Morgunblaðið - 08.11.2013, Síða 4

4 FRÉTTIRInnlent
MORGUNBLAÐIÐ FÖSTUDAGUR 8. NÓVEMBER 2013
Lögreglan á
höfuðborg-
arsvæðinu hef-
ur frá því í sum-
ar heimsótt
tæplega 100
vinnustaði í um-
dæminu og
kannað hvort
atvinnuleyfi
starfsmanna
væru í lagi.
Þetta kemur fram í tilkynningu frá
lögreglunni.
„Skemmst er frá því að segja að
svo hefur verið í nær öllum til-
fellum og ástand mála því almennt
mjög gott, en skráðar hafa verið
niður upplýsingar um 310 erlenda
starfsmenn. Gerðar voru athuga-
semdir við fjóra starfsmenn. Þrír
þeirra höfðu atvinnuleyfi, en ekki á
þeim stöðum þar sem þeir voru við
vinnu. Fjórði starfsmaðurinn
reyndist ekki hafa atvinnuleyfi hér
á landi, en tekið skal fram að fjór-
menningarnir voru við störf á jafn-
mörgum stöðum,“ segir í tilkynn-
ingunni.
Í aðgerðunum heimsótti lögregla
veitinga- og skemmtistaði, fisk-
vinnslur, efnalaugar, þvottahús og
bifreiðaverkstæði.
Flestir með gild
atvinnuréttindi
Lögregla heimsótti
m.a. veitingastaði.
SVIÐSLJÓS
Ingveldur Geirsdóttir
ingveldur@mbl.is
Lögregluumdæmum á landsbyggð-
inni hefur verið gert að skera mikið
niður undanfarin ár, meðal annars
akstur lögreglubíla en hver ekinn
kílómetri er kostnaðarsamur. Bitnar
það helst á sýnileika lögreglunnar og
umferðaröryggi. Langt getur verið á
milli starfsstöðva lögreglunnar á
landsbyggðinni og því eru oft langir
vegkaflar, m.a. á þjóðveginum, eftir-
litslausir nánast alla daga ársins.
Hjá lögreglunni í Borgarfirði og
Dölum hefur dregið mikið úr heildar-
málafjölda síðan 2008. Árið 2008 voru
málin sem komu til kasta lögreglu
5.243 en í fyrra voru þau 2.771. Mikið
hefur dregið úr umferðarlagabrotum,
þau hafa farið úr 1.110 árið 2008 niður
í 507 árið 2012, árið áður voru þau að-
eins 388.
Akstur lögreglu dregist saman
Þó dregið hafi úr umferðarlaga-
brotunum þýðir það ekki að ökumenn
séu orðnir löghlýðnari. Þegar akstur
lögreglubifreiða embættisins yfir
sama tímabil er skoðaður sést að
fækkun umferðarlagabrota helst í
hendur við minni akstur lögreglunnar
um umdæmið. Akstur lögreglubíla
hefur dregist saman um 60% frá
árinu 2006 hjá lögreglunni í Borgar-
firði og Dölum. Í því umdæmi eru þrír
lögreglubílar í dag, þar af einn í Búð-
ardal, og hefur fækkað um einn frá
2007. Lögreglumönnum hefur fækk-
að um tvo síðan 2011 og yfirvinna
dregist saman um tæpan helming síð-
ustu fimm ár. Sjö lögreglumenn
starfa í umdæminu nú, þar af eru
fimm á vöktum. Enginn hefur verið
ráðinn í sumarafleysingar síðustu
þrjú sumur og oft er aðeins einn lög-
reglumaður á vakt og aðeins tveir á
laugardagskvöldum í öllu umdæminu
sem er 8.045 ferkílómetrar að stærð.
Íbúar umdæmisins eru um 5.000
talsins en mikil dulin búseta er á
svæðinu vegna háskóla á Bifröst og
Hvanneyri og mikillar sumarhúsa-
byggðar. Talið er að 15 til 20 þúsund
manns séu í umdæminu um helgar yf-
ir sumartímann og að jafnaði 8 til 10
þúsund yfir vetrartímann. Þá er ótal-
in öll sú bílaumferð sem fer í gegnum
umdæmið eftir þjóðvegi eitt en hún
hefur aukist mikið síðustu ár.
Theodór Þórðarson, yfirlögreglu-
þjónn lögreglunnar í Borgarfirði og
Dölum, segir að til margra ára hafi
fjármagn verið vanáætlað til embætt-
isins, það sé ekki reiknað út frá rétt-
um grunni. „Fjármagn til úthlutunar
er reiknað út frá íbúum með skráð
lögheimili í hverju umdæmi. Við í
okkar umdæmi búum við þá sérstöðu
að stór hluti þess fólks sem dvelst í
umdæminu er ekki lögskráður þar.
Við höfum reynt að sýna fram á þetta
misræmi og nálgast réttlátari fjár-
veitingagrunn. Hingað til hefur geng-
ið treglega að fá leiðréttingu okkar
mála samanber nýja fjárlagafrum-
varpið,“ segir Theodór en í því er gert
ráð fyrir að umdæmið fái 4,5 milljóna
króna aukningu frá árinu 2013, sú
upphæð hrekkur skammt og er mun
lægri en hjá mörgum sambærilegum
lögregluembættum.
Aukið agaleysi í umferðinni
Áhyggjur eru uppi um að minni
sýnileiki lögreglunnar í stórum um-
dæmum auki agaleysi í umferðinni.
„Alltaf heyrist af stöku ökumönnum
sem aka langt yfir leyfilegum há-
markshraða, sem auðvitað skapar
ekki aðeins hættu fyrir þá heldur aðra
í umferðinni. Sýnilegt eftirlit lögreglu
er mikilvægt, minni líkur eru þá á því
að lögbrot séu framin á því svæði. Við
myndum vilja sjá aukið eftirlit á þess-
um lengri vegalengdum hér,“ segir
Hlynur Hafberg Snorrason, yfirlög-
regluþjónn á Vestfjörðum.
Aðrir lögregluþjónar á lands-
byggðinni, sem blaðamaður ræddi
við, eru sammála um að frá efnahags-
hruni hafi dregið gríðarlega mikið úr
umferðarlöggæslu og það bitni fyrst
og fremst á öryggi borgaranna.
Mikið hefur dregið úr skráð-
um umferðarlagabrotum
 Ökumenn ekki orðnir löghlýðnari heldur hefur eftirlit lögreglunnar minnkað
Málafjöldi miðað við akstur
lögreglubifreiða frá 2008 til 2012
Hjá lögreglunni í Borgarfirði og Dölum
6.000
5.000
4.000
3.000
2.000
1.000
0
250
200
150
100
50
0
M
ál
af
jö
ld
i
Ek
ni
rk
m
(x
1.
00
0)
Heildarmálafjöldi Þar af umferðarlagabrot Akstur lögreglubifreiða LBD
2008 2009 2010 2011 2012
5.243
3.442 3.370
2.491
2.771
1.110
593 622 388 507
Steingrímur J. Sigfússon og Össur Skarphéðinsson, þingmenn og fyrrver-
andi ráðherrar, kynntu bækur sínar og árituðu á sama tíma síðdegis í gær.
Steingrímur var í Eymundsson við Austurstræti og Össur í Eymundsson
við Skólavörðustíg. Fjölmenni var á báðum stöðum en í bókum sínum gera
þeir upp störf sín í síðustu ríkisstjórn, hvor með sínum hætti.
Morgunblaðið/Eggert
Útgáfuteiti á sama tíma
Morgunblaðið/Golli
Steingrímur og Össur kynntu bækur sínar
Hæstiréttur hef-
ur gert Björgvini
Guðmundssyni,
ritstjóra Við-
skiptablaðsins,
að greiða Pétri
Gunnlaugssyni,
útvarpsmanni á
Útvarpi Sögu,
200 þúsund krón-
ur í miskabætur
og eina milljón
króna í málskostnað vegna um-
mæla um Pétur í blaðinu og á vef-
síðu þess. Ummælin „Þessu og
fleiru reiddist Pétur mjög, henti
öllu af borðinu hjá sér í beinni út-
sendingu og reif í Björn Val“ voru
ómerkt og einnig ummælin „Lenti í
handalögmálum í útvarpsviðtali“.
Hæstiréttur féllst á með héraðs-
dómi að hin röngu ummæli hefðu
verið til þess fallin að valda Pétri
álitshnekki.
Björgvini gert að
greiða Pétri bætur
Björgvin
Guðmundsson
Í afbrotatölfræði Ríkislög-
reglustjóra fyrir árið 2012 má sjá
að umferðarlagabrotum fjölgaði
það ár frá árinu 2011. „[...]og er
það í fyrsta sinn frá árinu 2007
sem brotum í þessum brotaflokki
fjölgar milli ára. Umferðarlaga-
brotum og sérrefsilagabrotum
fjölgaði um 13% frá 2011 til
2012,“ segir í tölfræðiskýrslunni
sem má finna á vef Ríkislög-
reglustjóra, logreglan.is.
Árið 2011 fækkaði umferð-
arlagabrotum um 27% miðað við
meðaltal síðustu þriggja ára á
undan. En árið 2010 voru um-
ferðarlagabrotin 700 færri en ár-
ið á undan, 2009. Það ár var
fjöldinn sambærilegur og árið
áður, 2008, en þá fækkað þeim
um 3400 frá árinu 2007.
Árið 2007 var niðurskurður
ekki hafinn í stórum stíl og það
ár fjölgaði umferðarlagabrot-
unum frá árunum áður. Hrað-
akstursbrotum fjölgaði meðal
annars um 47% en það sumar
voru tvær hraðamyndavélar tekn-
ar í notkun.
Mikil fækkun brota frá 2007
AFBROTATÖLFRÆÐIN
Eftirlit Umferðareftirlit lögreglunnar.
Morgunblaðið/Júlíus
Rúnar Pálmason
runarp@mbl.is
Á árunum 2009-2014 greiða Noregur,
Ísland og Liechtenstein 988 milljónir
evra í Þróunarsjóð EFTA. Samninga-
viðræður um hvaða upphæð eigi að
leggja í sjóðinn á næsta fimm ára
tímabil munu hefjast innan skamms
og það liggur fyrir að Evrópusam-
bandið mun krefjast þess að framlög-
in hækki.
Þetta kom fram í norska dag-
blaðinu Aftenposten í gær. Norski ut-
anríkisráðherrann, Vidar Helgesen,
vildi ekki ræða um yfirvofandi samn-
ingaviðræður við ESB við blaðið.
Hann tók þó fram að hann teldi ekki
eðlilegt að framlag Noregs myndi
hækka, enda lægi fyrir að fjárlög
ESB myndu lækka á næsta ári, í
fyrsta sinn í sögunni.
Í Aftenposten kom fram að ESB-
ríkin 28 hafa samþykkt samningsum-
boð fyrir framkvæmdastjórn ESB í
viðræðunum. Þar sé engin upphæð
nefnd en á hinn bóginn tekið skýrt
fram að framlögin eigi að hækka.
Samkvæmt upplýsingum Morgun-
blaðsins hefur íslenskum stjórnvöld-
um ekki verið greint frá hvað felst í
samningsumboðinu, hvorki formlega
né óformlega.
Í Aftenposten segir að aukin fram-
lög verði nýtt til að berjast gegn at-
vinnuleysi meðal ungs fólks í ESB en í
sumum ríkjum þess er það gríðarlega
mikið, t.d. á Spáni þar sem það er talið
vera yfir 50%.
Fimmtán ríki fá styrki
Í EES-samningnum er kveðið á um
að EFTA-ríkin leggi sitt af mörkum
til að aðstoða þau ríki Evrópusam-
bandsins sem höllum fæti standa.
Þegar sjóðurinn var settur á lagg-
irnar árið 1994 fengu m.a. Írland og
N-Írland styrki úr sjóðnum en þegar
efnahagur þessara svæða batnaði
féllu styrkir þangað niður. Nú fá
fimmtán aðildarríki ESB styrki úr
sjóðnum þ.e. ríki sem áður voru aust-
an við járntjaldið, auk Spánar, Portú-
gals, Möltu og Kýpur.
Upphaflega átti Þróunarsjóðurinn
aðeins að starfa í fimm ár en ítrekað
hefur verið samið um framlengingu.
Þegar síðast var samið um greiðsl-
urnar, árið 2010, var tekið tillit til
efnahagslegrar stöðu Íslands og Nor-
egur og Liechtenstein tóku á sig meg-
inhluta hækkunarinnar.
ESB vill hærri framlög
í Þróunarsjóð EFTA
 Renni til baráttunnar gegn atvinnuleysi ungs fólks í ESB
Tveir sjóðir
» Noregur leggur til lang-
stærsta hluta fjárhæðarinnar í
Þróunarsjóð EFTA eða um
96%. Ísland leggur til rúmlega
3% og Liechtenstein um 1%.
» Að auki leggur Noregur um
800 milljónir evra í sérstakan
þróunarsjóð sem hin ríkin tvö
taka ekki þátt í.
» Samtals nema framlög Ís-
lands á tímabilinu 2009-2014
um 5,5 milljörðum króna, skv.
fjárlögum hvers árs, tæplega
34 milljónir evra.
Reuters