Morgunblaðið - Sunnudagur - 12.01.2014, Blaðsíða 48
Samnemendur hissa
Það var sannarlega öfundsvert að fá þetta
starfsnám og segir Sigga Dóra samnemendur
sína hafa verið ansi hissa og ánægða fyrir
hennar hönd, enda dreymir marga um að
vinna hjá fyrirtæki á borð við Airbus. „Það
sem var líka svo gaman við þetta var að ég
vann á svæði þar sem vélarnar eru settar
saman. Flugvélahlutar eru fluttir frá starfs-
stöðvum Airbus víða um Evrópu til Toulouse
þar sem vélarnar eru fullkláraðar. Á svæðinu
mínu var verið að setja saman A320 fjölskyld-
una, A330 og A350 XWB. Ég vann í næsta
húsi við A350 framleiðslulínuna, fékk að ganga
þar um, fara inn í vélina og fylgjast með
hvernig gengi sem var ótrúleg upplifun.
Framleiðslulína A380 var einnig í næsta ná-
grenni og fékk ég að heimsækja verksmiðj-
una, sjá hvernig ofurþotan er sett saman og
kíkja inn í vélina.“
Blaðamaður starir á viðmælanda sinn enda
ekki vel að sér í flugvélum. Sigga Dóra hlær
og segist sjálf hafa verið í miklum vandræðum
fyrsta daginn í vinnunni. „Þetta er allt ótrú-
lega flókið og eftir fyrsta daginn fór ég heim
með mikinn höfuðverk, heilinn greinilega að
reyna að melta gríðarlegt magn upplýsinga.
En svo ég útskýri í stuttu máli þá er til að
mynda A380 stærsta farþegaflugvél heims og
er hún á tveimur hæðum. Farþegaþotan sem
ég vann að í mínu teymi er A350 XWB og er
hún næsta afurð Airbus. Öll athyglin er því á
henni um þessar mundir.“
Krefjandi verkefni í karlaveldi
Airbus er mikið karlaveldi en fyrirtækið sæk-
ist eftir því um þessar mundir að fá fleiri kon-
ur til liðs við sig. „Karlar eru í miklum meiri-
hluta og tel ég að hlutfallið sé eitthvað um
75-80% á móti konum. Að vísu voru nokkrar
konur í teyminu mínu en ég var langyngst
alltaf á öllum fundum. Ég fann hins vegar
ekki fyrir því að vera í minnihluta þarna því
yfirmaður minn treysti mér fyrir öllu. Hann
gaf mér tækifæri til að takast á við krefjandi
verkefni og ég mætti á fundi sem staðgengill
hans. Á fundum var ég oft með ýmsum goð-
Svífur þöndum
vængjum
DRAUMURINN RÆTTIST HJÁ SIGRÍÐI THEÓDÓRU ÞEGAR HENNI VAR
BOÐIÐ STARFSNÁM HJÁ AIRBUS Í FRAKKLANDI. HÚN ER EINI ÍSLENDING-
URINN SEM HEFUR STARFAÐ VIÐ NÝJUSTU FLUGVÉL FYRIRTÆKISINS: A350
XWB. DAGLEGA FÉKKST HÚN VIÐ KREFJANDI VERKEFNI OG ÞESS Á MILLI
VAR HÚN FENGIN Í BOÐ ÞVERS OG KRUSS TIL AÐ RÆÐA UM ÍSLAND.
Gunnþórunn Jónsdóttir gunnthorunn@mbl.is
S
igríður Theódóra Pétursdóttir hélt
til Frakklands haustið 2012 þar
sem hún hóf nám í markaðslegri
stjórnun og samskiptum við Tou-
louse Business School. Til þess að
útskrifast þurfti hún einnig að ljúka sex mán-
aða starfsnámi og fékk Sigga Dóra, eins og
hún er jafnan kölluð, inni hjá evrópska flug-
vélaframleiðandanum Airbus. Fyrirtækið er
með höfuðstöðvar sínar í Toulouse en borgina
mætti kalla höfuðborg flugsins í Evrópu.
„Mig langaði alltaf að fara til Frakklands í
nám og hef haft brennandi áhuga á flugi í
nokkur ár. Mér fannst kjörið að fara til Tou-
louse, bæði vegna þess að ég vissi að skólinn
er vel metinn en einnig þar sem Airbus er
með höfuðstöðvar sínar þar. Áður en ég fór út
var ég búin að ákveða að ég ætlaði mér að fá
starfsnám hjá Airbus en það var hægara sagt
en gert,“ segir Sigga Dóra. „Ég byrjaði á að
senda ferilskrána mína til fyrirtækisins stuttu
eftir að ég kom út, svona til að koma mér á
framfæri því þar þekkti mig enginn eða vissi
neitt um mig. Þetta gekk afar hægt í ljósi
þess að fyrirtækið er svo gríðarlega stórt og
umsóknarferlið flókið og langt.“
Sigga Dóra þurfti að fara í gegnum nokkrar
síur til þess að komast á leiðarenda. Í maí var
hún við það að gefast upp. „Ég var búin að
bíða í rúman mánuð eftir svari við umsókn um
starfsnámið sem ég sótti um hjá Airbus, og
búin fara í fjögur viðtöl vegna þess, þegar ég
fékk neitun og varð mjög svekkt. Gott bak-
land gerði það hins vegar að verkum að ég
vissi að ég gæti komist þar að og gafst því
ekki upp. Ófáum sinnum leitaði ég ráða hjá
móður minni og nánustu fjölskyldu og juku
þær samræður ávallt sjálfstraust mitt. Það er
ekki sjálfgefið að eiga slíkar fyrirmyndir.
Loksins fór boltinn að rúlla og einhvern veg-
inn varð ég mér úti um tölvupóstfang hjá yf-
irmanni A350 XWB samskiptateymisins. Ég
sendi honum og fleirum ferilskrána mína og
aðrar upplýsingar og áður en ég vissi af var
ég komin með tvö tilboð um starfsnám. Þarna
var ég komin í þá stöðu að velja á milli og á
endanum fékk ég draumastarfsnámið.“
Viðtal
48 MORGUNBLAÐIÐ SUNNUDAGUR 12.1. 2014
PI
PA
R\
TB
W
A
•
SÍ
A
•
13
36
52
Við dobblum*
til að útvega meiri afslátt
Markamunur í sigurleikjum íslenska handboltalandsliðsins á EM stjórnar
afslættinum daginn eftir leik – en við tvöföldum markamuninn.
Dæmi: Ef Ísland vinnur með 5 marka mun verður afslátturinn 10 krónur!
*Sögnin að „dobla“ er skrifuð með einu b skv. íslenskri orðabók. Við höfum ákveðið að dobbla béið líka.