Morgunblaðið - Sunnudagur - 05.05.2013, Blaðsíða 8

8 MORGUNBLAÐIÐ SUNNUDAGUR 5.5. 2013
Núverandi ríkisstjórn lagði mikið upp úr þvíað ýmsar grundvallarbreytingar yrðugerðar innan stjórnsýslunnar, þar á með-
al á skipulagi Stjórnarráðsins. Lögum var breytt á
þá lund að hægt yrði að breyta ráðuneytum og
verkaskiptingu þeirra í milli án aðkomu Alþingis.
Um þetta var harkalega deilt á þingi. Mörgum
þótti þetta ótækt og haldnar voru fleiri ræður og
lengri en nokkur vill nú muna. Afgreiðsla á öðrum
málum frestaðist. Ríkisstjórnin taldi sig verða að
koma þessu gegn.
Stjórnarandstaðan taldi sig á hinn bóginn verða
að stöðva málið. Koma í veg fyrir þessa ósvinnu.
Það á að vera meira en að segja það að umturna
stjórnsýslunni, var sagt.
Stjórnarandstaðan hafði nokkuð til síns máls. En
hitt er líka rétt að stjórnsýslan má ekki staðna, hún
þarf að geta tekið breytingum, með tilliti til nýrra
aðstæðna, breyttra þarfa og nýrra viðfangsefna.
Þetta þarf þó að gerast með yfirveguðum hætti.
Þar kunna gagnrýnendur að hafa haft rétt fyrir
sér; að hraðinn hafi verið of mikill og ekki hugað
nægilega vel að þeim verkefnum sem voru undir.
Andstaðan varð ekki til þess að stöðva málið.
Lögum um Stjórnarráð Íslands var breytt og í kjöl-
farið var stofnanakerfinu breytt í veigamiklum at-
riðum. Ráðuneyti voru lögð niður eða sameinuð.
Sumt fór úrskeiðis, annað gekk bærilega og margt
gekk afbragðsvel og hefur skilað góðum árangri. Í
þeim tilfellum byggðust breytingar á skyn-
samlegum grunni og starfsfólkið var staðráðið í því
að láta dæmið ganga.
En hvað gerist nú að afloknum kosningum? Hin-
ar herskáu raddir stjórnarandstöðu sem sáu ÖLL-
UM breytingum ALLT til foráttu eru þagnaðar.
Ekki nóg með það. Nú heyri ég ekki betur en um
það sé rætt að breyta Stjórnarráðinu, verkaskipt-
ingu þar og skipulagi með einu pennastriki! Sundra
ráðuneytum að nýju. Og hvers vegna? Vegna þess
að skipulagið verði betra, stjórnsýslan markviss-
ari? Nei, talað er um að breyta vegna þess að það er
talið munu þjóna betur stundarhagsmunum við
stjórnarmyndun að hafa fleiri ráðuneyti en færri.
Þess vegna þurfi nú að fjölga ráðherrum.
Nú vill svo til að ráðuneyti er annað og meira en
bygging, annað og meira en reglugerð. Ráðuneyti
samanstendur af fólki – í sumum tilfellum of fáu
fólki − sem sinnir tilteknum verkefnum. Í tvö ár er
búið að vinna að því að móta nýja verkferla í nýjum
ráðuneytum, stokka allt kerfið upp, ráða fólk til til-
tekinna starfa, færa aðra til, sameina og samþætta.
Ég hef orðið var við að starfsfólk stjórnsýslunnar
fylgist náið með stjórnarmyndunarviðræðum og yf-
irlýsingum stjórnmálamanna um fá ráðuneyti eða
mörg, hvort fækka þurfi eða fjölga ráðherrum.
Taflmennskan í stjórnarmyndunarviðræðum
getur nefnilega haft afgerandi áhrif á allt gangverk
stjórnsýslunnar og þar með á líf og starf þess fólks
sem þar starfar.
Sjálfur tel ég að gera þurfi ýmsar breytingar á
Stjórnarráðinu. Slíkar breytingar kalla á yfirvegun
nú sem fyrr. En svo allir séu látnir njóta sann-
mælis, líka stjórnmálamenn, þá þarf að huga að því
að Stjórnarráðið sé þannig skipulagt að það svari
þörfum stjórnmálanna. Þegar allt kemur til alls
hafa ráðherrar lýðræðislegu hlutverki að gegna í
stjórnsýslunni sem handhafar framkvæmdavalds-
ins.
Eðlilegt er að hugað sé að því þegar verkaskipt-
ing innan Stjórnarráðsins er ákveðin.
Hagsmunir stjórnsýslu og stjórnmála
ÚR ÓLÍKUM ÁTTUM
Ögmundur Jónasson
ogmundur @althingi.is
Kosningar og þjóð-
mál áttu hug og
hjörtu fésbókar-
notenda eins og
við var að búast.
Silja Bára Óm-
arsdóttir, aðjunkt við HÍ, vakti at-
hygli á sérstökum fréttaflutningi af
kjörstað í stöðuuppfærslu í vikunni:
„Eitt af því sem vakti hvað mesta at-
hygli mína á kjördag var umfjöllun
Þórdísar Arnljótsdóttur um gömlu
konuna sem vildi láta son sinn að-
stoða sig við að greiða atkvæði. Sá
var eitthvað öfugsnúinn og kom í ljós
að það var vegna þess að sú gamla
ætlaði ekki að greiða réttum flokki
(að hans mati) atkvæði. Mig langar
að vita hvernig þetta var leyst – og
var miður mín yfir því að þetta væri
kynnt sem „skemmtileg saga af kjör-
stað“ því þetta er háalvarlegt mál.“
Fleiri voru hugsi í
kjölfar kosninga.
Elva Dögg
Melsteð, verkefn-
isstjóri í Hörpu,
hafði þetta að
segja: „Það hryggir
mig meira en allar mögulegar útgáfur
kosningaúrslita hvernig fólk talar um
annað fólk sem er annarrar skoð-
unar en það sjálft. Ég legg mikið upp
úr því að kenna börnunum mínum
umburðarlyndi og virðingu fyrir
öðru fólki, skoðunum þess og við-
horfi til lífsins sem ég tel vera einn
mikilvægasta eiginleika í samfélagi
manna. En mikið er það óendanlega
hryggjandi að lesa það sem fullorðið
(=þroskað og viti borið) fólk lætur
útúr sér um annað fólk á degi sem
þessum. Umburðarlyndi, virðing, ást
og friður kæru vinir. Reynum að
leggja rækt við þau góðu gildi.“
Ekki voru þó allir
með hugann við
kosningarnar. Þor-
grímur Þráins-
son rithöfundur
setti fram spurn-
ingar sem margir hugsa en þora ekki
að spyrja. „Er ekki hægt að koma
böndum á karlmenn sem nota al-
menningssalerni? Maður notar eitt
slíkt árla dags og það er þegar búið
að spræna all-over þótt morguninn
sé ekki hálfnaður. Haga menn sér
svona heima hjá sér? Eru menn með
rana sem þeir hafa enga stjórn á?
Karlmenn eiga að SITJA þegar þeir
létta á sér -- af tillitssemi við aðra.
Eða halda í sér þar til þeir koma
heim til sín þar sem þeir geta sprænt
í allar áttir.“
AF NETINU
Rokkstjarnan Dave Grohl, forsprakki Foo
Fighters og fyrrverandi trommari Nirvana,
segir í viðtali við tímarit breska flugfélags-
ins British Airways að Ísland sé eftirminni-
legasti staður sem hann hafi komið til.
Grohl, sem hefur ferðast um allan heim með
hljómsveitum sínum, segir að norðurljósin
hafi gert útslagið. „Landslagið á Íslandi er
einstakt. Það er eins og fallegasti staðurinn
á Mars. Þegar við vorum þar sáum við norð-
urljósin, þessar grænu agnir, sveima um
himininn og það var eins og að vera í ævin-
týri,“ segir Grohl. Hann segir einnig að
rokklífið sé frekar einfalt. Eina sem hann
krefjist baksviðs sé flaska af viskíi og
nokkrar bjórdósir.
AFP
Ísland eftirminnilegast
Dave Grohl spilaði hér á
landi 2005. Hefur ekki
gleymt landi og þjóð –
hvað þá norðurljósunum.
Vala Grand er orðin einhleyp. Sambandi hennar
og Eyjólfs Svans Kristinssonar lauk fyrir mán-
uði.
Vala hefur verið áberandi í íslenskum fjöl-
miðlum undanfarin ár. Hún hefur rætt opin-
skátt um kynáttunarvanda sinn en Vala fæddist
karlmaður og gekkst undir kynleiðréttingar-
aðgerð fyrir um tveimur árum. Margir hafa
skoðun á Völu Grand, hvort sem fólk þekkir
hana eða ekki.
Eftir að Vala trúlofaðist Eyjólfi ákvað hún að
draga sig meira og minna úr sviðsljósinu enda
var hún fjögurra barna stjúpmamma. Nú þegar
hún er orðin kona einsömul er aldrei að vita
nema Vala fari aftur á stjá. Orka hennar hefur
undanfarið farið í að byggja upp fyrirtæki sem
kemur til með að selja snyrtivörur í Kanada.
Vala Grand
orðin
einhleyp
Vala Grand er að setja á fót sína eigin
snyrtivörulínu í Kanada.
Morgunblaðið/hag
Vettvangur