voru ekki góðar og slökkviliðsmenn
bjuggu sig í gær undir langa nótt.
„Aðstæður geta ekki verið verri en
þetta, við erum við hamfarastig,“
sagði Shane Fitzsimmons, einn af
yfirmönnum slökkviliðsmála í millj-
ónaborginni Sydney. Kaldara loft
væri að vísu á leiðinni úr suðri en
það færðist hægt inn yfir landið.
„Enn verða aðstæður mjög slæmar í
marga klukkutíma [í New South
Wales]. Þá er ég aðeins að tala um
næstu nótt.“
Þúsundir slökkviliðsmanna eru í
viðbragðsstöðu og um 70 flugvélar
sem notaðar eru m.a. til að varpa
vatni á eldana til að reyna að hefta
útbreiðsluna. Fjögur svæði í New
South Wales hafa verið lýst ham-
farasvæði sem þýðir að ekki sé hægt
að ráða við eldana sem breiðast þar
hratt út vegna þess hve vindur er
mikill, íbúar verða að flýja heimili
sín. Borgarstjórinn í Shoalhaven,
einu af úthverfum Sydney og vin-
sælum strandbæ, sagði að svæðið
allt væri eins og „púðurtunna“.
Í Victoria-ríki hafa um 7.000 hekt-
arar skógræktarsvæðis eyðilagst í
eldi sem nú ógnar þéttbýli. Vitað var
um tvö hús sem höfðu brunnið. Á
Tasmaníu brenna enn tugir kjarr-
elda. Um 20 þúsund hektarar hafa
þar brunnið og um 100 hús eyði-
lagst.
Ekkert lát á
hitabylgjunni
í Ástralíu
 Svæði við Sydney líkt við púðurtunnu
AFP
Ógn Reykur stígur upp frá kjarreldum við Green Point í New South Wales,
fjölmennasta sambandsríkinu í Ástralíu, í gær.
Yfir 40 gráðu hiti
» Meðalhitinn í Ástralíu hef-
ur verið yfir 39 gráðum á Cel-
síus síðustu daga og fór yfir
40 gráður í Sydney. Spáð er
43 gráðu hita næstu daga.
» Fólki á hættusvæðum hef-
ur verið skipað að yfirgefa
heimili sín.
» Julia Gillard forsætisráð-
herra hefur heimsótt verst
leiknu svæðin.
Kristján Jónsson
kjon@mbl.is
Tveir af fimm
Indverjum sem
nú eru fyrir rétti
í Nýju-Delí, sak-
aðir um að
nauðga fyrir
þrem vikum
ungri konu í
strætisvagni og
misþyrma henni
svo að hún lést,
ætla að vísa öll-
um ákærum á bug, að sögn lög-
manna þeirra í gær. Sjötti maðurinn
er sennilega sautján ára og verður
fjallað um mál hans hjá sérstökum
dómstóli fyrir unglinga, að sögn
AFP-fréttastofunnar.
Málið hefur valdið mikilli ólgu í
landinu og ýtt undir kröfur um að
lögreglan taki fast á nauðgurum.
Ummæli þekktra karla hafa enn
aukið reiðina. Asharam, þekktur
trúarleiðtogi hindúa, segir að unga
konan sem lést hefði getað komið í
veg fyrir glæpinn með því að biðjast
vægðar. Ábyrgðin liggi ekki síður
hjá henni en nauðgurunum. Asha-
ram, sem einnig gengur undir nafn-
inu Bapu (faðir), á sér marga fylg-
ismenn.
„Þessi harmleikur hefði ekki
orðið ef hún hefði kallað nafn guðs
og fleygt sér fyrir fætur árásar-
mannanna. Það voru ekki bara þeir
sem breyttu rangt,“ sagði Asharam.
Menning „sem líður ofbeldi“
Fleiri áhrifamenn hafa tekið
upp hanskann fyrir nauðgarana. Til
dæmis sagði þingmaðurinn Abhijit
Mukherjee í desember að konur
sem tækju þátt í mótmælum gegn
hópnauðguninni væru eins og gaml-
ir bílar sem hefðu farið margoft í
viðgerð.
Dagblaðið The Hindu fordæmdi
í gær þessi ummæli í leiðara. Stjórn-
málamenn frá bæði stjórnarflokkum
og stjórnarandstöðu voru sagðir
hafa látið í ljós kvenfyrirlitningu í
tengslum við málið og með þeirri
áherslu sem báðir flokkar hafa lagt
á að konur starfi ekki utan heimilis.
„Hugmyndir þeirra um ákjós-
anlegt samfélag virðast eiga rætur
sínar í sömu fordómum og hafa fætt
af sér menningu sem líður ofbeldi
gagnvart konum. Atvikið í Nýju-
Delí er nýjasta birtingarmynd
þess.“
Karlremba og margvíslegur
hrottaskapur í garð kvenna eru afar
útbreidd í landinu að sögn margra
heimildarmanna en fram til þessa
hefur lítið verið fjallað um vandann
opinberlega. Ungar konur í stór-
borgum eru yfirleitt mjög smeykar
við að ganga einar á götum úti enda
hópnauðganir afar algengar og
sjaldgæft að óbótamönnunum sé
refsað. En opinberar tölur sýna að
skráðum nauðgunum fjölgaði úr
2.487 fyrir um fjörutíu árum í 24.206
árið 2011.
 Þekktur trúarleiðtogi hindúa segir konu sem nauðgað
var í Nýju-Delí hafa átt að biðja árásarmenn um miskunn
AFP
Mótmæli Indverjar við minningarreit um fórnarlamb nauðgara sem hópur manna réðst á í strætisvagni í desember
og misþyrmdi svo illa að konan lést síðar af sárum sínum. Margir krefjast þess nú að óbótamennirnir verði hengdir.
Áhrifamenn kenna fórn-
arlömbum um nauðganir
Mótmæli víðar
» Undanfarnar vikur hafa
verið mótmæli í Nepal þar sem
þess er krafist að stjórnvöld
bregðist við ofbeldinu. Nýlega
var fullyrt að lögreglumaður
hefði nauðgað erlendri konu.
» Ætlunin er að húðstrýkja
15 ára stúlku á Maldíveyjum
fyrir að hafa átt samræði við
karlmann. Áður hefur komið
fram að stjúpfaðir hennar
nauðgaði henni margsinnis.
Asharam
Lögreglan í Chi-
cago hefur hafið
morðrannsókn
vegna andláts
Urooj Khans, 46
ára gamals
manns, í fyrra en
skömmu áður
hafði hann unnið
milljón dollara,
nær 130 milljónir
króna, í lottó. Nú
er komið í ljós að Khan dó úr blá-
sýrueitrun.
Khan, sem var kvæntur og átti
dóttur, rak nokkrar efnalaugar.
Hann ákvað að taka alla fjárhæðina
út strax og var um að ræða 425 þús-
und dollara eftir skatt. Er hann lést
20. júlí var talið að ástæðan væri
æðasjúkdómur en samt kannað
hvort hann hefði neytt eiturlyfja
eða dáið af völdum kolmónoxíðs -
en ekki blásýru. kjon@mbl.is
Var lottóvinnings-
hafinn Khan myrtur
með blásýru?
Urooj Khan
BANDARÍKIN