Morgunblaðið - 08.11.2013, Page 2

2 FRÉTTIRInnlent
MORGUNBLAÐIÐ FÖSTUDAGUR 8. NÓVEMBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Hólmfríður Gísladóttir
holmfridur@mbl.is
Borgarfulltrúar Besta flokksins,
Samfylkingarinnar og Vinstri
grænna samþykktu á þriðjudag að
vísa frá tillögu sjálfstæðismanna um
að óska eftir formlegum viðræðum
við ríkisvaldið um framtíðarfyrir-
komulag heilsugæslunnar í Reykja-
vík, með það að markmiði að þjón-
ustan verði endurskipulögð í þágu
notenda.
Í bókun sjálfstæðismanna kemur
fram að viðræður við ríkið um yfir-
töku borgarinnar á heilsugæslunni,
sem hófust í kjölfar einróma sam-
þykktar í borgarstjórn í september
2010, hafi farið út um þúfur. Í bókun
Besta flokksins, Samfylkingar og
Vinstri grænna lýsa flokkarnir sig
reiðubúna til að halda þeim við-
ræðum áfram en þó ekki fyrr en nið-
urstöður liggi fyrir í endurmati á yf-
irtöku borgarinnar á þjónustu við
fatlaða.
Kjartan Magnússon, borgarfulltrúi
Sjálfstæðisflokks, segir að endur-
matið muni í fyrsta lagi liggja fyrir
næsta vor og gagnrýnir meirihlutann
fyrir að vilja skjóta málum á frest.
„Þeir eru orðnir margir málaflokk-
arnir sem við höfum tekið yfir og mér
finnst þetta, að það séu óleyst vanda-
mál vegna tilflutnings á þjónustu við
fatlaða, ekki vera réttlæting fyrir því
að salta hitt,“ segir Kjartan. Hann
segir endurskipulagningu heilsu-
gæsluþjónustunnar í borginni afar
brýna og fleiri leiðir komi til greina
en yfirtaka, t.d. að leggja áherslu á
fjölbreytt rekstrarform, s.s. einka-
rekstur.
„Það er ekki aðalatriði hver sinnir
þjónustunni, ríki eða borg, bara að
hún virki fyrir almenning og það þarf
að endurskipuleggja hana í þágu not-
enda,“ segir hann.
Munu byggja á endurmatinu
Björk Vilhelmsdóttir, borgar-
fulltrúi Samfylkingar, segir hins veg-
ar mikilvægt að fá niðurstöðu í end-
urmatið á þjónustu við fatlaða áður
en gengið verður til viðræðna við rík-
ið um heilsugæsluna.
„Í þessu endurmati verður reiknað
út hvað verkin kosta, til þess að
reyna að fá fjármagn í samræmi við
þau verkefni sem okkur ber að
sinna,“ segir Björk. „Um leið og við
erum komin með eitthvað fastar í
hendi um það hvernig hægt er að
meta kostnað og verkefni, þá mun
það nýtast í viðræðum um heilsu-
gæsluna og málefni aldraðra,“ segir
hún.
Hún segir praktísk atriði einnig
kalla á að yfirstandandi verkefnum sé
lokið áður en ný eru hafin en mann-
afli sé takmarkaður eftir stjórnsýslu-
sparnað undanfarinna ára.
Kristján Þór Júlíusson heilbrigðis-
ráðherra segist lítast ágætlega á bók-
un sjálfstæðismanna. „Þetta er í sam-
ræmi við þær áherslur sem við höfum
verið að vinna og eru í undirbúningi,“
segir ráðherrann. „Það er gott að vita
af áhuga sveitarfélagsins á því að það
verði gerðar breytingar á heilsugæsl-
unni í þá veru að tryggja greiðara að-
gengi fólks að þessari grunneiningu
heilbrigðiskerfisins.“
Vill ræða við ríkið um heilsugæsluna
 Besti flokkurinn, Samfylkingin og Vinstri grænir vilja bíða endurmats á þjónustu við fatlaða
Björk
Vilhelmsdóttir
Kjartan
Magnússon
Brettafélag Reykjavíkur, í samstarfi við Nor-
ræna menningarsjóðinn, efndi til alþjóðlegrar
brettakeppni í Héðinshúsinu í gærkvöldi. Keppn-
in nefndist Nordic Urban Challenge Skate Sess-
ion 2013 og var þátttaka mjög góð. Keppt var í
tveimur flokkum, 14 ára og yngri og 15 ára og
eldri. Plötusnúðar og kynnar sáu um að halda
uppi góðri stemningu, ásamt listamönnum frá Ís-
landi og hinum Norðurlöndunum.
Morgunblaðið/Eggert
Efnilegir brettakappar sýndu listir sínar
Hjólabrettakeppnin Nordic Urban Challenge haldin í Héðinshúsinu í gærkvöldi
Fimmtán um-
sóknir bárust
um stöðu dag-
skrárstjóra út-
varps hjá RÚV.
Þar af eru tveir
fyrrverandi
þingmenn, bæj-
arfulltrúi í
Kópavogi, guðfræðingur og skáld.
Umsækjendur eru: Áslaug Bald-
ursdóttir, nemi, Davíð Þór Jónsson,
guðfræðingur, Gunnar Gunnarsson,
fréttamaður á RÚV og rithöfundur,
Guðni Tómasson, listfræðingur,
Helgi Pétursson, fjölmiðlafræðingur
og tónlistarmaður, Hjálmar Hjálm-
arsson, leikari og bæjarfulltrúi, Ingi
Rafn Sigurðsson, framkvæmda-
stjóri, Jóhann Hauksson, blaðamað-
ur og fv. upplýsingafulltrúi, Kristján
Hreinsson, skáld og heimspekingur,
Magnús R. Einarsson, þróunar- og
gæðastjóri og dagskrárgerðar-
maður á RÚV, Ólína Þorvarðar-
dóttir, þjóðfræðingur og fv. þing-
maður, Sighvatur Jónsson, fram-
leiðandi og fréttaritari RÚV í
Eyjum, Sigmundur Ernir Rúnars-
son, rithöfundur og fv. þingmaður,
Snorri Ásmundsson, listamaður, og
Þorsteinn Hreggviðsson, dag-
skrárgerðarmaður.
15 vilja
verða dag-
skrárstjóri
Guðni Einarsson
gudni@mbl.is
Samninganefnd Alþýðusambands
Íslands (ASÍ) átti fund með þremur
ráðherrum í gær vegna væntanlegra
kjaraviðræðna og aðgerða stjórn-
valda í tengslum við þær. Fundinn
sátu af hálfu ríkisstjórnarinnar þau
Sigmundur Davíð Gunnlaugsson,
forsætisráðherra, Bjarni Benedikts-
son, fjármála- og efnahagsráðherra,
og Eygló Harðardóttir, félags- og
húsnæðismálaráðherra.
„Okkur hefur fundist viðbrögð
stjórnvalda hingað til ekki hafa dug-
að okkur til að fara í viðræður við at-
vinnurekendur um svonefndan að-
fararsamning,“ sagði Gylfi Arn-
björnsson, forseti ASÍ. Með
aðfararsamningi er átt við einfaldan
kjarasamning til skamms tíma sem
verði skref í átt að gerð kjarasamn-
ings til lengri tíma að ári. Í vetur
verði kannað hvort hægt verði að ná
breiðri sátt um stefnumörkun varð-
andi t.d. gengi krónunnar, peninga-
stefnu, húsnæðismál, skatta- og vel-
ferðarmál o.fl. Gylfi sagði æskilegast
að viðbrögð stjórnvalda lægju fyrir
áður en kjaraviðræður hefjast.
Breytingar á fjárlagafrumvarpi
„Til þess að skapa sátt verður rík-
isstjórnin að hreyfa við ákveðnum
stærðum í fjárlagafrumvarpinu. Við
vorum mjög ósátt við velferðar-
áherslur frumvarpsins,“ sagði Gylfi.
„Við teljum að það vanti 5-6 millj-
arða til að bæta þjónustu á sjúkra-
húsunum og sérstaklega til að lækka
kostnað almennings við að leita sér
læknisþjónustu. Við hefðum viljað
sjá meiri peninga til menntamála
varðandi tækifæri til náms fyrir þá
sem minnsta menntun hafa á vinnu-
markaði, eins aukin framlög til verk-
og tæknimenntunar. Við teljum allt
of langt gengið í niðurskurði til
vinnumarkaðsmála og þjónustu við
atvinnuleitendur og viljum sjá aukn-
ingu hvað það varðar.“
Gylfi kvaðst telja að ASÍ væri með
betri tillögu en ríkisstjórnin um
hvernig lækka megi skattbyrði milli-
tekjuhópanna og draga úr jaðar-
sköttum. „Tillaga ASÍ er að hækka
krónutölumörkin milli lægsta skatt-
þrepsins og milliþrepsins. Það mun
skila meiri lækkun skattbyrði til
millitekjuhópanna heldur en tillaga
ríkisstjórnarinnar.“
Húsnæðismál voru einnig rædd en
mikil vinna er að hefjast á því sviði á
vegum félags- og húsnæðismálaráð-
herra. „Það er mikil óþreyja í okkur
að ýta þeim málum áfram, sérstak-
lega almenna húsnæðislánakerfinu
og félagslega húsnæðiskerfinu,“
sagði Gylfi. Hann kvaðst ekki eiga
von á niðurstöðu varðandi húsnæðis-
málin fyrir gerð aðfararsamningsins
heldur yrði hún innlegg í starfið sem
fram fer í vetur.
„Ég tel að það geti vel verið sam-
starfsfletir við aðila vinnumarkaðar-
ins og verkalýðshreyfinguna um fjöl-
mörg atriði. Þetta er kannski meiri
spurning um útfærslur,“ sagði
Bjarni Benediktsson, fjármála- og
efnahagsráðherra, að loknum fund-
inum.
Kallað eftir viðbrögðum stjórnvalda
 Hugmynd um að fyrst verði gerður einfaldur aðfararsamningur til skamms tíma  Veturinn verði
svo notaður til að undirbúa kjarasamning til lengri tíma  ASÍ vill m.a. meira fé til heilbrigðismála
Morgunblaðið/Golli
Samningar Fulltrúar ASÍ á fundi með ráðherrum í Stjórnarráðshúsinu.