Morgunblaðið - Sunnudagur - 18.05.2014, Page 53
18.5. 2014 MORGUNBLAÐIÐ SUNNUDAGUR 53
Morgunblaðið/Rósa Braga
Í stórmörkuðum dagsins í dag ganga innkaupin yfirleitt hratt fyrir sig, ekki síst
vegna þess að tölvubúnaður les strikamerki vörunnar en langt fram á 9. ára-
tuginn var starfsfólk verslana víðast hvar enn að handpikka verð vörunnar.
Starfskonur Hagkaupa voru þannig önnum kafnar árið 1988 við að lesa verð-
miða hverrar vöru og skrá þær inn og gat vöruhafið á færibandinu verið ansi
lengi að malla í gegn. Árið 1986 var Fríhöfnin ein verslana hérlendis komin
með verðskanna.
Hraðinn á afgreiðslukössum annar
Árið 1980 greip um sig hjólaskautaæði á Íslandi og í maí það sama ár birtust fréttir í
blöðum að skautarnir væru víðast hvar uppseldir í þeim verslunum sem seldu skaut-
ana. Þeir Hilmar Kristinsson og Valþór Ólason lærðu á hjólaskautana sína á diskótek-
inu Bergási í Keflavík en voru þarna staddir í miðborg Reykjavíkur í tilefni þess að þeir
ætluðu að sýna hjólaskautadans í Tónabæ. Í dag hafa línuskautar að mestu tekið við af
rúlluskautunum og öryggisbúnaður er ívið meiri. Með hjálm á höfði og hlífar á olnbog-
um og hnjám er ekki úr vegi að láta hundana svo draga sig áfram á Seltjarnarnesi.
Línuskautar tóku við af hjólaskautum
Morgunblaðið/Ómar
Íslendingar eru margir hverjir vanir að djamma til morguns og
breytti þar engu um þótt skemmtistaðir lokuðu framan af síð-
ustu öld klukkan þrjú. Þeir sem komnir voru með aldur til að
fara niður í bæ muna eflaust eftir stemningunni sem myndaðist
klukkan þrjú á Lækjartorgi þegar öllum var hent út af stöðunum
í einu og mannhafið varð mörg þúsund manns. Í dag eru
skemmtistaðir, svo sem Prikið í Bankastræti, opnir fram eftir
nóttu og gleðin því innandyra og torgið fámennara. Þessa nótt,
fyrir um 25 árum, voru um 6-700 manns á Lækjartorgi rétt rúm-
lega þrjú.
Öllum hent út í einu
Morgunblaðið/Eggert