Morgunblaðið - Sunnudagur - 27.01.2013, Blaðsíða 8

Fréttamaðurinn Andri Ólafsson
og Bryndís Sigurðardóttir, vöru-
stjóri hjá Gagnaveitu Reykjavík-
ur, eignuðust stúlku á dögunum.
Er þetta þeirra fyrsta barn en
stúlkan vó 13 merkur og var 50
cm að lengd en hún fæddist 18.
janúar.
Svo skemmtilega vildi til að
stúlkan ákvað að mæta í heiminn
á afar táknrænni stundu fyrir föð-
urinn. Hún kom í heiminn á slag-
inu 18.30 – um leið og kvöld-
fréttatími Stöðvar 2 hófst en á
þeirri stundu er Andri vanur að
vera við vinnu og flytja lands-
mönnum fréttir af líðandi stundu. Bryndís Sigurðardóttir og Andri Ólafsson.
Skemmti-
leg tíma-
setning
Vettvangur
8 MORGUNBLAÐIÐ SUNNUDAGUR 27.1. 2013
Samþykkt hefur verið á Alþingi rammaáætlun,sem kveður á um nýtingu orkulinda. Hið já-kvæða við rammaáætlun er að með henni
eru ákvarðanir um virkjanir settar í markvissara
ferli en verið hefur og þeim sem fara með ákvörð-
unarvald gert nauðsynlegt að skoða kosti og galla
með skipulegri hætti en áður hefur tíðkast. Því ber
að fagna. Eftir sitja hins vegar ýmsir sárir en ekki
sáttir, til að mynda þeir sem unna náttúruperlum á
Reykjanesskaga.
Nokkuð var tekist á um rammaáætlun. Sumir
hefðu viljað koma fleiri náttúruperlum í vernd en
gert var ráð fyrir í áætluninni. Aðrir hefðu viljað
rýmri heimildir til virkjana. Hinum síðarnefnda
hópi varð tíðrætt um að þörf væri á „faglegri vinnu-
brögðum“ en nú væri boðið upp á og vísuðu þá til
þess að stjórnmálamenn á Alþingi hefðu takmark-
að þá virkjunarmöguleika sem áður hefðu verið
lagðir fram. Slíkt væri ólíðandi og ófaglegt!
En hvar liggja landamærin á milli fagmennsku
og stjórnmála? Eru þessi landamæri skýr? Er fag-
mennskan ópólitísk? Að hvaða marki er hún háð
tíðarandanum? Getur pólitík ekki verið fagleg?
Við viljum hafa aðgang að sérfróðu kunnáttufólki
til að benda á staðreyndir sem okkur eru ekki endi-
lega ljósar; fólki sem kann öðrum betur, sérhæf-
ingar sinnar vegna, að setja á vogarskálar rök með
og á móti, greina kosti og galla, sjá framvinduna
fyrir sér. Þess vegna er vísað til þess sem fagfólks.
En hvað um aðra þætti? Hvað um skynbragðið sem
við berum á náttúruna og fegurð hennar, jafnvel
væntumþykju í hennar garð? Sigríður í Brattholti
sem kom í veg fyrir virkjun Gullfoss á sínum tíma
bjó í námunda við fossinn. Hún var kannski ekki
fagmaður í nútímaskilningi þess orðs, en þekkti
fossinn eflaust betur en flestir. Sennilega var það
þó ekki af faglegum ástæðum sem Sigríður í Bratt-
holti hótaði að fyrirfara sér í fossinum, ef hann yrði
virkjaður, heldur einfaldlega vegna væntumþykju í
garð þessa granna síns. Sennilega hefur lítið verið
farið að hugsa um arðsemi af ferðmennsku á henn-
ar dögum þótt þar hefði að sönnu mátt finna „fag-
leg“ rök fyrir náttúruvernd.
Mér bíður í grun að Sigríður í Brattholti hafi ein-
faldlega ekki getað hugsað sér að þessari nátt-
úruperlu yrði fórnað. Faglegt eða ófaglegt? Var
hótun Sigríðar fagleg eða pólitísk?
Og í framhaldinu hljótum við að spyrja hvort nýt-
ingu auðlinda sé hægt að skipuleggja með reglu-
stikuna og vasareikni að vopni, eða eiga ef til vill
fleiri sjónarmið upp á pallborðið? Þarf ekki nýting
náttúrunnar að taka mið af því að ef hin „faglegu“
sjónarmið virkjanasinna hefðu engri andstöðu
mætt þá ættum við engan Gullfoss? Þess vegna
eiga mörg sjónmið að vera til staðar við alla ákvarð-
anatöku um nýtingu náttúrunnar. Staðreyndin er
sú að enn þann dag í dag erum við að taka ákvarð-
anir um nýtingu á alltof veikum og þröngsýnum
grunni. Ég hygg að eftir 100 ár muni tíðarandinn
fremur álíta að alltof veik fagleg rök hafi verið fyrir
fjölda virkjana sem rammaáætlun hefur enn að
geyma. Og eru þá ótalin hin svokölluðu ófaglegu
rök væntumþykjunnar sem ef til vill hafa bjargað
fleiri náttúruperlum á Íslandi heldur en nokkur
faglegheit í gegnum áratuga baráttu náttúruvernd-
arfólks eins og Sigríðar í Brattholti.
Var Sigríður í Brattholti fagleg eða pólitísk?
*Ófagleg rök væntum-þykjunnar hafa bjargaðnáttúruperlum á Íslandi.
ÚR ÓLÍKUM ÁTTUM
Ögmundur Jónasson
ogmundur@althingi.is
Kynjahlutfallið í Gettu betur var til
umræðu í vikunni en í sjónvarps-
hluta spurn-
ingakeppni fram-
haldsskólanna er
kynjahlutfall kepp-
enda 23 strákar á
móti einni stelpu.
Stefán Pálsson
sagnfræðingur vakti athygli á þessu
upphaflega. Rit-
höfundurinn
Ágúst Borgþór
Sverrisson segir
á FB-síðu sinni:
„BTW, mér finnst
meira en eðlilegt og löngu tíma-
bært að huga að kynjahlutfalli í
Gettu betur.“ Blaðamaðurinn Jak-
ob Bjarnar Grétarsson tekur í ann-
an streng: „Við lifum á sturluðum
tímum og maður þykist öllu vanur
en þetta var ekki hægt að sjá fyrir;
að glórulaus hugmynd frá Stefáni
Pálssyni um kynjakvóta í Gettu bet-
ur yrði frétt dagsins.“
Skipulagsráð Reykjavíkurborgar
hafnaði nýlega umsókn sjónvarps-
kokksins Völundar Snæs Völund-
arsonar um leyfi til að hanna eldhús
og veitingasal á jarðhæð heimilis
síns við Bókhlöðustíg 2. Um þetta
spunnust fjör-
ugar umræður,
meðal annars á
facebooksíðu
Gísla Marteins
Baldurssonar.
„Það er þver-
girðingsháttur
hjá meirihlut-
anum að hafna
þessu erindi.
Þetta unga fólk er að flytja heim,
með reynslu af veitingahúsarekstri.
Þau kaupa og gera upp af miklum
metnaði hús sem hefur staðið
tómt neðst í Þingholtunum. Búa á
efri hæðinni og vilja opna lítinn
veitingastað í kjallaranum, þar sem
áratugum saman hefur verið ým-
iskonar þjónusta. Ég hélt að þetta
væri einmitt það sem við vildum í
borginni okkar! Ég vil að þau fái
leyfi til að opna þennan stað.“ Gísli
Marteinn uppskar
392 „like“ við
stöðuuppfærsluna
og Edda Björg-
vinsdóttir leik-
kona sagðist
gjarnan vilja fá
þennan veit-
ingastað í hverfið sitt. „101 verður
bara betra og meira aðlaðandi.“
AF NETINU
Íslenska lopapeysan er ítarlegt
umfjöllunarefni í grein sem
birtist í netútgáfu eins stærsta
dagblaðs Bandaríkjanna, Huff-
ington Post. Í greininni birtast
ótal myndir af ótal afbrigðum
lopapeysunnar auk fjölda
mynda af götulífinu í Reykja-
vík þar sem Íslendinga og er-
lenda ferðamenn í peysunni
ber fyrir augu.
Þá er stutt viðtal við Berg-
þóru Guðnadóttur og Jóel Páls-
son, eigendur Farmers Market
og þá er verslunin Geysir, sem
býður upp á breitt úrval af ull-
arvöru, sögð ein svalasta versl-
un Reykjavíkurborgar. Bergþóra Guðnadóttir og Jóel Pálsson hjá Farmers Market.
Bergþóra og Jóel
í Huffington Post