Morgunblaðið - Sunnudagur - 12.01.2014, Blaðsíða 16
*Draumaeyjan Balí í Indónesíu heillaði vinkonurnar Sunnefu og Viktoríu upp úr skónum »18Ferðalög og flakk
Á Ítalíu kemur nornin La Befana aðfaranótt 6. janúar (Epifania) með góðgæti
og gjafir í sokka allra barna.
La Befana er í raun mikilvægari en jólasveinninn. Hún er mjög gömul kerl-
ing, talin úr heiðnum sið um 1000 árum fyrir fæðingu Krists. Í sumum hér-
uðum eru brennur á þrettándanum til að brenna nornina. Er talið nauðsyn-
legt að hengja upp litla dúkku af norninni á kústinum sínum til að bægja öllu
illu frá heimilinu. Í desember eru allir básarnir á jólamarkaðnum á Piazza Na-
vona fullir af kerlingunni! Hinrik Leonard og Felix Helgi fengu auðvitað
heimsókn frá La Befana – fullan strigasokk af nammi. Á aðventunni er fastur
liður hjá okkur fjölskyldunni að fara sem oftast á Piazza Navona til að anda að
okkur jólastemningunni og skoða hinar ótal útgáfur af norninni Befana!
Hildur Hinriksdóttir, Ingólfur Níels Árnason og synir Það úir og grúir af nornum á þessum tíma árs á Ítalíu. Felix og Hinrik fengu gott frá norninni.
Mikilvægari en jólasveinninn
Ingólfur og Hildur á Piazza Navona.
PÓSTKORT F
RÁ RÓM
D
unnett var lærður listmálari og
mjög fær sem slíkur áður en hún
varð þekkt sem rithöfundur. Ein-
stakt lag hennar á að færa
náttúrulýsingar í orð kemur því kannski ekki
á óvart. Lýsingar hennar á eldgosi í Kötlu
eru til dæmis afar áhrifaríkar og í uppáhaldi
margra,“ segir Alyson um rithöfundinn
skoska, sem lést 2001.
Dorothy Dunnett á sér afar tryggan les-
endahóp en hún er einkum þekkt fyrir sagn-
fræðilegu skáldsagnabókaflokkana The Ly-
mond Chronicles og The House of Niccoló.
Báðir hverfast þeir um sögupersónur á 15.
og 16. öld, sem gera víðreist. Í sjöttu bók
Niccoló-seríunnar, To Lie With Lions, leggur
aðalpersónan, Nicholas de Fleury, m.a. leið
sína til Íslands í verslunarerindum með
skreið. Varð sá kafli Alyson, sem hefur verið
búsett hér á landi um árabil, innblástur að
gerð ferðabæklings um sögusviðið, sem þar
er Suðurland. Bæklingurinn kom út hjá The
Dorothy Dunnett Society skömmu fyrir ára-
mót.
Ísbirnir og eldgos
Að sögn Alyson er Íslands-kaflinn vinsæll
hjá mörgum aðdáenda Dunnett og oft í hann
vitnað, þótt hann spanni aðeins hluta sög-
unnar. Í honum lenda söguhetjan og lið
hennar í kröppum dansi og leggja á sig
flókna ferð í flýti til skips við Þjórsárósa.
Verða m.a. bæði ísbjörn og eldgos til að tor-
velda ferð þeirra, auk þess sem áð er m.a.
við Geysi, í Skálholti og við Hlíðarenda.
Lýsingar Dunnett á náttúrufyrirbrigðum
og landinu þykja mjög nákvæmar, þótt hún
hafi aðeins komið hingað einu sinni. Landið
virðist engu að síður hafa verið henni hug-
leikið að sögn Alyson. Í sögunni er m.a. vitn-
að til íslensku fornsaganna auk þess sem
Dunnett vísaði til íslenskra fræða og skáld-
skapar, s.s. Hávamála, í fleiri verkum sínum.
Við undirbúning leiðarvísisins ferðaðist
Alyson sjálf um slóðir bókarinnar á vormán-
uðum árið 2011, á milli þess sem hún kenndi
nemendum við stjórnmálafræðiskor HÍ.
Þrátt fyrir að einkum hafi verið notast við
hesta á þeim tíma sem sagan gerist, og röð
áfangastaða sögupersónanna beri þess glögg
merki, segir hún langflesta áfangastaði bók-
arinnar hafa verið auðsótta enda hafi Dunn-
ett kynnt sér staðhætti afar vel, m.a. gömul
kort og fornar ferðasögur frá landinu. Einna
helst var að fara þarf aðrar leiðir á milli
staðanna nú, enda malbikaðir vegir kannski
ekki alveg á sama stað og beinir hestaslóðar
áður. Telst henni samt til að hún hafi aðeins
skilið eftir 10-12 km langan fjallveg, sem hún
treysti sér ekki til að prófa á fólksbíl í
vondri færð í apríl.
Belgía fyrst, svo Ísland
Alyson vonast til að leiðarvísirinn verði jafn-
vel til þess að fleiri aðdáendur Dunnett leggi
leið sína hingað til lands, auk þess sem allir
ættu að geta haft ánægju af honum. Vísirinn
er annar í röð slíkra rita um söguslóðir
Dunnett en áður hefur komið út önnur slík
bók um Bruges í Belgíu. Mæltist sá afar vel
fyrir hjá áhugafólki um höfundinn að sögn
Alyson, enda Dunnett þekkt fyrir vel unnar,
fræðandi bækur auk þess sem þær eru
skemmtilegar.
„Það sem gerir bækur Dorothy Dunnett
svo áhrifamiklar er ekki síst að bæði eru
þær afar vitsmunalegar og fræðandi en ná
líka til manns tilfinningalega,“ segir Alyson
að lokum, létt í bragði. Bætir hún við: „Hún
á til að láta svolítið mikið ganga á hjá sögu-
persónum sínum og ekki allt gott – bæk-
urnar geta haft mikil áhrif á mann ef maður
einu sinni fellur fyrir þeim.“
LEIÐARVÍSIR UM SAGNASLÓÐIR DOROTHY DUNNETT
Slóðum Niccoló á
Íslandi gerð skil
ALYSON BAILES, AÐJUNKT VIÐ HÁSKÓLA ÍSLANDS, HEFUR UM ÁRABIL
VERIÐ MIKILL AÐDÁANDI SKOSKA RITHÖFUNDARINS DOROTHY DUNN-
ETT. SETTI HÚN SAMAN LEIÐARVÍSI UM ÍSLANDS-HLUTA BÓKARINNAR
„TO LIE WITH LIONS“ Á SÍÐASTA ÁRI, FYRIR AÐDÁENDUR HÖFUNDARINS
OG ÁHUGASAMA.
Gunnhildur Ásta Guðmundsdóttir gunnhildur@mbl.is
Lesendur eru leiddir um
Íslandsslóðir Dunnett.
Geysir er einn af áningarstöðum söguhetjanna í bók Dunnett og því í leiðarvísinum, auk fleiri til.
Morgunblaðið/Kristinn
Alyson Bailes aðjunkt er
mikill aðdáandi Dunnett.