Morgunblaðið - Sunnudagur - 05.05.2013, Blaðsíða 9

5.5. 2013 MORGUNBLAÐIÐ SUNNUDAGUR 9
09.00 Þetta er nánast eini virki dagurinn semég leyfi mér að sofa út. Er venjulega
farinn á fætur um sjö en fór ekki á stjá fyrr en kl.
níu núna. Byrjaði á því að elda hafragraut handa mér
og konunni, eins og ég geri á hverjum morgni, og set
yfirleitt ferska ávexti og múslí út á; það er kannski
spurning hvort hægt sé að kalla þetta hafragraut eft-
ir að ég hef bætt þessu öllu við.
10.00 Mættur í vinnuna til að flagga í tilefnidagsins. Það þarf líka að undirbúa eitt
og annað sem þarf að gera á þessum hátíðisdegi.
13.00 Kominn aftur niður í Alþýðuhús eftir aðég skrapp heim í mat í hádeginu. Fólk
byrjar yfirleitt að safnast saman um klukkan hálftvö
fyrir kröfugönguna en þeir fyrstu eru komnir um
eittleytið eins og svo oft áður.
14.00 Gengið af stað með lúðrasveit í farar-broddi. Norðangolan er nöpur en það
hefur samt oft verið miklu kaldara en núna. Á meðan
lúðrasveitin getur spilað úti er allt í lagi! Í fyrra eða
hitteðfyrra voru blásararnir orðnir ansi loppnir á
höndunum þegar komið var í hús og eins og spáin
var núna vorum við satt að segja hálfsmeyk.
14.15 Gangan var fjölmennari en mörg síðustuár, líklega hátt í 500 manns þegar mest
var. Við förum sömu leið og síðustu ár; suður Skipa-
götu, upp Kaupvangsstræti og norður Hafnarstrætið,
út á Ráðhústorg og svo niður Strandgötu og að Hofi.
Það er búið að stytta gönguna verulega frá því í
gamla daga. Ég hélt á rauða fánanum eins og svo oft
áður, sameiningartákni baráttunnar. Ég er ekki bara
vinstrisinnaður á þessum degi heldur alla daga ársins.
Gamall kommi!
15.00 Gangan gekk ljómandi vel. Það er aðhluta til sama fólkið sem kemur ár eftir
ár en maður sér þó ný andlit í hvert skipti. Það eru
allir velkomnir eins og þú veist.
Ég held að dagurinn skipti fólk ekki síður máli
núna en í gamla daga, eftir hrunið eru menn sér-
staklega meðvitaðir og vilja láta í sér heyra þótt mér
hafi fundist fólk mun hógværara í tali og framkomu
núna en undanfarin ár. Menn eru kannski rólegir og
bíða eftir aurunum frá ríkisstjórninni.
En ég veit líka að dagurinn skiptir fólk annars
staðar miklu máli; við vorum í Berlín um daginn þar
sem við heimsóttum stærstu stéttarfélögin og þar var
verið að undirbúa sérstaklega að minnast þess að 80
ár eru liðin frá því að Hitler bannaði útisamkomur 1.
maí.
15.30 Ræðuhöldum og annarri dagskrá lokið íHofi en kaffi borið fram og tertur. Fullt
hús af fólki. Svo þarf að ganga frá; kröfuspjöldin og
fánarnir fara ekki sjálfkrafa til baka. Við settum upp
fánaborgir fyrir utan Alþýðuhúsið, tökum fánana nið-
ur og þá rauðu sem við flögguðum á efstu hæð húss-
ins eins og venjan er.
17.10 Búið að ganga frá öllu uppi í Alþýðu-húsi og ég dríf mig heim til þess að
slaka á.
Það rifjast upp fyrir mér að einn verkalýðsforingj-
anna sem við hittum í Þýskalandi um daginn sagði að
við Íslendingar byggjum í himnaríki miðað við mörg
önnur lönd Evrópu. Sérstaklega að vera ekki með
evru sem gjaldmiðil! Ég er alveg tilbúinn að skoða
hvað er í pípunum varðandi ESB en það er alls ekki
sjálfgefið að við göngum í sambandið og ég er ekki
hrifinn af því að taka upp evru. Við hljótum að geta
stjórnað gengi krónunnar eins og á árum áður.
19.30 Skruppum hjónin til að heimsækja dótt-urina og barnabörnin. Annað þeirra er
reyndar sofnað og hitt sofnaði fljótlega eftir að afi og
amma komu. Svo horfði ég á handboltann í sjónvarp-
inu, Fram á móti Haukum. Ég fylgist ekki mikið með
þessu en þegar ég er latur horfi ég stundum á leik-
ina. Annars er ég meira fyrir að grúska og lesa um
eitthvað sem tengist áhugamálunum, t.d. verkalýðs-
málum, steinasöfnun eða Iðnaðarsafninu, þar sem ég
hef einmitt verið í stjórn frá stofnun.
23.00 Kjörtími minn til að fara að sofa er umellefuleytið. Ég vakna aftur á móti
snemma; losa svefninn á milli fjögur og sex og er
farinn á fætur um sjö. Ég sef frekar hratt!
skapti@mbl.is
DAGUR Í LÍFI
Þorsteinn E. Arnórsson arkar af stað í kröfugöngunni frá Alþýðuhúsinu á Akureyri. Rauði fáninn var á stönginni.
Morgunblaðið/Skapti Hallgrímsson
Fólk er meðvitað og
vill láta í sér heyra
ÞORSTEINN E. ARNÓRSSON, ÞJÓNUSTUFULLTRÚI HJÁ VERKALÝÐSFÉLAGINU EININGU -
IÐJU Á AKUREYRI, HAFÐI Í NÓGU AÐ SNÚAST 1. MAÍ. HANN SEGIR BARÁTTUDAG VERKA-
LÝÐSINS SKIPTA FÓLK MIKLU MÁLI OG ÞAÐ SÉ MEIRA ÁBERANDI EFTIR HRUNIÐ.
Sumarið er komið í
Álafoss
ÁLAFOSS
Álafossvegur 23, Mosfellsbær
Opið: Mánud. - Föstud. 09:00 - 18:00
Laugard. 09:00 - 16:00
www.alafoss.is
Dalvegi 10-14 ▪ 201 Kópavogur ▪ Sími: 595 0570 ▪ parki.is
Vantar þig innihurð?
Hjá Parka færðu gullfallegar innihurðir frá Grauthoff.
Þær eru yfirfelldar með samlokukörmum sem auka
hljóðeinangrun og brunavörn.
Margar útfærslur eru fáanlegar í öllum viðartegundum.
Sjón er sögu ríkari.