Morgunblaðið - 17.04.2013, Blaðsíða 13

FRÉTTIR 13Innlent
MORGUNBLAÐIÐ MIÐVIKUDAGUR 17. APRÍL 2013
Skærgræn slikja er nú við útfallið í
Elliðavatni, við norðanvert vatnið.
Ástæða þess er efni, sem hellt var í
salerni nokkurra húsa í grenndinni,
en grunur lék á að þau væru rangt
tengd þannig að úr þeim rann í
vatnið. Þessi grunur reyndist á rök-
um reistur og tengingarnar verða
lagfærðar innan tíðar. Græna efnið
er skaðlaust og brotnar fljótt niður.
Ábendingar bárust um að klóak
rynni út í vatnið. Þá var græna efn-
inu hellt í salerni þeirra húsa, sem
talin voru líkleg, efninu sturtað nið-
ur og fylgst með hvort það bærist
út í vatnið. Magn kólígerla hefur
aukist nokkuð í vatninu, en fólki
mun ekki stafa hætta af, skaðlaust
sé að vaða í vatninu, en fólki sé síð-
ur ráðlagt að synda á nákvæmlega
þessum stað.
Grænt salern-
isvatn rann í
Elliðavatn
Morgunblaðið/Árni Sæberg
Grænt Skærgræn slikja er við út-
fallið í norðanverðu Elliðavatni.
Steinþór Guðbjartsson
steinthor@mbl.is
Orri Vigfússon hefur komið upp að-
stöðu fyrir skíðafólk í Fljótum og býð-
ur upp á flug með þyrlu og skíðaferðir
á Tröllaskaga, þar sem hann leigir út
veiðiréttindi á sumrin. Þannig nýtir
hann húsnæði og svæði á veturna sem
hann leigir veiðimönnum í Fljótaá á
sumrin.
„Það hefur lengi blundað í mér að
koma upp aðstöðu fyrir skíðafólk á
svæðinu,“ segir Orri sem er ættaður
úr Fljótum og frá Siglufirði. „Fljótaá
er prýðileg laxveiðiá og einhver besta
bleikjuá á Íslandi,“ heldur hann áfram
og bætir við að á fáum stöðum sé
betra skíðasvæði hérlendis en einmitt í
grennd við ána.
Áhersla á öryggi
„Tröllaskaginn er ein paradís,“ segir
hann og vísar til þess að Tröllaskagi
hafi lengi verið vinsælt útivistarsvæði
á sumrin. „En þetta er ekki síður
paradís fyrir skíðafólk.“
Orri segir mikilvægt að nýta veiði-
húsin sem best og þetta sé kjörin leið
til þess auk þess sem þetta sé liður í
því að lengja ferðamannatímabilið.
Hann hafi fengið sérfræðinga frá
Bandaríkjunum og Austurríki til þess
að fara yfir öryggismál og meta til
dæmis hættu á snjóflóðum, og vinni
þetta á sama hátt og gert sé á sam-
bærilegum svæðum erlendis. Hann
bjóði upp á ferðir með þyrlu á fjalla-
tinda og síðan renni fólk sér niður á
skíðum. „Það eru ótal möguleikar á
skíðaleiðum, þetta byrjar vel og er
mjög spennandi,“ segir hann.
Paradís fyrir skíðafólk
Skíðasvæði Þyrlan í hlaðinu á bænum Deplu í Stífludal í Fljótum.
 Býður upp á flug með þyrlu og skíðaferðir á Tröllaskaga
„Það var bara nið-
urstaða okkar að
breyta þessu ekki
þar sem það er
svo stutt eftir af
ríkisstjórnar-
tímabilinu. Mér
fannst einhvern
veginn óþarfi að
gera sjálfa mig að
staðgengli for-
sætisráðherra
fyrir tvo mánuði,“ segir Katrín Jak-
obsdóttir, formaður Vinstrihreyfing-
arinnar – græns framboðs.
Fram kom í tilkynningu frá forsæt-
isráðuneytinu í gær að á meðan Jó-
hanna Sigurðardóttir forsætisráð-
herra væri stödd erlendis væri
Steingrímur J. Sigfússon, atvinnu-
vega- og nýsköpunarráðherra og for-
veri Katrínar á stóli formanns VG,
starfandi forsætisráðherra. Stein-
grímur leysti Jóhönnu allajafna af á
kjörtímabilinu við slíkar aðstæður á
meðan hann var formaður VG og þar
með annar oddviti ríkisstjórnarinnar.
„Það var bara okkar samkomulag
að hafa þetta svona fyrst það er svona
stutt eftir af kjörtímabilinu. Við
skiptum heldur ekki um sæti við rík-
isstjórnarborðið eins og við hefðum
annars átt að gera. Mér fannst það
bara einhvern veginn ekki taka því
fyrir tvo mánuði,“ segir hún.
Tók því ekki
að breyta fyrir
tvo mánuði
Katrín
Jakobsdóttir