Morgunblaðið - Sunnudagur - 27.01.2013, Blaðsíða 18

Lj
ós
m
yn
d/
Bj
ör
n
Ó
la
fs
so
n
HREYFING OG ÚTIVIST Í ÍSLENSKRI NÁTTÚRU
Ótroðnar slóðir
á fjallaskíðum
ÍSLENDINGAR ÞURFA EKKI LENGUR AÐ GANGA NIÐUR
AF FALLEGUM FJALLSTINDUM. ÞAÐ MÁ EINFALDLEGA
RENNA SÉR NIÐUR Á SKÍÐUM. ÓLAFUR ÞÓR JÚLÍUSSON
STENDUR FYRIR NÁMSKEIÐI Á VEGUM ÍSLENSKRA
FJALLALEIÐSÖGUMANNA UM ÍÞRÓTT SEM NÝTUR
SÍVAXANDI VINSÆLDA.
Pétur Blöndal pebl@mbl.is
Æ
fleiri Íslendingar leggja
fyrir sig fjallaskíða-
mennsku, enda opnar hún
nýja möguleika í ósnort-
inni náttúru fjarri alfaraleið. Ólafur Þór
Júlíusson stendur fyrir nokkurra helga
námskeiði í fjallaskíðamennsku sem
hefst 16. febrúar og er það haldið á veg-
um Íslenskra fjallaleiðsögumanna.
Þar verður fólki kennt að renna sér
niður ósnortnar brekkur og einnig leið-
beint um skíðabúnað, öryggisþætti og
annað sem máli skiptir. Ferðast verður
vítt og breitt um landið á skemmtilega
staði til að spreyta sig á þessu skemmti-
lega útisporti. Námskeiðið er hugsað
fyrir góða og miðlungs svigskíðamenn
sem langar að blanda saman fjalla-
mennsku og skíðum.
„Þetta er til dæmis fólk sem hefur
gengið til fjalla og er orðið leitt á því að
labba niður flottustu skíðabrekkur
landsins, svo sem Snæfellsjökul,
Hvannadalshnjúk, Botnssúlur og Mósk-
arðsshnúka austast í Esjunni,“ segir
Ólafur.
Alltaf farið á fallegan fjallstind
Sjálfur kynntist Ólafur fjallaskíða-
mennsku í Flugbjörgunarsveitinni í
Reykjavík fyrir tuttugu árum og hefur
síðan stundað þessa íþrótt, bæði á fjalla-
skíðum og telemarkskíðum. „Ég hef far-
ið mikið á fjallaskíði, sótt námskeið í
fjallaskíðamennsku og verið mikið í
fjallamennsku og leiðsögn meðfram því,“
segir hann.
Markmið námskeiðsins er að skíða
sem flestar ósnortnar skíðabrekkur í
góðum snjó. „Það eru valdar fallegar
uppgönguleiðir, tignarlegir fjallstindar
og í leiðinni farið yfir grunntækni í
fjallaskíðamennsku, þ.e. leiðaval, mat á
snjóflóðahættu og hvernig á að skíða
ótroðnar brekkur,“ segir Ólafur. „Og
markmiðið er að fara alltaf á fallegan
fjallstind áður en fólk rennir sér niður.“
Það eru helst snjóflóðin sem ber að
varast. „Það gerum við með því að meta
snjóflóðahættu, réttu leiðarvali á fjallið
og auðvitað að meta hvar við rennum
okkur niður,“ segir hann. „En svo skipt-
ir öryggisbúnaðurinn miklu máli, sem er
hin heilaga þrenning, snjóflóðaýlir,
skófla og snjóflóðastöng. Ýlirinn sendir
stöðugt út merki og ef einn af ferða-
félögunum lendir undir snjóflóði, þá
geta hinir sett á móttöku og leitað að
honum. Snjóflóðastöngin hefur meira að
segja í þeirri leit en margir átta sig á.“
Ólympíufari og Everestfari
Námskeiðið byggist upp á sex ferðum
yfir veturinn. „Þegar við göngum til
fjalla og skíðum þá miðlum við fróðleik í
leiðinni, segir Ólafur. „Fyrsta kennslu-
helgin hefst í Hlíðarfjalli 16. febrúar.
Þar er aðalmarkmiðið að kenna hvernig
á að skíða utanbrautar. Tómas Leifsson,
tvöfaldur ólympíufari í alpagreinum,
verður með okkur þar. Fleiri koma að
námskeiðinu með mér, margreyndir
fjallaleiðsögumenn á borð við Helga
Benediktsson og Hallgrím Magnússon
Everestfara.“
Fólk þarf að koma sér sjálft upp bún-
aði fyrir námskeiðið, en skíðin, skórnir
og bindingarnar eru frábrugðin hefð-
bundnum skíðabúnaði. Skíðin eru léttari
og breiðari en venjuleg skíði, bindingar
lyfta hælnum á uppgöngunni og skinn
sem sett eru undir skíðin koma í veg
fyrir að þau renni. Þá eru fjallaskíða-
skórnir sambærilegir við venjulega
skíðaskó, nema botninn er líkari göngu-
skóm og hægt að festa mannbrodda
undir þá. Svo bætist öryggisbúnaðurinn
við, en hann er lánaður fyrsta árið.
„Vissulega kostar að koma sér upp
þessum búnaði en þetta er frábær fjár-
festing, ekki síst í góðri heilsu, gleði og
hamingju til framtíðar, segir Ólafur.
Þetta er annað árið sem námskeiðið
er haldið og stefnan er að standa fyrir
svona námskeiði á hverju ári. Auknar
vinsældir fjallaskíðamennsku hér heima
sem erlendis má skýra með því að þau
opna nýja vídd í fjallamennsku, sem
sameinar tvö áhugamál, skíði og fjalla-
mennsku í ósnortinni náttúru, að sögn
Ólafs. „Það er algengt að Íslendingar
fari utan í fjallaskíðaferðir, til dæmis í
Alpana. Eins er orðið algengt að erlend-
ir hópar vilji upplifa íslenska náttúru
með þessum hætti.“ Ólafur Þór Júlíusson leiðbeinir á námskeiðinu.
Ljósmynd/KMAACK
18 MORGUNBLAÐIÐ SUNNUDAGUR 27.1. 2013
Ferðalög og flakk