Morgunblaðið - 31.05.2013, Page 5

Ekkert stendur í vegi fyrir því að þeir
Króatar, sem flogið var með úr landi,
geti snúið aftur til Íslands. Kristín Völ-
undardóttir, forstjóri Útlendingastofn-
unar, segir að þeir geti til dæmis sótt
um dvalarleyfi hér líkt og aðrir sem
standa utan EES. „Það gildir jafnt um
alla. Hafi þau atvinnu og Vinnumála-
stofnun samþykkir umsókn þeirra þá er
þeim heimilt að koma aftur til landsins.“
ESB leysir ekki mál hælisleitenda
Innganga Króatíu í ESB 1. júlí næstkomandi
mun ekki leysa mál hælisleitendanna. Króatar
munu áfram hafa sömu stöðu og aðrir borgarar utan
EES við inngöngu Króatíu í ESB enda verður Króatía
ekki sjálfkrafa aðili að EES. Gera má ráð fyrir að samn-
ingurinn muni innihalda ákvæði um heimild íslenskra stjórn-
valda til að fresta tímabundið gildistöku regluverks EES um
frjálsa för fólks. mariamargret@mbl.is
Aflaskipið Sigurður VE 15 hefur verið
selt úr landi, samkvæmt heimildum
Morgunblaðsins. Skipinu verður siglt til
Esbjerg í Danmörku þar sem það verður
rifið. Kaupendur munu væntanlega
sækja Sigurð VE til Vestmannaeyja fljót-
lega eftir sjómannadag.
Sigurður VE hefur borið hátt í milljón
tonna afla að landi frá því skipið var smíðað í
Bremerhaven í Þýskalandi árið 1960. Togarinn
var smíðaður fyrir Ísfell á Flateyri sem var í eigu
Einars Sigurðssonar, Einars ríka. Margir kunnir
aflamenn hafa verið með Sigurð, m.a. Kristbjörn
Árnason, og sett mörg aflamet.
Sigurði var breytt í nótaskip 1973. Hraðfrystistöð Vest-
mannaeyja eignaðist skipið og fékk það einkennisstafina VE
15. Árið 1992 varð Ísfélag Vestmannaeyja eigandi Sigurðar VE
þegar Ísfélagið og Hraðfrystistöðin sameinuðust. gudni@mbl.is
„Verðið á veiðileyfum er að hrynja,
það heyrum við hjá þeim sem koma
hingað,“ segir Ólafur Vigfússon sem
rekur verslunina Veiðihornið við
Síðumúla í Reykjavík. Hann segir
mikið til af óseldum veiðileyfum og
mörg flott tilboð í boði. „Við teljum
marga eiga eftir að falla fyrir tilboð-
unum og skella sér í laxveiði í sumar í
góðu veðri.“ Laxveiðitímabilið hefst
af krafti í byrjun júní og þrátt fyrir
mikinn kulda á vormánuðunum virð-
ist sem bjartsýni veiðimanna sé að
aukast. „Þegar laxveiðin hefst og
menn eiga pantaða tíma í ám, fara
þeir að veiða hvort sem það er slæmt
veður eða ekki. Við sáum að margir
héldu að sér höndum í vetur en nú
með hækkandi sól eru menn í start-
holunum og eru farnir að skipuleggja
kaup á veiðileyfum sem eru mörg
hver á afar viðráðanlegu verði.“
Silungsveiðin vel af stað
Ólafur segir að þrátt fyrir kalt vor
hafi silungsveiðin farið vel af stað.
„Silungsveiði hefur verið mjög umtöl-
uð á Þingvöllum þar sem hafa fengist
mjög stórir fiskar auk þess sem sjó-
birtingur hefur verið að veiðast langt
fram eftir vori. Ástundun hefur verið
fín í ánum í Skaftafellssýslu en einnig
fyrir norðan í ám eins og Húseyj-
arkvísl og Litlá í Kelduhverfi. Vatna-
veiðin hefur sömuleiðis byrjað vel.“
Urriðarnir í Elliðavatni eru stærri en
áður auk þess sem Þingvallavatn hef-
ur gefið marga stóra fiska. Ólafur tel-
ur lágt hitastig í lofti ekki hafa nein
teljandi áhrif á lífríki fiskanna. Það
eina sem lágt hitastig gerir er að fólk
nennir ekki að stunda veiðina jafn-
mikið og ella og því hefur verið svolít-
ið minni ástundun en fyrri ár.
Gríðarleg aukning
í sjóstangaveiði
„Augu Íslendinga eru að opnast
fyrir sjóstangaveiði frá strönd. Þetta
er ódýrt sport og veiðimaðurinn þarf
í raun bara búnað og hann þarf ekki
að vera dýr,“ segir Ólafur.
Hann segir að margir séu farnir að
veiða sér ýsu, ufsa, steinbít og þorsk í
soðið með þessum hætti. Sumir hafa
fundið sér sinn leynistað meðfram
ströndinni þar sem vel hefur veiðst
og reyna þeir að halda þeim stað
leyndum fyrir öðrum. Mikilvægt sé
að velja staðinn af kostgæfni þegar
veiða á af ströndinni. Marga fína
staði sé jafnvel að finna frá Suð-
urnesjum alla leið upp í Hvalfjörð.
bmo@mbl.is
Veiðileyfin á við-
ráðanlegu verði
 Kalt vor dregur ekki úr veiði
 Sjóstangaveiði færist í aukana
Morgunblaðið/Golli
Veiðimennska Ólafur segir veiði-
sumarið lofa góðu þrátt fyrir kalda
vormánuði
heildstæðri skoðun á skólastarfinu í
tengslum við stofnun gæðaráðs fyrir
alla háskólana í landinu. „Þetta hefur
verið dýrmætt fyrir mig því ég hef
fengið innsýn í allt starf skólans á
styttri tíma en annars hefði gerst.
Búið er að greina styrkleika
skólans og hvað við get-
um gert betur og nú
er unnið að stefnu-
mótun til ársins
2018. Vinna
vetrarins er gott veganesti inn í það
starf sem framundan er.“
„Mér finnst skemmtilegt og ögr-
andi að vinna í því umhverfi að fá
fólk til náms og búsetu í háskóla í
dreifbýli á Íslandi þegar samfélagið
kallar fólkið í þéttbýlið. Ég skil að
það er mikill hvati fyrir fólk að fylgja
straumnum í þéttbýlið í stað þess að
greina hvað það langar til að gera og
hvað það vill fá út úr sínu námi.
Hugsanlega er það þess vegna sem
stærsti hluti nemendahóps okkar
kemur af suðvesturhorninu. Hér get-
ur nemandinn skapað sér náms-
umgjörð í hópi fólks sem vill og hefur
tök á því að prófa nýja hluti. Í því
felst ögrunin,“ segir Erla.
Háskólinn á Hólum starfar í þrem-
ur deildum. Langflestir nemend-
urnir eru í ferðamáladeild, 170 tals-
ins, sem býður upp á nám í
ferðamálafræði og viðburðastjórnun.
Flestir eru í fjarnámi og er fjölmenn-
asti hópurinn búsettur á höfuðborg-
arsvæðinu.
73 nemendur eru í hesta-
fræðideild og 21 í fisk-
eldis- og fiska-
líffræðideild,
margir í fram-
haldsnámi.
Erla segir að aðsókn að skólanum
sé vaxandi og útlit fyrir að fjöldi
nemenda verði svipaður og síðasta
vetur.
Langar stundum á sjó
Erla Björk var forstöðumaður
Varar - sjávarrannsóknarseturs við
Breiðafjörð áður en hún var skipuð
rektor Háskólans á Hólum. Hún seg-
ir að í Ólafsvík hafi orkan farið í að
byggja upp starfsemina. Það sé
óneitanlega áhugaverðara að hafa
svigrúm til þess að sækja fram en að
uppbygging sé byggð á aðhaldi.
„Þegar ég sé Skagafjörðinn
spegilsléttan sakna ég þess stundum
að ég sé ekki að fara á sjó,“ segir
Erla um muninn á þessum tveimur
störfum. Hún segist þó aðeins kom-
ast í rannsóknarvinnu á sjó í sumar
og einnig í smásjána þegar haldið
verður alþjóðlegt námskeið fyrir
doktorsnema í sjávarlíffræði.
Sautján áhugasamir doktorsnemar
koma heim að Hólum en fyrir tveim-
ur árum var norrænt námskeið af
þessu tagi haldið í Ólafsvík.
Helgi Bjarnason
helgi@mbl.is
„Þetta er ögrandi og skemmtilegt
starf. Ef það reyndi ekki á væri það
heldur ekki skemmtilegt,“ segir Erla
Björk Örnólfsdóttir, rektor Háskól-
ans á Hólum, sem í dag brautskráir
sína fyrstu nemendur að vori. Þar á
meðal eru fyrstu útskriftarnemend-
urnir með BS-próf úr nýju þriggja
ára reiðmennsku- og reiðkenn-
aranámi.
Erla tók við starfi rektors á síð-
asta ári og hefur staðið í ströngu
þennan fyrsta vetur við að tryggja
rekstur háskólans. „Við höfum náð
að halda sjó þetta árið en staða skól-
ans er enn mjög þröng,“ segir Erla.
Hún segir að starfsfólk skólans hafi
lagt á sig mikla vinnu við hagræð-
ingu sem hafi ásamt sérstakri fjár-
veitingu til eins árs náð að skila fjár-
hagsáætlun fyrir árið í ár í jafnvægi.
„Það kostaði skipulagsvinnu en hafði
ekki í för með sér miklar breytingar.
Það er aðhald á öllum sviðum og
meðal annars dregið úr viðhaldi,“
segir Erla.
Áframhaldandi barátta
Hún segir að áframhaldandi bar-
átta sé framundan. „Við erum ekki
komin fyrir vind. Áfram þarf að finna
lausnir og styrkja starfið til fram-
búðar. Starfsfólk Háskólans á Hól-
um vinnur mjög gott starf í þágu
skólans. Sú samheldni skiptir sköp-
um varðandi uppbyggingu starfs-
ins,“ segir hún.
Í vetur hefur einnig verið unnið að
Í hesthúsinu Erla Björk Örnólfsdóttir, rektor Háskólans á Hólum, og Vík-
ingur Gunnarsson, deildarstjóri hestafræðideildar, í góðum félagsskap.
Náðum að halda sjó
 Háskólinn á Hólum fer í gegnum naflaskoðun  Nýr rektor
setur mark sitt á starfið  Útskrifar sína fyrstu nemendur í dag
FRÉTTIR 5Innlent
MORGUNBLAÐIÐ FÖSTUDAGUR 31. MAÍ 2013
TELDU PUNKTANArauðu
Teldu rauðu punktana á þessari opnu
(á síðum 4 og 5 í þessu blaði) eða giskaðu á fjölda þeirra og skráðu töluna
á www.mbl.is/punktaleikur. Við drögum úr réttum svörum þann 3. júní
og þrír heppnir þátttakendur fá ríflega punktainneign á N1 kortið sitt.
Allir geta sótt um og fengið N1 kort.
Það kostar ekkert en ávinningurinn er mikill.
Hjá N1 getur þú greitt fyrir vörur og þjónustu með N1 punktum.
Hver punktur jafngildir 1 krónu í öllum viðskiptum við N1.
Safnaðu punktum á ferðalaginu í sumar á um
100 þjónustustöðvum vítt og breitt um landið.
1. verðlaun 100.000 punktar
2. verðlaun 75.000 punktar
3. verðlaun 50.000 punktar
„Okkur langaði að komast lengra með nemendur og vissum að það yrði
ekki gert nema með lengra og sérhæfðara námi,“ segir Víkingur Gunn-
arsson, deildarstjóri hestafræðideildar Háskólans á Hólum. Í dag útskrif-
ast fyrsti hópurinn úr nýju heildstæðu námi í reiðmennsku og reið-
kennslu með BS-próf eftir þriggja ára háskólanám.
Starfsfólk Hólaskóla og Háskólans á Hólum hafa verið að byggja upp
þetta nám í meira en áratug. Síðustu árin hefur verið diplomanám. Fyrsta
árið var skilgreint á framhaldsskólastigi, annað árið var á háskólastigi og
lauk því með prófi í tamningum. Nemendur gátu bætt einni önn við í dip-
lomanámi í reiðmennsku og reiðkennslu. Nýja námið leysir þetta af
hólmi. Námið er 180 einingar, allt á háskólastigi. Nemendur geta tekið
styttri námsbrautir og útskrifast með sérstök diplomapróf en Víkingur
segir að langflestir ljúki þriggja ára háskólanámi með BS-prófi.
„Námið er ennþá sérhæfðara í líffræði hestsins, reiðmennsku og reið-
kennslu, og unnt að kafa mun dýpra í einstök fræði. Nemendur verða fag-
lega sterkari til að takast á við þjálfun hesta og reiðkennslu. Þá hafa
nemendur sem lokið hafa BS-námi meiri möguleika á framhaldsnámi,“
segir Víkingur.
Hann segir að þörf fyrir fagfólk í reiðkennslu hafi aukist á síðustu ár-
um, bæði hérlendis og erlendis. „Það er mikil þörf fyrir fólk með þessa
þekkingu og getu.“
Kafað dýpra í hestafræðin
FAGLEGA STERKARI TIL AÐ TAKAST Á VIÐ ÞJÁLFUN HESTA
Sigurður VE seldur til
Danmerkur í niðurrif
Morgunblaðið/Kristján Kristjánsson
Sigurður VE Skipið var átta sinnum afla-
hæsti togari Íslands og einnig mjög afla-
sælt nótaskip.
Ljósmynd/Víkurfréttir
EES Semja þarf um frjálsa för fólks til Íslands.
Aðild Króatíu að ESB veitir ekki þau réttindi.
Geta komið aftur líkt
og aðrir utan EES