Morgunblaðið - Sunnudagur - 27.07.2014, Page 22

Benedikt S. Lafleur og fleiri Íslendingar hafa synt Ermasundið og þykir það mikið sport.
(C) MOTIV, Jón Svavarsson
B
enedikt S. Lafleur hefur verið einn
af brautryðjendum í að breiða út
sjósundsiðkun á Íslandi og hefur
tekið þátt í ýmsu afrekssundi frá
því hann hóf að stunda sjósund sjálfur. „Ég
byrjaði að synda í sjónum fyrir rúmum tíu
árum en það var fyrir algjöra tilviljun.
Þannig var mál með vexti að ég hafði lesið
grein um sjósund í Morgunblaðinu og vissi
því að einhverir væru að stunda slíkt sund
hér á landi. Nokkru síðar var mér boðið í
slíkt sund og ég ákvað að slá til og henda
mér út í sjó og taka nokkur sundtök,“ segir
Benedikt sem raunverulega stökk út í kald-
an sjóinn og við það varð ekki aftur snúið.
Almennur áhugi á sjósundi hefur aukist á
undanförnum árum en lengi vel var áhuginn
takmarkaður og menn gjarnan taldir sér-
vitrir að synda í sjónum, að sögn Benedikts.
„Þegar ég kynnist sjósundinu voru ekki
margir sem stunduðu það en eftir að ég
synti Ermarsundið árið 2007 fór ég að taka
eftir auknum áhuga og í dag er þó nokkur
fjöldi sem syndir reglulega og aðrir sem
koma til að prófa og mæta þá endrum og
sinnum til að fá sér sundsprett.“
Líkamlegur ávinningur af sjósundi
Benedikt er ekki í nokkrum vafa um heilsu-
bót sjósunds en þekkir þó líka hætturnar og
segir fólk þurfa að hlusta á eigin líkama og
ekki vaða út í eitthvað sem það treystir sér
ekki í eða hefur ekki heilsu til. „Erlendar
og íslenskar rannsóknir hafa sýnt að sjó-
sund og sjóböð geta verið notuð til að auka
vellíðan fólks og jafnvel í forvarnar- og
lækningaskyni. Kuldi eykur t.d. virkni brún-
fitufrumna sem ganga á fituforða líkamans
og
brenna kalóríum. Þannig er hægt að nota
sjóböð til að grennast með fremur lítilli
áreynslu, svo fremi að maður borði ekki
þeim mun meira í kjölfar meiri mat-
arlystar,“ segir Benedikt, sem bendir einnig
á að sjósund hafi áhrif á sársauka og geti
hjálpað verkjasjúklingum. „Til eru viðamikl-
ar rannsóknir sem styðja reynslu fjölmargra
einstaklinga sem stunda bæði vetrarböð í
vötnum og sjó, sem og aðrar reglubundnar
kælingarmeðferðir, gagngert í því skyni að
lina verki. Finnsk rannsókn leiddi í ljós að
skýringar á sambandi kulda og minni verkja
mætti rekja til aukinnar virkni hormónsins
noradrenalíns sem líkaminn framleiðir meira
af við mikinn kulda. Þannig hjálpar sjósund-
ið og sjóböð fólki að glíma við sársauka, að
minnsta kosti tímabundið.“ Benedikt segir
jafnframt að sumir hafi læknað langvarandi
höfuðverki með sjóböðum og regluleg sund-
iðkun í köldum vötnum hefur að hans sögn
haft jákvæð áhrif gegn ýmiss konar gigtar-
verkjum.
Andleg áhrif sýnileg af sundinu
Í sjósundi er fólgin ákveðin hugleiðsla þar
sem einbeitingin að sundinu fjarlægir allar
áhyggjur og daglegt stres og jafnvel kvíða.
„Í sjónum virðast margir komast í hálfgert
hugleiðsluástand, þar sem fólk hugsar ekki
eins mikið og slakar á í sálinni. Þetta er
sameiginlegt álit mjög margra sem stunda
sjósund og kannski það sem ræður mestu
um vinsældir sjósunds á Íslandi,“ segir
Benedikt sem telur sjósundið auka bjartsýni
fólks og trú þess á að geta gert eitthvað
sem það hélt að það gæti ekki.
Sjósund er þó ekki án áhættu og er varað
við því að fólk með undirliggjandi æða- og
hjartasjúkdóma stundi sjósund nema eftir
ráðleggingu læknis. Þá er brýnt að fólk
syndi ekki langt frá landi þannig að stutt sé
upp úr ef eitthvað kemur fyrir og helst að
það fari með einhverjum. Sjósundsfélög eru
víða um landið og er ráðlagt að þeir sem
vilja byrja að stunda sjósund komi sér í
samband við einhverja vana sjósundsmenn í
sjósundsfélögum landsins.
Benedikt segir það svo ekki skipta máli
hvort fólk fer rólega af stað, reynir að venj-
ast sjónum rólega eða hoppar út í byrjar að
synda. „Það hefur þetta bara hver eins og
hann vill og lykillinn er að fólk hlusti á lík-
ama sinn og finni sér sinn eigin takt í
þessu.“ Í Reykjavík hefur Sjósunds- og sjó-
baðsfélag Reykjavíkur haldið úti öflugri
heimasíðu þar sem hægt er að finna góðar
upplýsingar um sjósund og tilvalið fyrir
byrjendur að byrja þar. Einnig býður Bene-
dikt ferðamönnum og öllum sem vilja upp á
skipulegar sjóbaðs- eða sjósundsferðir um
land allt og geta áhugasamir byrjendur og
þeir sem vilja fara í lengra sund haft sam-
band við hann, m.a. í gegnum síðuna
www.lafleur.is
ER KALDUR SJÓRINN ÁSKORUN FYRIR ÞIG?
Sjósund er einstök hugleiðsla
ÁHYGGJUR, KVÍÐI OG STRESS SKOLAST AF FÓLKI Í SJÓNUM ENDA TÆMIST HUGURINN OG EINBEITINGIN BEINIST ÖLL AÐ SUNDINU OG UMHVERFINU.
RANNSÓKNIR BENDA EINNIG TIL ÞESS AÐ KULDINN GERI MÖRGUM GOTT OG LÆKNI JAFNVEL LANGVINNA HÖFUÐVERKI OG HJÁLPI GIGTVEIKUM.
Vilhjálmur A. Kjartansson vilhjalmur@mbl.is
Sjósund er ekki bara stundað í Nauthólsvíkinni og synda menn um allt land við vel flestar aðstæður.
Morgunblaðið/Styrmir Kári
Morgunblaðið/Kristinn
22 MORGUNBLAÐIÐ SUNNUDAGUR 27.7. 2014
Heilsa og hreyfing
Hjólreiðar eru að aukast nokkuð þó svo aðstæður séu ekki þær bestu yfir vetrartímann. Því er um
að gera að koma sér af stað á sumrin þegar aðstæður eru betri og sjá svo til hvort sportið verði tek-
ið alla leið og hjólað í öllum veðrum. Það er allt í senn heilsusamlegt, umhverfisvænt og skemmtilegt
að ferðast um á hjóli, sérstaklega þegar hægt er að hjóla fjarri umferð á góðum stígum.
Notum sumarið til að hjóla