Morgunblaðið - 17.04.2013, Blaðsíða 16

VIÐTAL
Heimir Snær Guðmundsson
heimirs@mbl.is
„Við leggjum mikla áherslu á að setja okkur
markmið til framtíðar og að farið verði að
hugsa til lengri tíma. Við viljum búa við stöð-
ugan grundvöll hér á landi, öðruvísi getum
við ekki farið að huga að hlutum sem okkur
langar til að gera eins og að bæta velferð-
arkerfið, menntakerfið og ýmislegt annað,“
segir Heiða Kristín Helgadóttir, stjórn-
arformaður Bjartrar framtíðar, um stefnu
flokkins. Heiða situr í öðru sæti á lista
flokksins í Reykjavík suður.
„Það eru göt víða og það stafar af því að
við erum í þessu efnahagsumhverfi, ann-
aðhvort erum við að græða rosalega mikið
eða tapa rosalega miklu. Við viljum fara að
beita talsvert meiri aga í efnahagsstjórnun.
Við viljum móta stefnu til framtíðar, hvert
tvið stefnum og hvert við ætlum að fara,“
segir Heiða Kristín.
Vilja klára aðildarviðræður
Aðspurð hvort Björt framtíð horfi til ESB
í leit að áðurnefndum stöðugleika segir
Heiða Kristín að innan flokksins sé vilji til að
útkljá málið og klára aðildarviðræður eins vel
og hægt er þannig að hægt sé að landa góð-
um samningi sem þjóðin geti tekið afstöðu
til.
„Þetta er eitt af þessum málum sem við
erum endalaust að rífast um án þess að vita í
raun hver endastöðin er. Þetta er eitt af
þeim málum sem við þurfum að klára og ef
við ætlum ekki í þessa átt þá þurfum við að
finna okkur aðra framtíðarsýn. Þá þurfum
við að fara að beita okkur verulegum aga í
efnahagsstjórninni og passa að fjárlög keyri
ekki alltaf 10-15% yfir áætlun. Einnig þyrfti
að koma til betri stýring á krónunni.“
Í þessu sambandi nefnir Heiða Kristín að
auka þurfi útflutning og verðmæti þeirrar
vöru sem flutt er úr landi. „Við erum í alltof
mikilli hrávöruframleiðslu. Við þurfum að
auka fjölbreytni í atvinnulífinu svo við séum
ekki aðeins að stóla á tvær atvinnugreinar,
áliðnað og sjávarútveg.“
Ýta undir skapandi iðnað
Í stefnuáherslum Bjartrar framtíðar má
sjá talað fyrir fjölbreyttri atvinnuuppbygg-
ingu með áherslu á skapandi greinar, græn-
an iðnað, tækni- og hugverkageirann og
ferðaþjónustu. „Við tókum m.a. þátt í því að
búa til fjárfestingaáætlun fyrir Ísland sem
ríkisstjórnin kynnti á kjörtímabilinu sem er
að líða. Okkur fannst áætlunin mikið fram-
faraskref. Við viljum taka þátt í málum sem
eru góð og gild og í fjárfestingaáætlun var
framlag til kvikmyndasjóðs m.a. tvöfaldað
auk þess sem hugað var að rannsóknar-
sjóðum. Við tölum fyrir því að bæta hag-
tölugerð fyrir skapandi iðnað, við þurfum að
átta okkur á því að þetta er atvinna, þetta er
iðnaður. Þarna eru skemmtileg störf sem
fólk vill vinna og við lítum einnig á það sem
verðmæti. Þar að auki skilar þetta miklu inn
í hagkerfið,“ segir Heiða Kristín um nauðsyn
þess að huga að grundvelli og innviðum
skapandi greina.
Nefnir hún að fulltrúar Bjartrar framtíðar
hafi verið á móti því að hækka álögur á
ferðaþjónustuna jafn bratt og ríkisstjórnin
lagði upp með á tímabili. „Fólk þarf að geta
gert plön. Það þarf að vera hægt að byggja
upp í ferðaþjónustunni og skapandi greinum
svo þar séu vel launuð og góð störf sem
skapi aukin verðmæti.“
Spurð um afstöðu Bjartrar framtíðar til
skattamála og hvort til greina komi að
hækka eða lækka skatta segir Heiða Kristín
að óábyrgt væri að lofa skattalækkunum
meðan ekki hafi tekist að loka fjárlagagatinu.
„Við erum opin fyrir því ef svigrúm skapast
að liðka fyrir ýmsu sem hefur verið komið á
einmitt til að loka fjárlagagatinu, t.a.m. varð-
andi auðlegðarskattinn og annan skatt sem
við teljum á gráu svæði. Við erum hlynnt
þessu þrepaskipta skattkerfi því það eykur
jöfnuð og er sanngjarnara kerfi fyrir þá sem
eru með lægri tekjur,“ segir Heiða Kristín
en bætti við að tekjumörk innan slíks kerfis
ættu ávallt að vera í endurskoðun og taka
mætti umræðu um hvenær þau væru réttlát
eða sanngjörn.
Þá segir Heiða að nauðsynlegt sé að ein-
falda skattaumhverfi fyrirtækja og Björt
framtíð vilji huga sérstaklega að skattaum-
hverfi minni fyrirtækja. Hún segir skattalög-
gjöfina í dag miðast að alltof miklu leyti við
allra stærstu fyrirtækin. Bæta þurfi rekstr-
arskilyrði minni fyrirtækja. „Rekstrarskilyrði
minni fyrirtækja eru töluvert erfið, sérstak-
lega þeirra sem eru að reyna að búa til verð-
mæti úr eigin hugverki eða sköpun.“
Stöðugleiki í stað skyndilausna
Skuldamál heimilanna hafa verið í brenni-
depli í kosningabaráttunni hingað til. Stjórn-
málaflokkarnir ganga mislangt í loforðum um
niðurfellingar skulda. Heiða Kristín segir að
Björt framtíð taki ekki þátt í slíku loforða-
kapphlaupi. Hún segir slík loforð ekki lýsa
ábyrgð og ekki vera til þess fallin að koma
þjóðinni á þann stað sem hún þurfi að kom-
ast á. Þess í stað vilji Björt framtíð skapa
stöðugleika til framtíðar í stað skyndilausna.
Heiða Kristín leggur þó áherslu á að Björt
framtíð sé meðvituð um skuldavanda margra
í samfélaginu. Hún er þó ekki viss um að
20% flöt skuldaniðurfelling leysi vanda venju-
legs fólks í greiðsluvanda. „Það myndi gera
meira fyrir venjulegt fólk ef hægt væri að
skapa skilyrði til að lækka matvöruverð, t.d.
með afnámi tolla, þannig væri hægt að skapa
meiri hagsæld.“
Í málflutningi Bjartrar framtíðar hefur
komið fram áhersla á breytt stjórnmál, betri
stjórnmálamenningu og jafnvel hafa fram-
bjóðendur sagt að stjórnmál geti og eigi að
vera skemmtileg. Heiða Kristín segir að
stjórnmál þurfi ekki að vera vettvangur
óleysanlegra átaka. Í mjög mörgum málum
hafi stjórnmálamenn sömu markmið en klæk-
ir og pólitískir leikir þvælist oft fyrir og sé
málum oft langt í frá til góða.
„Við erum frjálslyndur flokkur sem vill
treysta á einstaklinginn. Við erum ekki
kredduflokkur og ekki flokkur forsjárhyggju,
við viljum bara ganga hreint til verks og
treysta fólki fyrir sjálfu sér og þeim verk-
efnum sem þeim eru falin,“ segir Heiða
Kristín.
Vilja stöðugleika til framtíðar
 Björt framtíð vill hugsa til lengri tíma  Taka ekki þátt í loforðaflaumi  Ekki viss um að flöt 20%
niðurfelling skulda gagnist best  Vilja ýta undir fjölbreytni í atvinnulífinu og styðja skapandi greinar
Morgunblaðið/Árni Sæberg
Björt Heiða Kristín vill ýta undir sköpun og fjölbreytni í atvinnulífinu. Hún og félagar hennar
í Bjartri framtíð vilja skapa fyrirtækjum betri rekstrarskilyrði, þá sérstaklega þeim minni.
16
MORGUNBLAÐIÐ MIÐVIKUDAGUR 17. APRÍL 2013
Ellefu framboðslistar verða bornir
fram í öllum kjördæmum í komandi
alþingiskosningum þann 27. apríl
næstkomandi. Á fundi landskjör-
stjórnar í gær var gert kunnugt um
þá lista sem bornir verða fram í
kosningunum.
Á landsvísu munu eftirfarandi
framboð bjóða fram lista: Björt
framtíð (A-listi), Framsóknarflokk-
urinn (B-listi), Sjálfstæðisflokkur-
inn (D-listi), Hægri grænir (G-listi),
Flokkur heimilanna (I-listi), Regn-
boginn (J-listi), Lýðræðisvaktin (L-
listi), Samfylkingin (S-listi), Dögun
(T-listi), Vinstrihreyfingin - grænt
framboð (V-listi) og Píratar (Þ-
listi).
Fimmtán framboð í heildina
Þá munu fjögur framboð til við-
bótar bjóða fram í einstaka kjör-
dæmum. Þannig bjóða bæði Húm-
anistaflokkurinn (H-listi) og Al-
þýðufylkingin (R-listi) fram í báðum
Reykjavíkurkjördæmunum. Jafn-
framt býður Sturla Jónsson (K-listi)
fram í Reykjavíkurkjördæmi suður
og Landsbyggðarflokkurinn (M-
listi) býður fram í Norðvesturkjör-
dæmi. Því er ljóst að í heildina
munu fimmtán framboð bjóða fram
lista í komandi alþingiskosningum.
Samkvæmt upplýsingum frá
sýslumanninum í Reykjavík höfðu
5.163 manns kosið utankjörfundar á
landsvísu um hálf sexleytið í gær-
kvöldi. Þar af voru aðsend atkvæði
736 talsins. Þá hafa samtals 2.088
manns kosið utankjörfundar hjá
sýslumanninum í Reykjavík vegna
komandi kosninga. skulih@mbl.is
Morgunblaðið/Ómar
Fimmtán framboð
bjóða fram lista
 Rúmlega 5.000 utankjörfundaratkvæði