Morgunblaðið - 08.11.2013, Síða 29

Bandaríkjamenn
eiga í vök að verjast
um þessar mundir á
flestum vígstöðvum,
jafnt innanlands sem
utan. Það er ekki eitt
heldur allt sem virðist
gera þeim lífið erfitt.
Ásjóna og ímynd
þessa voldugasta ríkis
heims hefur látið mik-
ið á sjá undanfarið og
sumir fræðingar og blaðamenn
segja að þetta marki upphaf
hnignunarskeiðs. Obama forseti
verður fyrir hverju áfallinu af
öðru, nú síðast þegar upp komst
um hlerunarmálið sem ekki mun
sjá fyrir endann á næstu misserin.
Margir traustustu bandamanna
hans á Vesturlöndum eru æfir út í
forsetann fyrir að láta hlera síma
þeirra. Það kann að hafa alvarleg
áhrif á samstarf Evrópu og
Bandaríkjanna í næstu framtíð.
Hugsanlega mun málið skaða við-
ræður ESB og BNA um fríversl-
unarsamning sem er í undirbún-
ingi.
Ofan á þetta bætist að þingið í
Washington er ekki bara klofið í
tvennt eftir flokkslínum heldur
hefur myndast djúp illbrúanleg
gjá innan hins 159 ára gamla
Repúblikanaflokks. Gjáin gæti
leitt til þess að teboðs-þingmenn
flokksins stofni eigin flokk. Slíkt
hefur ekki gerst vestra frá árinu
1850 þegar hægriflokkurinn Whig,
forveri Repúblikanaflokksins, lagði
upp laupana í kjölfar mikilla innri
átaka um þrælahald. Solomon Yue,
þingmaður repúblikana frá Ore-
gon, sagði nýverið í blaðagrein að
ef flokkurinn leysti ekki innbyrðis
átök sín núna þá gæti flokkurinn
„orðið að öðrum Whig-flokki“. Pat
Buchanan, fyrrverandi þingmaður
og sjónvarpsmaður, tók öðruvísi til
orða og sagði að átökin stæðu nú á
milli flokkseigenda í Washington
og teboðshreyfingarinnar sem er
að reyna að ryðjast til valda í
flokknum. Samkvæmt skoð-
anakönnunum hefur flokkurinn
tapað miklu fylgi og orðið fyrir al-
varlegu ímyndartjóni vegna
skuldaþaksmálsins.
Nú er svo komið að
meirihluti landsmanna
kennir flokknum um
ófarirnar í stjórn
landsins. Stjórnmála-
fræðingar telja að
repúblikanar tapi
miklu fylgi í þing-
kosningunum 2014 og
verði mun minni
flokkur á nýju þingi.
Þetta deilumál hef-
ur veikt Obama for-
seta talsvert mikið og
gæti svo farið að hann færi haltr-
andi út úr seinna kjörtímabili sínu.
En þetta er ekki það eina sem
þvælist fyrir forsetanum þessa
dagana. Að viðbættu símahler-
unarmálinu og efnahagsvanda
BNA eru ýmis alþjóðleg vandamál
sem veita honum hita í höldurnar.
Þar má nefna lönd eins og m.a.
Sýrland, Afganistan, Íran,
Egyptaland, Írak, N-Kóreu og í
raun stærstan hluta arabaheims-
ins. Það er enga lausn að sjá í
þessum deilumálum og er Obama
ásakaður um ákvörðunarfælni af
þeim sökum. Þar við bætist að
bæði Kínverjar og Rússar hafa
nýtt sér tækifærið út í ystu æsar
til að færa sig upp á skörina í
heimspólitíkinni. Svo er eins gott
fyrir Bandaríkin að styggja ekki
Kínverja því þeir eru sagðir eiga
stærstan hluta af ríkisskuldabréf-
um Bandaríkjanna. Hvað myndi
gerast ef Kínverjar vildu allt í
einu innleysa bréfin?
Bandarískir pólitíkusar hafa
haft uppi stór orð um getuleysi
ESB til að leysa evrukrísuna, sem
hefur ögrað framtíð bandalagsins.
Þeir hefðu mátt gæta orða sinna
betur því kjósendur vestra segja
að þeir ættu að líta í eigin barm
því þeim sé ómögulegt að ná sam-
komulagi um skuldaþaksvandann
og önnur hitamál. Kjósendur eru
langþreyttir á stjórnmálamönnum
sem sitja við kjötkatlana í Wash-
ington, rétt eins og Íslendingar
hafa lítið álit á Alþingi. Staða
Repúblikanaflokksins er sýnu
verri en þrátt fyrir það líður
Demókrataflokkurinn sömuleiðis
fyrir lélega ímynd og minnkandi
tiltrú kjósenda. Stjórnmálamenn
eru litnir hornauga af lands-
mönnum. Annað mál sem ergir
kjósendur er fjöldi lögfræðinga á
þingi sem þeir segja að yfirgnæfi
flest öll þingstörf og beri ábyrgð á
skuldaþaksflækjunni. Þess má
geta að Obama forseti er lög-
menntaður. Þriðjungur þingmanna
í fulltrúadeild þingsins í Wash-
ington eru lögfræðingar og helm-
ingur þingmanna öldungadeild-
arinnar. Á breska og kanadíska
þinginu er sjöundi hver þingmaður
lögfræðingur og fimmtándi hver í
Frakklandi, að sögn the Econom-
ist. Þess má geta að Íslendingar
hafa lengi kvartað undan of mörg-
um lögfræðingum á Alþingi miðað
við aðrar stéttir.
Það er langt í land að friður ná-
ist í pólitíkinni vestra og bráða-
birgðasamkomulagið um skulda-
þakið rennur út um miðjan janúar
2014 og enginn veit hvað gerist
næst. Línur skýrast eflaust ekki
fyrr en eftir þingkosningarnar
næsta haust. Enginn veit heldur
hvernig Obama sleppur út úr öll-
um sínum vandræðum á kjör-
tímabilinu. Spurningin er hvort
hann verður í hópi lélegra forseta
eins og George W. Bush eða kemst
í stjörnulið Bandaríkjaforseta?
Sleppur hann út úr símahler-
unarmálinu eða ekki? Er málið
kannski stormur í vatnsglasi? Allir
vita sem vilja vita að stórþjóðirnar
njósna hver um aðra. Það sem
gerðist nú er að það komst op-
inberlega upp um njósnir Banda-
ríkjamanna en hinar valdaþjóð-
irnar þakka eflaust sínum sæla
fyrir að sleppa við afhjúpun í þetta
sinn.
Alvarleg pólitísk
skriðuföll í Washington
Eftir Jón Hákon
Magnússon » Verður Obama í hópi
lélegra forseta eins
og George W. Bush eða
kemst hann í stjörnulið
Bandaríkjaforseta?
Sleppur hann út úr
símahlerunarmálinu?
Jón Hákon Magnússon
Höfundur er framkvæmdastjóri
KOM almannatengsla ehf.
UMRÆÐAN 29
MORGUNBLAÐIÐ FÖSTUDAGUR 8. NÓVEMBER 2013
Bréf til blaðsins
Ég þykist vita fyrir víst að dr. Gunn-
ar I. Birgisson í Kópavogi hafi fund-
ið leið til að fyrirgefa undirrituðum
að hafa hvatt
hann til að fara
fram í fyrsta sæti
sjálfstæðismanna
í Reykjavík, í
prófkjörinu
spennandi sem
fara mun fram á
næstunni. Það
virðist nokkuð
ljóst að dr. Gunn-
ar hafi þá þegar
haft veður af framboði Halldórs
Halldórssonar, afbragðsmanns frá
Ísafirði, sem er einmitt líklegur til
að leiða farsællega stjórn höf-
uðborgar okkar Íslendinga, svo sómi
sé að og innviðirnir njóti skyn-
samlegra stjórnarhátta. Ólíkt ótrú-
legum framkvæmdum „fyndna“
flokksins og atvinnustjórnmála-
mannanna í enn einum komm-
únistaflokknum, þótt hann skreyti
sig með forskeytinu „sam“ eins og
stundum áður fyrr á árum, að mig
minnir.
Það kemur auðvitað öllum lands-
mönnum við hvernig sjálfri höf-
uðborginni er stjórnað. Hjarta þjóð-
arlíkamans slær þar og brýnt að
umferðaræðarnar séu greiðar, ekki
síst sjálf ósæðin sem Reykjavík-
urflugvöllur verður að teljast vera, í
óeiginlegri merkingu. (Með fullri
virðingu fyrir Faxaflóahöfnum og
Vegagerðinni.)
Merkilegt má það eiginlega heita,
að einmitt sama daginn og vellinum
voru tryggð átta góð ár enn, form-
lega af þar til bærum yfirvöldum,
þótt einni flugbrautinni væri að vísu
fórnað, birtist opið bréf til borg-
arstjórans í Morgunblaðinu frá
„Betri byggð“ sem heldur að
Reykjavík gæti orðið „evrópsk“
borg hérna úti í miðju Atlantshafinu,
Bandaríkjamegin þó.
PÁLL PÁLMAR
DANÍELSSON,
leigubílstjóri.
Allt þokast
þetta í réttu áttina
Frá Páli Pálmari Daníelssyni
Páll Pálmar
Daníelsson
eina nýja sem gæti
komið út úr slíkri at-
hugun er hærri verð-
miði – fleiri milljarða-
tugir en fyrr.
Í samkomulaginu er
gert ráð fyrir því að
aðstöðu fyrir almanna-
flug, einka- og
kennsluflug, verði
fundinn staður annars
staðar en á Reykjavík-
urflugvelli. Það er með
hreinum ólíkindum að
stjórnmálamenn láti
sér detta í að leggja milljarða í
byggingu og rekstur sérstaks
kennsluflugvallar með stjórnuðu
loftrými á sama tíma og Reykja-
víkurflugvöllur er í fullum rekstri.
Nýlegar fréttir af neyðarástandi í
heilbrigðisþjónustu ættu að vera
mönnum nægt tilefni til að hverfa
frá öllum fyrirætlunum um sér-
stakan kennsluflugvöll.
Sú óvissa sem ríkt hefur um
Reykjavíkurflugvöll um langt ára-
bil hamlar frekari uppbyggingu
starfsemi þar, en ljóst er að sókn-
arfærin eru mikil, til að mynda í
ljósi stóraukinna umsvifa á Græn-
landi. Hljóðmengun af vellinum
þyrfti ekki að aukast að ráði með
auknum umsvifum enda nýjustu
Fulltrúar ríkisins,
Reykjavíkurborgar
og stærsta flugrek-
anda á Reykjavíkur-
flugvelli skrifuðu 25.
október síðastliðinn
undir samkomulag
um að fresta því í níu
ár að leggja af norð-
ur-suðurbraut
Reykjavíkurflugvall-
ar, en samkvæmt fyr-
irliggjandi aðalskipulagsdrögum
stóð til að þeirri braut yrði lokað
árið 2016. Þá var ákveðið enn
fremur að skipaður yrði starfs-
hópur til að finna „varanlegt stæði
fyrir flugvöllinn á höfuðborg-
arsvæðinu“ eins og það er orðað.
Þeir sem heykjast á að taka erf-
iðar ákvarðanir eiga það til að
fresta þeim von úr viti. Það að
fresta raunverulegri ákvörðun um
framtíðarstaðsetningu flugvall-
arins er í reynd aðför að þeirri
margþættu starfsemi sem þar er
að finna. Ákvörðun um að skipa
starfshóp um staðarval nýs vallar
hljómar sem lýðskrum, enda allir
flugvallarkostir á höfuðborg-
arsvæðinu verið þaulkannaðir. Hið
vélar mjög hljóðlátar, til að mynda
hin nýja Airbus þota Færeyinga
sem er hljóðlátari í aðflugi en Fok-
kerar Flugfélags Íslands.
Hér á landi er gríðarleg þekking
til staðar á flugi og flugtengdum
greinum og tækifærin mikil á
næstu árum og áratugum. Reyk-
víkingar mega ekki að láta þessi
tækifæri sér úr greipum ganga.
Það skal vera eitt fyrsta verkefni
nýrrar borgarstjórnar að rifta
þessu gervisamkomulagi og festa
völlinn í sessi í Vatnsmýri, til hags-
bóta fyrir reykvískt atvinnulíf og
samgöngur.
Gervisamkomulag um
Reykjavíkurflugvöll
Eftir Björn Jón
Bragason
Björn Jón Bragason
» Ákvörðun um að
skipa starfshóp
um staðarval nýs vallar
hljómar sem lýðskrum,
enda allir flugvallar-
kostir á höfuðborgar-
svæðinu verið þaul-
kannaðir.
Höfundur er sagnfræðingur og
sækist eftir 2.-3. sæti í prófkjöri
sjálfstæðismanna fyrir komandi
borgarstjórnarkosningar.
… Heilsurækt fyrir konur
Þarabakki 3 ~ 109 Reykjavík ~ sími 566 6161 ~ curves.is
Inga Hildur Yngvadóttir
- 48 ára snyrti- og fótaaðgerðafræðingur.
Ég er búin að vera í Curves í 7 ár og líkar mjög vel ég mæti
alltaf 3 í viku. Mér finnst gott að ráða hvenær ég kem og
hversu oft . Mér finnst mikill kostur að þurfa ekki að stilla
tækin og að ég sé að taka á öllum helstu vöðvahópum. Mér
líður mjög vel á eftir og ekki er verra að halda kílóunum
í skefjum og vera styrkari og liprari. Frábær stöð sem er
bara fyrir konur og þarna er skemmtilegt starfsfólk og mjög
góður andi.
Oddný Sigríður Nicolaidóttir – 82 ára
Ég byrjaði að æfa í Curves vorið 2009. Æfingarnar henta mér
afar vel. Ég mæti 4x í viku og held þannig líkamanum í góðu
formi þrátt fyrir gigt og fleira sem fylgir mínum aldri. Eftir
skurðaðgerð nýlega fór ég í 6 vikna geislameðferð og meðan
á meðferðinni stóð stundaði ég líkamsræktina 4x í viku.
Félagsskapurinn, stuðningurinn og ekki síst það frábæra
starfsfólk sem Curves hefur upp á að bjóða er ómetanlegt.
Þarna hef ég eignast góðar vinkonur og sleppi helst aldrei úr
tíma. Stærsti kosturinn er að ég get mætt þegar mér hentar.
Æfingin hjá okkur
tekur aðeins 30 mínútur
Hringdu og fáðu frían prufutíma
Bjóðum einnigupp á trimform
Jólatilboð frá
1. nóvember
kr. 18.900
þriggja mánaða ko
rt