Morgunblaðið - 25.07.2013, Blaðsíða 40

FIMMTUDAGUR 25. JÚLÍ 206. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Íslenskur ættingi nýfædda prinsins
2. Barnabílstóllinn hækkaði um 33%
3. Ætlar að léttast um 14 kíló
4. Flúðu óþefinn af líkblóminu
»MEST LESIÐ Á mbl.is
FÓLK Í FRÉTTUM
 Alþjóðleg kvikmyndahátíð í Reykja-
vík, RIFF, mun í samstarfi við fyrir-
tækið Arctic Adventures standa fyrir
kvikmyndasýningu í Langahelli 2.
október nk. Hvaða myndir verða sýnd-
ar í hellinum verður ekki gefið upp fyr-
irfram. Sýningargestir verða fluttir
með rútu upp í Bláfjöll og ganga svo
að hellinum. Sýningin mun standa yfir
í klukkustund eða þar um bil og fá
sýningargestir veitingar í hellinum.
RIFF hefur nú lokað fyrir umsóknir um
sýningar á kvikmyndum en um 400
umsóknir bárust. Áhorfsnefnd hátíð-
arinnar hefur því nóg að gera við að
horfa á myndir og velja úr fyrir hátíð-
ina. Stjórnandi hátíðarinnar er Hrönn
Marinósdóttir. RIFF hefst 26. sept-
ember og lýkur 6. október. Frekari
upplýsingar um hátíðina og miðasölu
má finna á vefsíðu hennar, www.riff.is.
Morgunblaðið/Kristinn
Kvikmyndasýning
í Langahelli á RIFF
Fjölbreyttar hátíðir
víða um land
 Sumarið er tími bæjarhátíða og í
dag hefjast Franskir dagar á Fá-
skrúðsfirði, Reykhóladagar í Reyk-
hólahreppi og Mærudagar á Húsavík.
Unglistarhátíðin Eldur í Húnaþingi
hófst svo í gær og verða þar ýmsir
viðburðir í boði. Í dag verður m.a.
boðið upp á tölvuleikjanámskeið í
Grunnskóla Húnaþings, keppni í
fjallaskokki og tónleika í félagsheim-
ilinu á Hvammstanga þar sem hljóm-
sveitirnar Gamli og Valdingjarnir og
Famina Fatura leika fyrir gesti. »14
Á föstudag Hæg breytileg átt eða hafgola. Bjart með köflum og
síðdegisskúrir á stöku stað, en víða þokuloft við ströndina, einkum
austantil. Hiti 10 til 20 stig, hlýjast inn til landsins.
SPÁ KL. 12.00 Í DAG Hægviðri eða hafgola. Víða þoka við sjávar-
síðuna, þokusúld suðaustan- og austantil, en bjart til landsins. Hiti
10 til 24 stig, hlýjast inn til landsins.
VEÐUR
Útlit er fyrir að ÍBV mæti Ís-
landsmeisturum FH í Pepsi-
deild karla í knattspyrnu á
Hásteinsvelli á miðri Þjóð-
hátíð. Óskar Örn Ólafsson,
formaður knattspyrnu-
deildar ÍBV, segir það verð-
ugt verkefni að sjá til þess
að öryggisgæsla í kringum
leikinn verði nægilega góð
með 15 þúsund Þjóðhátíð-
argesti á svæðinu. Hann
býst fastlega við að áhorf-
endamet falli. »1
„Við hljótum að
slá öll met“
Íslandsmótið í höggleik hefst í dag á
Korpúlfsstaðavelli í Reykjavík. Morg-
unblaðið fjallar ítarlega um mótið í
íþróttablaðinu í dag.
Tólf kylfingar sem
fagnað hafa Ís-
landsmeistaratitli
eru skráðir til leiks,
þar á meðal ríkjandi
meistarar, Har-
aldur Franklín
Magnús og Val-
dís Þóra Jóns-
dóttir. »2-3
Fjögurra daga veisla
fyrir kylfinga
Körfuknattleiksunnendur fá í kvöld
tækifæri til að berja íslenska karla-
landsliðið augum á heimavelli í fyrsta
skipti í tíu mánuði eða svo. Ísland
leikur tvo vináttulandsleiki við Dan-
mörku, annars vegar í Ásgarði í
Garðabæ í kvöld og hins vegar í
Keflavík annað kvöld. Liðið undirbýr
sig nú fyrir leiki í forkeppni fyrir EM
árið 2015. »4
Vináttulandsleikur við
Dani í Garðabænum
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Kristján H. Johannessen
khj@mbl.is
„Við teljum að þetta blað sé svo
rótgróið í íslenskum jarðvegi að út-
gáfa þess verður að halda áfram,“
segir Hallgerður Hauksdóttir, rit-
stjóri Dýraverndarans, en hið gamla
tímarit dýravina á Íslandi er loks fá-
anlegt á ný eftir að hafa legið í dvala
í 30 ár. Árið 1915 hóf Dýraverndar-
samband Íslands (DÍS), áður Dýra-
verndunarfélag Íslands, útgáfu
tímaritsins og kom blaðið óslitið út á
vegum félagsins allt til ársins 1983
þegar hlé var gert á útgáfu þess.
Í fyrra ákvað stjórn DÍS að hefja
útgáfu tímaritsins að nýju og voru
tvö tölublöð gefin út á rafrænu formi
sama ár. Er nú stefnt að því að blað-
ið komi reglulega út og segir Hall-
gerður tvö tölublöð áformuð á ári.
Margir gleðjast yfir útgáfunni
Faðir Dýraverndarans var
Tryggvi Gunnarsson, bankastjóri og
baráttumaður fyrir dýravernd hér á
landi. „Hann stofnaði blaðið eftir
fyrirmynd frá Dýraverndarfélagi
danskra kvenna, en hann var mjög
hrifinn af krafti þeirra,“ segir Hall-
gerður og bendir á að tímaritið hafi
lengi vel verið fastur hluti af heim-
ilislífi fólks víðsvegar um land.
„Blaðið var afhent á aðalfundi [DÍS]
og urðu sumir hálfhrærðir. Maður
fann virkilega fölskvalausa gleði því
blaðið tengist bernskuminningum
svo margra.“
Hvetur fólk til þátttöku
Hallgerður segir alla dýravini
geta sent greinar um dýr og málefni
dýra til birtingar í Dýraverndar-
anum svo framarlega sem efnið
uppfyllir ritsiðareglur blaðsins.
„Það eru því ekki einungis félagar í
Dýraverndarsambandinu sem geta
sent inn efni,“ segir hún. Þá hvetur
Hallgerður alla þá sem láta sig mál-
efni dýra varða til að gerast með-
limir í Dýraverndarsambandi Ís-
lands en félagsmenn fá m.a. blaðið
sent heim.
Aðspurð segir Hallgerður starf
DÍS í meginatriðum snúast um þrjá
flokka dýra: villt dýr, búfé og gælu-
dýr. En hún segir mikilvægt að sam-
tök á borð við DÍS beiti sér á virkan
hátt fyrir aukinni velferð dýra, óháð
undir hvaða flokk þau falla. „En svo
geta flokkarnir skarast svolítið. Það
er t.a.m. hægt að líta svo á að hestur
sem fær bara klapp og strokur frá
eiganda sínum sé gæludýr. Það er
því ekki endilega tegundin sem
skiptir máli heldur hvernig dýrið er
haldið,“ útskýrir hún, en hér eftir
sem hingað til mun tímaritið Dýra-
verndarinn greina frá þessum flokk-
um í máli og myndum „og hafa blað-
ið þannig fjölbreytt og lifandi“.
Dýraverndarinn endurvakinn
 Tímarit sem
legið hefur í dvala
í 30 ár snýr aftur
Morgunblaðið/Rósa Braga
Vinátta Hallgerður Hauksdóttir, ritstjóri Dýraverndarans, og hundarnir hennar, Lísa (t.v.) og Tinna (t.h.). Útgáfa
tímaritsins hófst árið 1915 en lagðist af 1983. Það hefur nú verið endurvakið mörgum eflaust til mikillar ánægju.
Hinn 26. mars síðastliðinn voru ný lög um velferð dýra samþykkt á Al-
þingi. Lögin þykja stórt framfaraskref í baráttunni fyrir bættri velferð
dýra hér á landi.
Hallgerður Hauksdóttir, ritstjóri Dýraverndarans, kveðst vera mjög
ánægð með lögin, en samkvæmt þeim er t.a.m. bannað að gelda smágrísi
og klippa af þeim halann án þess að dýrin séu deyfð áður. „Hér áður fyrr
voru rökin þau að dýrin gleyma þessu strax. Nýju lögin eru því auðvitað
mikilvægur liður í því að ekki sé farið illa með dýr hér á landi.“
Hallgerður segir Dýraverndarsamband Íslands standa gegn verk-
smiðjubúskap en samtökin styðja hins vegar hefðbundinn fjölskyldubú-
skap. „Við viljum upplýsa og fræða almenning enda trúum við því að al-
menningur vilji að farið sé vel með dýr.“
Nýsett lög eru framfaraskref
DÍS STENDUR GEGN VERKSMIÐJUBÚSKAP