Morgunblaðið - Sunnudagur - 27.01.2013, Blaðsíða 38
*Föt og fylgihlutir Jakkar, kjólar, bolir og buxur með breiðum röndum í svörtu og hvítu verða áberandi í vor »40
Hvernig myndir þú lýsa þínum fatastíl?
Ég er mjög hrifin af stílhreinum, klassískum fötum. Þessa dagana verð
ég þó oft að láta þægindin ráða því við listgreinakennaranemarnir er-
um alltaf á hreyfingu. Fötin verða því að vera í samræmi við það.
Hver eru bestu fatakaupin þín? Vintage Burberry trench og ELM A-
line kápa
En þau verstu?
Úff … ég er með valminni, hef kosið að gleyma.
Hverju er mest af í fataskápnum?
Svörtum síðerma bolum, þeir ganga eiginlega við allt. Já ég veit frekar
leiðinlegt.
Hvað hefurðu helst í huga þegar þú velur þér föt?
Snið, númer 1,2 og 3.
Hvar kaupir þú helst föt?
Oftast nýti ég mér ferðir erlendis til þess að kaupa föt en svo á ég
marga flotta vini sem eru hönnuðir og þegar ég hef efni á þá kaupi ég
af þeim. Þar má nefna Thelmu, GowithJan og Dúsu. Ég var mikill
aðdáandi ELM en þær eru því miður hættar. Eins finnst mér Ella ótrúlega
fallegt merki og Katrín María Káradóttir yfirhönnuður þar er mjög flott
kona, hönnun hennar er eins og teiknuð eftir draumum mínum.
Hver er flottasta búð sem þú hefur komið í?
Mér dettur ekkert í hug í augnablikinu en mér finnst hugmyndfræðin á bak
við ATMO og framkvæmdin mjög flott.
Hvaða þekkta andlit finnst þér með flottan stíl?
Dita Von Teese, Vanessa Paradis, Tilda Swinton, Cate Blanchette, Vivi-
enne Westwod, Drew Barrymore, Maggie Gyllenhaal aaah ég
get haldið endalaust áfram …
Ef þú þyrftir ekki að kíkja á verðmiðann, hvaða flík eða
fylgihlut myndirðu kaupa þér?
COCO eða SUZY kjóla frá Ellu eða eitthvað frá Vivienne
Westwood. Svo langar mig alveg hrikalega í Selinn frá
Vík Prjónsdóttir (ekki beint flík en maður klæðir sig í
hann).
Áttu þér eitthvert gott stef, ráð eða mottó, þegar
kemur að fatakaupum?
Já, ég hef aldrei misst mig í tískubylgjum (þá er ég ekki
tala um vandræðalegheit unglingsáranna) þó að ég taki
vissulega inn strauma og stefnur. Ég reyni alltaf að ein-
blína á líkama minn og finna snið sem henta og eru
klæðileg. Ég horfi líka á efnið sjálft og reyni helst að
kaupa gæði.
Ef þú gætir sest upp í tímavél og farið á annað
tískutímabil, hvert myndirðu vilja fara?
1950 ekki spurning. Ég elska það tímabil í tísku og
ég verð að viðurkenna að ég er pínu föst þar. Mér finnst
líka förðunin á þeim tíma svo kvenleg og falleg.
Morgunblaðið/Styrmir Kári
Cate Blanchett er ein
af þeim sem líta betur
og betur út með hverj-
um deginum. Alltaf
glæsileg.
ATMO-húsið við Laugaveg
hýsir vörur margra ungra
íslenskra hönnuða.
Dita von Tesse vekur athygli hvar sem
hún fer fyrir einstakan stíl.
Sniðin
skipta
mestu máli
VIGDÍS MÁSDÓTTIR LEIKKONA, MAMMA OG
MEISTARANEMI VIÐ LHÍ SEGIST NÆRA ANDANN
Í NÁMINU OG SÆKJA SÉR FLEIRI VERKFÆRI TIL
AÐ GETA MIÐLAÐ AF LIST UM LIST. Í FATAVALI
RÁÐA ÞÆGINDIN OFT FÖR EN HÚN KÝS VEL
SNIÐNAR FLÍKUR SEM HENTA HENNAR LÍKAMA.
Eyrún Magnúsdóttir eyrun@mbl.is
VIGDÍS MÁSDÓTTIR LEIKKONA
Suzy-kjóllinn frá ELLA
er stílhreinn. Hann
fæst í verslun ELLA í
Ingólfsstræti og kost-
ar 50.000 kr.
AFP
Vivienne
Westwood
og hennar
hönnun vek-
ur jafnan at-
hygli fyrir
dirfsku og
litadýrð.