Morgunblaðið - Sunnudagur - 05.05.2013, Blaðsíða 14

14 MORGUNBLAÐIÐ SUNNUDAGUR 5.5. 2013
A
lbert Eiríksson mætir
til viðtals í blárri
peysu sem hann hef-
ur sjálfur prjónað.
„Þetta er jómfrú-
prjónið mitt í uppáhaldslitnum
mínum,“ segir hann og bætir við
að hann ætli næst að prjóna sér
sumarpeysu. Umræðan um prjóna-
skap heldur áfram stutta stund en
Albert upplýsir að maður hans,
Bergþór Pálsson söngvari, hafi
prjónað í mörg ár. „Ég hef séð
hvað það hefur góð áhrif á hann
að prjóna og nú þegar ég hef líka
tekið upp prjónaskap getum við
setið saman og prjónað fyrir fram-
an sjónvarpið. Það er óskaplega
þægilegt að prjóna og maður nær
góðri tengingu við sjálfan sig.“
Albert er reyndar mun þekktari
fyrir matreiðslu en prjónaskap en
hann hefur í rúmt ár haldið úti
netsíðunni alberteldar.com þar sem
hann birtir uppskriftir. „Upphaf-
lega ætluðum við Bergþór að safna
saman á netinu uppskriftum sem
við notum. Við vildum hafa þær á
einum stað en svo fór þetta fram-
tak að spyrjast út þannig að síðan
var gerð opinber,“ segir Albert.
„Síðan hefur verið vinsæl og oft
eru það mörg þúsund manns á dag
sem lesa hana. Fyrir nokkrum ár-
um tókum við Bergþór mataræðið
í gegn og það má segja að netsíð-
an endurspegli það, þótt hinar og
þessar syndir og gúmmelaði sé lát-
ið fljóta með.“
Eins og nýr maður
Segðu mér frá þessu breytta mat-
aræði.
„Fyrir fjórum árum tókum við
Bergþór mataræðið í gegn og það
hefur haft mikil áhrif á líf okkar
og heilsu. Við ákváðum að breyta
um mataræði en vissum ekki beint
hverju við vildum breyta þannig að
við prófuðum eitt og annað. Svo
gerðist það að Bragi, sonur Berg-
þórs, sem þá bjó í London, fór til
læknis vegna meltingartruflana og
fleiri kvilla og læknirinn lét hann
fá trefjatöflur. Honum fannst ótrú-
legt að fá tilbúnar trefjar sem
hann gæti fengið úr fæðinu. Hann,
sem var mikil kjötæta, fór að lesa
sér til um heilsu og mataræði og
fræddist um það að kjöt er trefja-
laust. Hann ákvað síðan að gerast
„vegan“, en það er nafn yfir þá
sem borða ekkert úr dýraríkinu.
Hann léttist um þrjátíu kíló á einu
ári bara með því að breyta um
mataræði.
Við Bergþór heilluðumst af þess-
um lífsstíl. Fyrst ætluðum við að
prófa vegan-fæði í þrjá mánuði en
okkur líkaði svo vel að við höfum
haldið okkur við það og reyndar
gengið lengra og prófað hráfæði.
Við tókum tíu daga hráfæðiskúr
þar sem við borðuðum einungis
hráfæði. Við vorum að gera til-
raunir á okkur sjálfum. Ég hafði
heyrt að fólk sem borðaði hráfæði
fylltist af orku og svæfi lítið. Eftir
að hafa neytt hráfæðis í nokkra
daga svaf ég einungis fjóra eða
fimm klukkutíma á nóttu og var á
ferðinni allan daginn því orkan var
svo mikil. Vegan-fæðið hafði líka
mjög mikil áhrif á mig. Ég fékk
mjög oft blóðnasir sem barn og
þær héldu áfram á fullorðinsárum
en eftir þrjár vikur snarhættu þær
og hafa ekki komið síðan. Áður var
ég oft mjög þrútinn og orkulaus
og hafði fyrir venju að leggja mig
á daginn. Þetta breyttist líka. Ork-
an er orðin jafnari, ég er aldrei
óskaplega svangur eða óskaplega
saddur. Ég var geysimikil kjötæta,
kominn úr sveit þar sem kjöt var
á borðum þrjá til fjóra daga í viku,
og þambaði mjólk eins og þjóðin
gerði. Þannig að ég hélt að ég
myndi sakna kjötsins. En það
ótrúlega var að það gerði ég ekki.
Ég þurfti ekki að neita mér um
neitt, mig langaði bara ekkert
lengur í það sem ég hafði áður
sótt í. Það var helst að ég félli ein-
staka sinnum fyrir feitum ostum.“
Hefurðu hugsað þér að kynna
þessa reynslu þína af breyttu mat-
aræði eitthvað nánar?
„Ég mæti stundum á fundi og
samkomur og segi frá mataræðinu.
Ég er ekki að predika, heldur að
segja frá því hvaða áhrif breytt
mataræði hafði á líf okkar Berg-
þórs. Það þyrfti að gera átak í því
að bæta mataræði þjóðarinnar. Ef
þjóðin tæki sig á í mataræði
myndi heilsufar hennar um leið
snarbatna. Það er vitað að vest-
rænir velferðarsjúkdómar eru
flestir matartengdir. Fólk verður
að taka ábyrgð á eigin heilsu. Þar
getur matur hjálpað.
Ég er að vinna að matreiðslubók
sem er heilsutengd og byggist á
reynslu minni. Mér finnst gaman
að kynna þessar hugmyndir fyrir
fólki, hvort sem þær snúa að hrá-
fæði eða bara heilsufæði, því þeir
sem eru tilbúnir að prófa verða
svo ánægðir. Ég segi við fólk:
Hugið að heilsunni og því sem þið
borðið vegna þess að við stjórnum
því að miklu leyti sjálf hvernig
okkur líður. Sjálfum líður mér allt-
af eins og ég sé nýkominn úr
löngu og góðu sumarfríi.“
Ást við fyrstu sýn
Víkjum aðeins að einkalífinu.
Bergþór sagði mér einu sinni að
þið tveir hefðuð kynnst á götu
þegar þú gafst þig á tal við hann.
Segðu mér frá þessu.
„Á þessum tíma bjó ég á Fá-
skrúðsfirði þar sem ég er fæddur
og uppalinn. Eins og öll þjóðin
vissi ég af þessum manni og
fannst hann afskaplega myndar-
legur. Án þess að þekkja hann
nokkuð fannst mér framkoma hans
í fjölmiðlum benda til að hann
hlyti að hafa afskaplega fallegt
hjartalag. Ég var ákveðinn í því að
gefa mig á tal við hann ef ég ræk-
ist á hann og segja honum í
óspurðum fréttum hversu mikill
gleðigjafi hann væri. Ég átti sjald-
an erindi í bæinn og reiknaði ekk-
ert sérstaklega með því að þetta
myndi ganga eftir. Svo einn dag í
janúar 1999 er ég staddur í
Reykjavík og er að fara yfir götu.
Þá sé ég að enginn annar en
Bergþór Pálsson er að fara yfir
sömu götuna. Þá var að hrökkva
eða stökkva. Ég vatt mér að
manninum og sagði: Nei, er þetta
ekki Bergþór Pálsson! Alltaf hefur
mig langað til að kynnast þér! Við
spjölluðum þarna saman nokkra
stund og hann bauð mér í kaffi.
Síðan höfum við fetað saman vorn
æviveg.
Þetta var ást við fyrstu sýn hjá
okkur báðum. Við höfðum báðir
verið einir mjög lengi og vorum
ekki að leita að lífsfélaga. Þetta
bara gerðist. En við vorum svo til-
búnir þegar við hittumst. Það var
mikið að gera hjá Bergþóri í
söngnum, alveg eins og núna, og
ég fylgdi honum oft til útlanda,
sem var upplifun fyrir mig. Ég
kynntist nýjum og skemmtilegum
heimi. Ég náði strax góðu sam-
bandi við son hans, sem á tvö
börn, ársgamlan strák og fimm ára
stelpu sem kallar okkur báða afa.“
Hvernig er sambúðin hjá ykkur
Bergþóri, rífist þið aldrei?
„Það kemur norðanátt og kulda-
tíð, en samt mjög sjaldan. Við er-
um ekkert sérstakega uppteknir af
því eins og margir að fara ekki
ósáttir í rúmið. Stundum þarf mað-
ur að sofa á ágreiningsefni því
maður er ekki tilbúinn að afgreiða
erfið mál samdægurs. En við höf-
um gott lag hvor á öðrum þannig
að ágreiningur ristir ekki djúpt.
Við erum mjög samhentir og höf-
um báðir gaman af því að elda og
viljum hafa snyrtilegt í kringum
okkur. Við erum búnir að vera
saman í fjórtán ár og ég held að
fátt geti komið í veg fyrir að við
verðum gamlir saman.“
Hafið þið einhvern tímann orðið
varir við fordóma vegna sambands
ykkar?
„Þegar þetta ber á góma er ég
minntur á að einhvern tíma hafi
verið tabú að vera samkynhneigt
par á Íslandi. Dags daglega dettur
mér það aldrei í hug. Þetta hefur
aldrei verið erfitt, ekki einn dag,
og við höfum aldrei orðið varir við
fordóma, enda er réttindabarátta
samkynhneigðra komin lengra hér
á landi en víðast annars staðar. Ég
skal þó játa að í byrjun varð ég
stundum var við að fólk sem hafði
varann á sér gagnvart okkur
breyttist þegar það kynntist okkur
og mat okkur frekar út frá mann-
kostum en kynhneigð, enda erum
við bara manneskjur eins og allir
aðrir, hvorki verri né betri, og
kynhneigð hefur engin áhrif þar á.
Enn þann dag í dag má líka sjá á
netinu að til er fólk sem lætur
fara í taugarnar á sér að allir séu
Alltaf ný-
kominn úr
sumarfríi
ALBERT EIRÍKSSON HELDUR ÚT NETSÍÐUNNI ALBERT-
ELDAR.COM. Í VIÐTALI RÆÐIR HANN UM BREYTT MATAR-
ÆÐI OG BETRI HEILSU. EINKALÍFIÐ BER EINNIG Á GÓMA
EN ÞAÐ VAR ÁST VIÐ FYRSTU SÝN ÞEGAR ALBERT HITTI
MANN SINN, BERGÞÓR PÁLSSON.
Kolbrún Bergþórsdóttir kolbrun@mbl.is
* Þetta var ást við fyrstu sýn hjá okkurbáðum. Við höfðum báðir verið einirmjög lengi og vorum ekki að leita að lífs-
félaga. Þetta bara gerðist. En við vorum
svo tilbúnir þegar við hittumst.
Svipmynd