Morgunblaðið - Sunnudagur - 30.06.2013, Page 51

Veiðifélagarnir Ingólfur Ásgeirsson
og Þórarinn Sigþórsson meta
aðstæður áður en þeir taka að
veiða í Selstrengjum í Kjarrá.
Morgunblaðið/Einar Falur
30.6. 2013 MORGUNBLAÐIÐ SUNNUDAGUR 51
Þórarinn Sigþórsson tannlæknir hefur um áratuga skeið verið einn
þekktasti laxveiðimaður landsins, þekktur fyrir einstakan dugnað
og lag við veiðar – og fyrir að veiða iðulega fleiri fiska en aðrir. Enda
segir sagan að hann hafi veitt yfir 20.000 laxa á ferlinum.
„Ég fæddist með laxveiðibakteríuna,“ segir Þórarinn þar sem við
njótum þess að fylgjast með löxum í Kjarrá, langt fyrir neðan okk-
ur. „Ég ólst upp á laxveiðijörðinni Einarsnesi í Borgarfirði. Ég fór að
veiða á stöng um leið og ég gat. Heima veiddum við að allega sjó-
birting, því laxinn gekk hratt hjá. En þegar ég komst til vits og ára
fór ég að leita í bergvatnsárnar að renna fyrir laxinn.
Ég hef alltaf haft jafn gaman af þessu … Mér finnst þetta stór-
kostleg íþrótt og afskaplega ánægjulegt að eiga kost á að stunda
hana.“
Fæddist með
laxveiðibakteríuna
Morgunblaðið/Einar Falur
Þórarinn Sigþórsson á gilbarminum hátt fyrir ofan Kjarrá. Fyrir aftan
hann er Eyjólfsflúð, þar sem hann fékk fyrsta lax sumarsins.
Þórarinn hefur veitt marga stóra laxa. Tvo þá stærstu fékk hann erlendis og vógu báðir 20 kíló, 44 ensk
pund. Þann fyrri fékk hann í Alta-ánni í Noregi árið 2006 og ári síðar hinn í Yokanga-ánni á Kólaskaga í Rúss-
landi.
Stæsta laxinn á Íslandi veiddi Þórarinn í Klapparfljóti í Þverá, sá var 27 pund. En í Kjarrá setti hann í
stærsta lax sem hann hefur sett í hér á landi. Tók hann spún í hylnum Olnboga, Þórarinn elti hann á gljúf-
urbarminum með aðstoð Kristjáns Sigmundssonar í Crystal, sem fór fram á brúnir að halda línunni frá
klettanibbum. Eltu þeir laxinn langa leið niður með ánni, í Víghólskvörn, þar sem menn komust ekki lengra
í eftirförinni því áin var ekki væð, og sleit laxinn þar. „Þetta var tröllvaxinn fiskur,“ segir Þórarinn og giskar
á vel yfir fjörutíu pundin.
Hefur veitt tvo tuttugu kílóa laxa
Þórarinn hefur veitt margra stóra og eftirminnilega laxa. Hér veiðir hann Aquarium í Kjarrá, langt uppi á heiði.
Morgunblaðið/Einar Falur