Morgunblaðið - 25.07.2013, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 25. JÚLÍ 2013
Sigurður Bogi Sævarsson
sbs@mbl.is
Í næsta mánuði hefst slátrun á laxi
úr kvíum Fjarðalax í Patreksfirði.
Starfsemi fyrirtækisins hefur á
undanförnum árum vaxið ásmegin
og nú er á þess vegum alinn fiskur í
Patreksfirði, Tálknafirði og Fossa-
firði. Nýlokið er slátrun í þeim síð-
astnefnda, sem gengur inn af Arnar-
firði. Gert er ráð fyrir að nærri 5.000
tonn af laxi fáist í Patreksfirði og allt
að 100 tonnum verði slátrað þar í
hverri viku á komandi vetri.
Þrjú kíló við upphaf sláturtíðar
Aðstæður til fiskeldis á sunn-
anverðum Vestfjörðum þykja góðar.
Firðirnir eru nokkuð djúpir, hæfi-
lega straummiklir og í skjóli fyrir
stærstu úthafsöldum. Sjórinn er að
jafnaði tveggja til tólf gráðu heitur
sem skilar því að laxinn vex og dafn-
ar hratt og örugglega.
Sem fyrr segir lauk slátrun í
Fossafirði nýlega. Þar voru árið 2011
sett í sjó 100 til 300 g laxaseiði. Vaxt-
artíminn er fimmtán til sextán mán-
uðir, en þegar slátrun hefst er miðað
við að fiskurinn sé þrjú til fjögur kíló.
Eftir því sem líður á sláturtíðina,
sem er tólf mánuðir, stækkar fisk-
urinn og er gjarnan komin í fimm til
sex kíló í lokin. Þannig skilaði vertíð-
in í Fossafirði alls 1.400 tonnum af
laxi sem þykir ágætt.
Af umhverfissjónarmiðum og til að
tryggja heilbrigði laxins til framtíðar
verður Fossafjörður hvíldur næsta
vetur.
Fóðrunin er mikil kúnst
„Við erum að ná æ betri tökum á
þessu verkefni,“ segir Jón Örn Páls-
son, svæðisstjóri Fjarðalax á Vest-
fjörðum. Hann flutti á Tálknafjörð
árið 2001 þegar verið var að leggja
drög að fiskeldi í fjörðunum. Bakslag
kom fljótlega í þær fyrirætlanir. Jón
Örn sneri sér þá að öðrum viðfangs-
efnum og störfum, svo sem fyrir fisk-
vinnsluna á svæðinu, Atvinnuþróun-
arfélag Vestfjarða, Byggðastofnun
og fleiri. Tók svo aftur upp þráðinn
árið 2009, en þá voru forsendur fyrir
fiskeldi breyttar og betri.
„Fjölskyldan festi strax rætur hér
á Tálknafirði og við ákváðum að
skapa okkur framtíð hér,“ segir Jón
Örn. Hann er sjávarútvegsfræðingur
frá háskólanum í Tromsö í Noregi.
Þar lagði hann áherslu á lífeðlisfræði
fiska og þá sérstaklega eldisfóðrun.
Segir þekkingu á því sviði mik-
ilvæga, enda sé fóðrunin mikil kúnst
sem leggja þurfi rækt við svo fisk-
eldið heppnist.
Tugir starfsmanna
Höfuðstöðvar Fjarðalax vestra
eru á Tálknafirði. Í hverjum
fjarðanna þriggja eru fóðurstöðvar,
þaðan sem eldiskvíar eru vaktaðar
og farið í vitjanir og frá stöðvunum
er fóðrinu blásið út í kvíarnar. Því
viðfangsefni sinna 23 starfsmenn, en
tólf starfa við slátrun.
Að vestan eru afurðirnar fluttar
beint á Keflavíkurflugvöll og þaðan
áfram með flugi til Bandaríkjanna.
Þar eru þær seldar í veitingahúsum,
verslunum og sælkerabúðum sem
eru víðsvegar um Bandaríkin og telj-
ast í hundruðum.
„Skilaverð á laxi í dag er hátt og
það liggur í loftinu að verði hækki
meira á næstu misserum. Það viljum
við nýta okkur,“ segir Jón Örn. Vilji
stjórnenda og hluthafa fyrirtækisins
standi því til þess að auka umsvifin.
Fjármögnun sé í höfn. Hinsvegar
hafi staðið á leyfisveitingum þrátt
fyrir að fyrirtækið standi fyrir um-
fangsmiklum rannsóknum á um-
hverfisáhrifum sem staðfesta sjálf-
bæran rekstur.
Munu slátra 100 tonnum á viku í vetur
 Sláturtíð framundan í laxeldinu á Patreksfirði  Fjarðalax kominn á beina braut  Góð skilyrði
og fyrirtækinu vex fiskur um hrygg  Hátt afurðaverð og útlit fyrir að það haldi áfram að hækka
Morgunblaðið/Sigurður Bogi
Fiskeldi Skilaverð á laxi er hátt og það liggur í loftinu að verðið hækki
meira á næstu misserum. Það viljum við nýta okkur,“ segir Jón Örn Pálsson.
Slátrun Laxinn er alinn í nokkur misseri í kvíum úti á fjörðunum. Oft er handagangur við slátrunina, en þá er fiskurinn orðinn allt að sex kg. á þyngd.
Ljósm/Jón Örn Pálsson
Margt verður við að vera á árlegum
Barnadegi sem haldinn verður í
Viðey á sunnudaginn. Einkar fjöl-
breytt dagskrá sniðin fyrir börn og
í raun alla fjölskylduna hefst kl.
12.15 og lýkur kl 16. Ferjur ganga á
milli Skarfabakka og Viðeyjar á
klukkustundarfresti eða oftar, ef
þurfa þykir.
Margt í boði
Barnadagur í Viðey er haldinn
einu sinni á ári og er um að ræða
skemmtilegt tækifæri fyrir for-
eldra til að kynna börnum sínum þá
miklu perlu sem Viðey er. Trúðar á
vegum Götuleikhússins verða á
vappi um eyjuna og skemmta börn-
um. Þá munu skátar úr Landnem-
um láta sjá sig og munu þeir standa
fyrir allskyns leikjum sem börnin
geta tekið þátt í.
Áhugasöm börn geta fengið að
fara á hestbak og þá verður boðið
upp á fjöruferð. Þar mun Addý frá
„Allt er hægt“ náttúruupplifun
kynna börnunum fjöruna í Viðey og
er yngri kynslóðin hvött til að taka
með sér háf, skóflu eða fötu. Arn-
björg Kristín Konráðsdóttir mun
standa fyrir fjölskyldujóga, fara í
leiki, auk þess að spila á gítar og
gong. Gestum er bent á að kokk-
arnir í Viðeyjarstofu munu selja
grillaðar pylsur auk þess sem allir
fá ís.
Perla Árlegur Barnadagur fer fram í Viðey næstkomandi sunnudag.
Fjölskyldan kemur
saman í Viðey