Morgunblaðið - Sunnudagur - 05.05.2013, Blaðsíða 57

5.5. 2013 MORGUNBLAÐIÐ SUNNUDAGUR 57
Í Sækið ljósuna lýsir Jennifer
Worth reynslu sinni af ljós-
móðurstörfum í fátækra-
hverfum Lundúnaborgar á
sjötta áratug síðustu aldar. Í
bókinni er að finna sterkar
og lifandi mannlýsingar og
glöggar lýsingar á aðstæðum
sem oft eru ömurlegar.
Hreinskilin og eftirminnileg
frásögn í bók sem ætti að
falla stórum lesendahópi í
geð. Ólöf Eldjárn þýðir verk-
ið með miklum ágætum eins
og hennar er von og vísa.
BBC gerði vinsæla þátta-
röð eftir þessari bók sem
sýnd var á RÚV síðastliðið
haust og nú eru hafnar sýn-
ingar á þáttaröð númer tvö.
Lifandi
lýsingar
Skáldsagan Valeyrarvalsinn eftir
Guðmund Andra Thorsson vakti
mikinn áhuga erlendra bókaútgef-
enda á bókasýningunni í London
í síðustu viku. Hið mikilsmetna for-
lag Gallimard keypti franska út-
gáfuréttinn á uppboði og var útgáfu-
stjórinn, Jean Mattern, svo
hugfanginn af fáguðum stíl og orð-
kynngi höfundar að hann gat ei
orða bundist og hvatti alla viðmæl-
endur sína til að lesa gersemina.
Það jaðraði við umsátursástand við
borð Réttindastofu þegar erlendu
útgefendurnir flykktust að til að afla
sér upplýsinga og tryggja sér lestr-
areintak af bókinni. Sem kunnugt er
er Valeyrarvalsinn ein bókanna
sem tilnefndar eru af Íslands hálfu til
Bókmenntaverðlauna Norður-
landaráðs.
Guðmundur Andri. Valeyrarvals hans heillar útgáfu-
stjóra Gallimard sem lofar verkið mjög.
Morgunblaðið/Kristinn
UMSÁTURS-
ÁSTAND VEGNA
VALEYRARVALS
Spennusagan Áður en ég
sofna (Before I Go to Sleep)
eftir S.J. Watson er í þriðja
sæti metsölulista Eymunds-
son yfir rafbækur. Bókin er
ekki komin út á prenti held-
ur einungis sem rafbók.
Prentaða útgáfan er væntan-
leg í lok mánaðarins og ekki
er að efa að bókin muni þá
komast mjög ofarlega á met-
sölulista yfir prentaðar bæk-
ur og langlíklegast er að hún
komist alla leið á toppinn.
Það væri alveg í takt við viðtökur erlendis en þessi
hörkuspennandi bók hefur verið þýdd á 30 tungumál,
hlotið metsölu og unnið til fjölmargra verðlauna.
Bókin er fyrsta verk höfundarins S.J. Watson. Aðal-
persóna verksins er kona sem vaknar á hverjum morgni
án þess að muna hver hún er. Með því að rýna í dagbók
sem hún heldur reynir hún síðan að raða saman brotakenndum myndum og komast þannig að
því hver hún er. Spennufíklum skal bent á að láta þessa bók ekki framhjá sér fara.
Þess má geta að þessi snjalla spennubók mun senn verða að kvikmynd með Nicole Kidman í
aðalhlutverki. Leikstjóri er Rowan Joffe.
ÓMISSANDI BÓK FYRIR SPENNUFÍKLA
Nicole Kidman
Það er nóg af þýddum erlend-
um spennusögum á markaði og
nú bætist íslensk spennusaga
við
Hinir réttlátu er spennusaga
eftir Sólveigu Pálsdóttur sem í
fyrra sendi frá sér Leikarann
sem fékk ágætar viðtökur.
Kunnur athafnamaður finnst
myrtur á golfvelli á Suðurlandi.
Sama dag verður sprenging í
hvalveiðiskipi sem liggur við
höfnina. Lögregluliðið hefur
sannarlega í nógu að snúast.
Ný íslensk
spennusaga
Eitthvað fyrir
alla í bókum
vikunnar
NÝJAR BÆKUR
ÚT ER KOMIN EINKAR FALLEG FÆREYSK BARNA-
BÓK ÞAR SEM TÓNLIST LEIKUR STÓRT HLUTVERK.
MARKAÐURINN ER FULLUR AF SPENNUSÖGUM
OG NÚ KEMUR EIN Í VIÐBÓT, SEM ER ÍSLENSK.
ÞÝDDAR ÆVIMINNINGAR LJÓSMÓÐURINNAR
JENNIFER WORTH ERU KOMNAR ÚT OG FYRR-
VERANDI FORMAÐUR FRAMSÓKNARFLOKKS HEF-
UR SKRIFAÐ BÓK.
Eigi víkja er bók eftir Jón Sigurðs-
son, fyrrverandi formann Fram-
sóknarflokksins. Hér er á ferð um-
ræðurit um íslenska þjóðvitund,
þjóðerniskennd og þjóðhyggju.
Höfundur svarar hinum fjölbreyti-
legustu spurningum, eins og til
dæmis þeim hverjar séu samfélags-
forsendur Bjarts í Sumarhúsum og
hvort þjóðmálastefna sé falin í
kvæðinu um Dísu í dalakofanum.
Þjóðvitund og
þjóðhyggja
Veiða vind er barnasaga frá Færeyjum þar sem orð,
myndir og tónlist mynda skemmtilega heild. Höf-
undur texta er Rakel Helmsdal, Janus á Húsagarði
myndskreytir og Kári Bæk semur tónlist sem fylgir
með á geisladiski ásamt upplestri Benedikts Erlings-
sonar á sögunni. Þórarinn Eldjárn þýddi.
Þetta er einstaklega falleg bók með litríkum mynd-
um, spennandi söguþræði og heillandi tónlist.
Færeyskt
tónlistarævintýri
* Sterkasti maður í heimi er sá semstendur einn. Henrik Ibsen BÓKSALA 24.-30. APRÍL
Allar bækur
Listinn er byggður á upplýsingum frá Rannsóknasetri verslunarinnar
1 Skýrsla 64 - kiljaJussi Adler Olsen
2 Lág kolvetna lífsstíllinnGunnar Már Sigfússon
3 Svikalogn - kiljaViveca Stein
4 Iceland - Small World small ed.Sigurgeir Sigurjónsson
5 Kaffi og rán - kiljaCatharina Ingelman-Sundberg
6 Vitnið - kiljaNora Roberts
7 Sækið ljósuna - kiljaJennifer Worth
8 Brynhjarta - kiljaJo Nesbø
9 Risasyrpa - FjársjóðsleitWalt Disney
10 Í trúnaði - kiljaHéléne Grémillon
Kiljur
1 Skýrsla 64Jussi Adler Olsen
2 SvikalognViveca Sten
3 Kaffi og ránCatharina Ingelman-Sundberg
4 VitniðNora Roberts
5 Sækið ljósunaJennifer Worth
6 BrynhjartaJo Nesbø
7 Í trúnaðiHéléne Grémillon
8 IðrunHanne-Vibeke Holst
9 MeistarinnHjort & Rosenfeldt
10 ÓsjálfráttAuður Jónsdóttir
MÁLSHÁTTUR VIKUNNAR
Þegar vínið gengur inn,
gengur vitið út.