Morgunblaðið - Sunnudagur - 27.07.2014, Side 48

48 MORGUNBLAÐIÐ SUNNUDAGUR 27.7. 2014
Stofutónleikar Gljúfrasteins eru vinsælir
meðal áhugafólks um tónlist. Næstu tón-
leikar fara fram sunnudaginn 27. júlí kl. 16 og
fram mun koma tvíeykið Funi sem sam-
anstendur af söng- og kvæðakonunni Báru
Grímsdóttur og söngvaskáldinu Chris Fost-
er. Á efnisskránni verður bæði íslensk og
ensk þjóðlagatónlist en Funi leikur gjarnan
þjóðlög í eigin útsetningum. Tvíeykið syngur,
leikur á langspil, gítar, kantele og íslenska
fiðlu. Textarnir sem eru sungnir eru bæði ný-
ir og gamlir, allt frá sálmum og þjóðkvæðum
frá 17. öld til kvæða ortra af föður Báru. Funi
hefur gefið út geisladiskana Funa og Flúr sem
vel var tekið. Ljóst er að áhugaverð dagskrá
bíður gesta Gljúfrasteins á sunnudag.
Á GLJÚFRASTEINI
ÞJÓÐLEGT
Tvíeykið Funi leikur þjóðlagatónlist af list.
Jón Þorsteinsson tenór og Eyþór Ingi Jónsson
organisti koma fram í Akureyrarkirkju.
Síðustu Sumartónleikar sumarsins í Akur-
eyrarkirkju verða haldnir sunnudaginn 27.
júlí kl. 17. Fram koma Jón Þorsteinsson ten-
ór og Eyþór Ingi Jónsson organisti en þeir
hyggjast flytja íslenska sálma og söngverk eft-
ir J.S. Bach og G.F. Händel. Tónlistin eftir
þann síðastnefnda er að mestu tekin úr stór-
verkinu „Messías“. Jón og Eyþór hafa oft
unnið saman áður og þá yfirleitt flutt sálma
en þeir leggja sig fram við að draga fram fal-
legar laglínur sálmalaganna og að túlka texta
þeirra af virðingu og ástúð. Skemmtileg til-
breyting hjá þeim frá hefðbundnum flutningi
sálma er spunakenndur undirleikur.
SUMARTÓNLEIKAR Á AKUREYRI
SÁLMATÓNLIST
Áhugamenn um myndlist
gætu haft gaman af því að
leggja leið sína í Grasa-
garðinn í Laugardalnum.
Þar er fleira að finna en
falleg blóm og jurtir en
sýning á verkum myndlist-
arkonunnar Lilju Bjarkar
Egilsdóttur var opnuð síð-
astliðinn föstudag í Café
Flóru í Grasagarðinum. Á
sýningunni vinnur Lilja með rýmið og sýnir
málverk og skúlptúra með áherslu á gegnsæi
og orku. Lilja Björk hefur starfað við mynd-
list frá árinu 1990, mest við konseptlist en
undanfarið hefur hún lagt meiri áherslu á
málverkið. Lilja hefur verið búsett og starfað
erlendis í tvo áratugi. Uppruni hennar, tilfinn-
ingaleg tengsl og minningar um íslenska nátt-
úru eru áhrifavaldar í verkum hennar. Sýn-
ingin stendur til 10. ágúst og er opin daglega
á afgreiðslutíma Café Flóru kl. 10-22.
LILJA BJÖRK Í CAFÉ FLÓRU
UNNIÐ MEÐ RÝMI
Lilja setur upp
eitt verka sinna.
Föstudaginn 25. júlí verður opnuð ljósmynda- og hreyfimynda-sýning í anddyri Norræna hússins. Sýningin ber yfirskrift-ina „Jump in Diorama“ en höfundar hennar eru Annika
Dahlsten og Markku Laakso frá Finnlandi. Þau hafa á ferli sín-
um lagt áherslu á ljósmyndir, fjölmiðlaverk og gjörninga en verk
þeirra hafa verið sýnd víðsvegar, innan Finnlands sem utan.
Sýningin „Jump in Diorama“ leggur áherslu á heimildagildi
ljósmyndanna og sviðsetningu. Hún ýtir auk þess undir vangavelt-
ur um það hvað er „ekta“ og hvað ekki, en listamennirnir tóku
myndir og myndbandsbrot í mismunandi náttúrulandslagi í
finnska Lapplandi, Þýskalandi og Suður-Afríku. Á sumum mynd-
unum gefur einnig að líta dýr og menn og jafnvel slæðast lista-
mennirnir sjálfir inn á myndirnar. Þeir eru þá íklæddir Sam-
aþjóðbúningum en verkefnið sótti innblástur til föðurafa og
-ömmu Marrku Laakso, sem ferðuðust árið 1930 til Þýskalands í
þeim tilgangi að verða sýnd sem Samar í dýragörðum. Í ferðinni
var fólkið 31 talsins frá Finnlandi, Noregi og Svíþjóð og ferðaðist
á milli þýskra dýragarða í átta mánuði og skemmti gestum með
athöfnum daglegs lífs. Sýningar sem þessar voru vinsælar víða en
reynast nú listamönnum innblástur.
LJÓSMYNDIR Í NORRÆNA HÚSINU
Taka myndir í
Samabúningum
Listamennirnir skilja eftir sig spor í sandi, kannski í hugum einnig.
Ekki er laust við að kuldahrollur fari um áhorfanda þessarar ljósmyndar.
INNBLÁSTUR LJÓSMYNDASÝNINGAR Í NORRÆNA
HÚSINU ER SÓTTUR TIL ÞÝSKRA MANNESKJUSÝNINGA.
Guðrún Ingibjörg Þorgeirsdóttir gith@mbl.is
Menning
Nýverið var dagskrá Tjarnarbíós leik-árið 2014-2015 kynnt en árið mark-ar ákveðin tímamót fyrir sjálfstæðu
leikhúsin. Blaðamaður Morgunblaðsins tók
Guðmund Inga Þorvaldsson, framkvæmda-
stjóra Tjarnarbíós, tali og spurði hann út í
komandi leikár og starfsemi Tjarnarbíós.
Er það rétt skilið að þetta sé fyrsta heila
leikárið hjá ykkur?
„Já og nei. Það var leikár í fyrra en
þriggja ára samningur okkar við Reykjavík-
urborg náðist ekki fyrr en síðustu áramót.
Við fórum því af stað með síðasta leikár í
ákveðinni óvissu um hvort það gengi upp. Þá
voru t.d. ekki nema fjórir leikhópar sem
fengu samstarfssamning við Tjarnarbíó en
þeir eru fleiri nú. Það má því segja að kom-
andi leikár sé hið fyrsta eftir að samið var
við Reykjavíkurborg um starfsemi Tjarnar-
bíós.“
Merkisberar íslenskrar listar
Þriggja ára samningur við Reykjavíkurborg
hlýtur að hafa mikla þýðingu fyrir ykkar
starfsemi?
„Já og mig langar að hrósa borginni. Í
fyrsta lagi fyrir að klára framkvæmdir við
húsnæði Tjarnarbíós, sem hefur verið langt
ferli en ekki síður fyrir að ganga til samn-
inga við okkur og sýna þannig grasrótar-
starfi í sviðslistum skilning í verki. Það má
ekki gleyma því að sumir af okkar helstu
merkisberum erlendis á sviði lista eru ein-
mitt listamenn á borð við Ragga Kjartans,
Vesturport, Ernu Ómarsdóttur og Kviss
Búmm Bang, sem öll eiga það sameiginlegt
að vera sjálfstætt starfandi sviðslistamenn
og vinna Íslandi sess á erlendum vettvangi
sem skapandi þjóð.“
Finnst þér skilningur stjórnsýslunnar á
sviðslistum þá vera að aukast?
„Hugsanlega en fleira kemur einnig til.
Listaháskólinn er nú búinn að útskrifa í
nokkur ár sviðshöfunda af sérstakri sviðs-
höfundabraut. Þetta hefur skapað mjög frjó-
an jarðveg fyrir öðruvísi nálgun í sviðs-
listum. Fólkið sem vill vinna sjálfstætt og
öðruvísi en aðrir sprettur upp úr þessari
námsbraut og þetta er ferskur mannauður
sem hefur bætt miklu við íslenskar sviðs-
listir síðastliðin ár. Síðan má ekki gleyma
því fólki sem hefur menntað sig í óhefð-
bundnum nálgunum við sviðslistir erlendis
og flykkist nú til landsins og auðgar leik-
húsið.“
Nýir straumar í leikhúsinu
Þið hafið þið fengið til liðs við ykkur marga
unga listamenn, eða hvað?
„Unga og eldri í bland. Hér hjá okkur eru
vissulega margir ungir listamenn en alls
ekki eingöngu. Leikstjóri fyrstu frumsýn-
ingar ársins, Erling Jóhannesson, er t.d.
gríðarlega reyndur og hefur verið í fremstu
röð í sjálfstæðu leikhúsi í mörg ár. Með hon-
um í uppsetningunni er einvala lið reynslu-
mikilla kvenna. Eftir áramót er síðan frum-
sýning á Endatafli eftir Samuel Beckett og
því leikstýrir Kristín Jóhannesdóttir, einn
farsælasti leikstjóri Íslendinga undanfarna
áratugi. Grasrót unga fólksins er hins vegar
sterk líka og mitt áhugasvið liggur mikið í
þeim nýju nálgunum á sviðslistir sem fram
koma í grasrótinni.“
Geturðu nefnt dæmi um slíkar nálganir?
„Með nýjum nálgunum á ég t.d. við hluti
eins og að byrja að vinna út frá hugmynd og
án þess að hafa handrit tilbúið, eða þegar
byrjað er út frá einhverri hreyfingu eða
ákveðnu þema eða þegar fólk blandar saman
ólíkum listformum. Nú er algengt að lista-
hópar séu samsettir af fólki sem kemur úr
ólíkum áttum, t.d. myndlistarfólki, sviðs-
listamönnum, textahöfundum, dönsurum
o.s.frv. Dæmi um svona hóp er hópurinn
Sextán elskendur, þar sem stéttskipting er
engin en meðlimir skiptast þess í stað á að
stjórna innan hópsins. Sviðslistirnar eru
mikið að prófa sig áfram með nýjar nálganir
og að blanda saman ólíkum listgreinum.“
Fjölbreytt leikár framundan
Margt er á dagskrá Tjarnarbíós á komandi
leikári. Er hægt að nefna einhverja há-
punkta?
„Mér reynist erfitt að nefna eitthvað eitt
frekar en annað, dagskráin er öll mjög
metnaðarfull. Þó má auðvitað minnast á
samstarfsverkefnin okkar, en skv. samstarfs-
samningi Tjarnarbíós við Reykjavíkurborg,
ber Tjarnarbíói að veita fjórum til sex leik-
hópum á ári hverju fría æfingaaðstöðu og
sanngjarna skiptingu á miðasölu. Þetta eru
þá fullfjármagnaðar sýningar sem eðli máls-
ins samkvæmt verða í forgrunni hjá okkur.
Þetta verða í ár sýningarnar Róðarí, Lífið –
leiksýning um dauðann, Glenna, Útlenski
drengurinn, Persónur og leikendur, Endatafl
og Hávamál en tvö síðastnefndu verkin eru í
umsjón Möguleikhússins.“
Hvað með verkin sem ekki koma til vegna
þessa samnings, hvernig er tilkoma þeirra?
„Það er misjafnt, sum koma tilbúin til
okkar en önnur verkefni fóstrum við. Þá
tökum við inn hópa sem hafa góðar hug-
myndir en lítið fjármagn. Hóparnir nýta
önnur pláss í leikhúsinu en sviðið og hoppa
síðan inn á svið þegar það er laust. Þarna er
ég gríðarlega spenntur fyrir Draumförum
eftir Leif Þór Þorvaldsson. Hann hefur verið
LEIKÁRIÐ 2014-2015 Í TJARNARBÍÓI KYNNT
Nýjar nálganir í sviðslistum
ryðja sér til rúms
GUÐMUNDUR INGI ÞORVALDSSON, FRAMKVÆMDASTJÓRI TJARNARBÍÓS, SEGIR ÓHEFÐBUNDIÐ LEIKHÚS VERA Í
SÓKN. HANN VONAST TIL ÞESS AÐ TJARNARBÍÓ VERÐI HJARTA SKÖPUNAR Í REYKJAVÍKURBORG.
Guðrún Ingibjörg Þorgeirsdóttir gith@mbl.is